Paris Peace Accords 23 Oct. 1991

Sunday, March 5, 2017

សំលេង សន្ទនារវាង កឹម សុខា និង ហ៊ុន សែន - ខ្ញុំនៅតែអំពាវនាវឲ្យពលរដ្ឋខ្មែរគាំទ្រសង្រ្គោះជាតិ ដើម្បីការផ្លាស់ប្តូរ -


សំលេង សន្ទនារវាង កឹម សុខា និង ហ៊ុន សែន? ចំពោះ ការសន្ទនានេះ ខ្ញ្ញុំសូមធ្វើការចាប់អារម្មណ៍ ដូចតទៅ៖

១. បើជាសំលេងពិត ក៏ខ្ញុំមិនខ្វល់ដែរ ព្រោះគិតថាលោក កឹម សុខា ចាក់បណ្តោយ ដើម្បីរក្សាស្ថេរភាពបក្ស ហើយខ្ញុំនៅតែអំពាវនាវឲ្យពលរដ្ឋខ្មែរគាំទ្រសង្រ្គោះជាតិ ដើម្បីការផ្លាស់ប្តូរ ហើយពេលយើងឈ្នះឆ្នោត យើងឲ្យបក្សសង្រ្គោះជាតិដឹកនាំ បើលោក កឹម សុខា ដឹកនាំមិនកើត មិនស្មោះនឹងយើង ហើយស្តាប់ ហ៊ុន សែន ពិតមែន នោះយើងនឹងដកលោក កឹម សុខា ចោលអាណត្តិក្រោយ ដាក់អ្នកដឹកនាំថ្មី មកដឹកនាំបន្តជាការស្រេច។ 

២. បើវាជាសំលេងពិត គឺយើងកោត ហ៊ុន សែន និយាយយកមេឃទ្រាប់គូថអង្គុយ សុទ្ធតែនិយាយថាទោះអាមេរិកលើកទ័ពមកវាយក៏មិនខ្លាច។ 


តើអាងអី? អាងយួនមកជួយឬ? គិតថាយួនច្បាំងឈ្នះអាមេរិកមែនទែនសម័យនោះ? 

លើសពីនេះសុទ្ធតែបន់ឲ្យស្រុកកើតសង្រ្គាមស៊ីវិលម្តងទៀតអាលនឹងកំទេចឲ្យខ្ទេចអស់អ្នកប្រឆាំង។ តើ ហ៊ុន សែន ស្រឡាញ់ខ្មែរ និងគិតប្រយោជន៍ខ្មែរទេតាមសំដីនេះ? តើ ហ៊ុន សែន មានសារជាតិជាខ្មែរទេ? 

តើយើងទុកមនុស្សបែបនេះឲ្យដឹកនាំបានប្រយោជន៍ស្អី? 

៣. បើវាជាសំលេងពិត គឺហ៊ុន សែន ជាមនុស្សភ្លើដើរចោទគេ និងបង្ករឿងជាមួយគេដោយ ហ៊ុន សែន ចោទ លោក សម រង្ស៊ី ថាបាននិយាយបង្ខូចរឿង ម៉ាណែត ជាកូនរបស់យួន ឡឺ ដឹកថូ។ តាមពិតលោក សម រង្ស៊ី សូម្បីតែម្តងក៏មិនដែលនិយាយដែរ ហើយថែមទាំងបានចេញលិខិតថ្កោលទោសថែមទៀត។ 


ចំពោះការផ្សាយរឿងនេះ គឺពលរដ្ឋខ្មែរជាអ្នកផ្សាយ មានទាំងអ្នកគាំទ្របក្សប្រឆាំងផងដែរ ដោយយោងលើឯកសាររបស់លោកវីរសេនីយឯកអាមេរិក Mark A. Smith តែហ៊ុន សែន បែជាឆ្កួតទៅរករឿងលោក សម រង្ស៊ី ទាំងស្រឡោកុបទៅវិញ។ 

៤.បើវាជាសំលេងពិត គឺ ហ៊ុន សែន ជាមនុស្សថោកទាបដោយរៀបចំការសន្ទនា និងរៀបពាក្យនិយាយយកប្រៀប ហើយលួចថតដើម្បីូទុកផ្សាយសម្រាប់បំបាក់ទឹកចិត្តអ្នកគាំទ្របក្សប្រឆាំង ដោយសារខ្លួនគ្មានសមត្ថភាពអ្វីផ្សេងដើម្បីមកប្រកួតដើម្បីឈ្នះគេ។ ដូច្នេះមានតែវិធីថោកទាបបែបនេះទេ ទើបមានសង្ឃឹមខ្លះ តែរឿងនេះធ្វើទៅមិនរួចទេ។ 


៥. បើវាជាសំលេងពិត គឺ ហ៊ុន សែន ត្រូវមានទោសតាមច្បាប់ព្រហ្មទណ្ឌ ស្តីពីការលួចថតសំលេងការសន្ទនាស្រេចតែចិត្តដោយគ្មានការអនុញ្ញាត និងយកមកផ្សព្វផ្សាយជាសាធារណៈដើម្បីបង្ខូចកិត្តិយសគេ និងកេងយកប្រយោជន៍ផ្ទាល់ខ្លួន។ 


ហើយយើងជឿថាប្រសិនបើប្រទេសខ្មែរមានតុលាការត្រឹមត្រូវ នោះតុលាការនឹងអូសក ហ៊ុន សែន មកកាត់ទោសរឿងនេះមិនខានឡើយ។
នេះជាការយល់ឃើញរបស់ខ្ញុំ ខ្មែរ សុវណ្ណភូមិ បញ្ជាក់ជូណជនរួមឈាមខ្មែរទូទៅ។