វិភាគ៖ អ្វី ជាឧបសគ្គ ធំ រារាំង CPP ក្នុងការកំណត់ អាណត្តិ នាយករដ្ឋមន្ត្រី?
VOD | 10 កញ្ញា 2014
ស្តាប់សំឡេង៖ |
ចម្លងទុក |
លោកនាយករដ្ឋមន្ត្រី ហ៊ុន សែន ក្នុងពិធីសម្ពោធ បើកការដ្ឋាន ស្ពានអាកាស និងផ្លូវក្រោម ដីតិចណូ នាពេលថ្មីៗនេះ (រូបថត៖ វិចិត្រ)
បណ្តាញ អង្គការ សង្គមស៊ីវិល បានធ្វើ យុទ្ធនាការ ប្រមូល បានញត្តិ គាំទ្រ ឲ្យកំណត់អាណត្តិ នាយករដ្ឋមន្ត្រី បានចំនួន ១,១៩០ ក្នុងដំណាក់កាល ទី១, ហើយ ញត្តិទាំងនេះ បានដាក់ជូន ទៅរដ្ឋសភា និងលោក នាយករដ្ឋមន្ត្រី ហ៊ុន សែន កាលពីថ្ងៃ ទី៥ ខែកញ្ញា កន្លងទៅ។ បណ្តាញ អង្គការ ទាំងនេះ, រួមាន COMFREL, GADC, YRDP, HRTF, និងADHOC នៅតែ បន្តយុទ្ធនាការ ប្រមូលញត្តិ ដាក់ជូន ស្ថាប័នពាក់ព័ន្ធ ជាថ្មីទៀត។
គោលបំណង នៃការទាមទារ ឲ្យកំណត់អាណត្តិ នាយករដ្ឋមន្ត្រី, ពួកគេ ចង់ឲ្យ ធានាបាន នូវការអនុវត្ត លទ្ធិប្រជាធិបតេយ្យ បានត្រឹមត្រូវ, ចៀសវាង ការកាន់អំណាច តកូនចៅ, បក្ខពួកនិយម, ប្រព្រឹត្ត អំពើ ពុករលួយ, ឈានទៅរក របបផ្តាច់ការ ដែលនាំ ឲ្យប្រជាពលរដ្ឋ រងទុក្ខវេទនា។
គណបក្សសម្ព័ន្ធ ដើម្បី ប្រជាធិបតេយ្យ និងគណបក្ស សិទ្ធិមនុស្ស បានកំណត់ អាណត្តិ នាយករដ្ឋមន្ត្រី ក្នុងកម្មវិធី នយោបាយ របស់ខ្លួន តាំងពីមុន យុទ្ធនាការ របស់ អង្គការ សង្គមស៊ីវិល។ យុទ្ធនាការ របស់ សង្គមស៊ីវិល ឲ្យមាន ការកំណត់ អាណត្តិ នាយករដ្ឋមន្ត្រី នេះ មានគណបក្ស សង្គ្រោះជាតិ និងគណបក្ស សម្ព័ន្ធ ដើម្បី ប្រជាធិបតេយ្យ បានប្រកាស គាំទ្រ។ មន្ត្រី សម្របសម្រួល យុទ្ធនាការនេះ បានឲ្យដឹង ថា, មានការចាប់អារម្មណ៍ ពីគណបក្ស ផ្សេងទៀត, រួម មានទាំង អតីត នាយករដ្ឋមន្ត្រី បីរូបផង, គឺ លោក ប៉ែន សុវណ្ណ នាយករដ្ឋមន្ត្រី ក្នុងរបប សាធារណរដ្ឋ ប្រជាមានិត កម្ពុជា, សម្តេចក្រុមព្រះ នាយករដ្ឋមន្ត្រី ក្នុងអាណត្តិ ទី១ និងលោក អ៊ឹង ហួត នាយករដ្ឋមន្ត្រី ក្នុងអាណត្តិ ទី១ដែរ។
ដោយឡែក សម្រាប់ គណបក្ស ប្រជាជនកម្ពុជា មិនទាន់បង្ហាញ ជំហរ របស់ខ្លួន យ៉ាងណា នៅឡើយទេ។ បើ ទោះជា គណបក្សនេះ មិនទាន់បង្ហាញ ជំហរ ជាផ្លូវការ គាំទ្រ ឬមិនគាំទ្រ ក៏ដោយ, តែ អ្នកនាំពាក្យ ទីស្តីការ គណៈរដ្ឋមន្ត្រី លោក ផៃ ស៊ីផាន ធ្លាប់រិះគន់ អ្នកដែលទាមទារ ឲ្យមាន ការកំណត់ អាណត្តិ នាយករដ្ឋមន្ត្រី នោះ ថា, ជាក្រុម ដែលច្រណែន នឹងលោក នាយករដ្ឋមន្ត្រី ហ៊ុន សែន ដែលកំពុង ដឹកនាំ រដ្ឋាភិបាល នៅពេលបច្ចុប្បន្ន។
តើ អ្វី ជាឧបសគ្គ ធំ ដល់គណបក្ស ប្រជាជនកម្ពុជា ក្នុងការកំណត់ អាណត្តិ នាយករដ្ឋមន្ត្រី? ឬគណបក្សនេះ យល់ថា, ការកំណត់ អាណត្តិ នាយករដ្ឋមន្ត្រី ជារឿង មិនសំខាន់?
ប្រធាន ក្រុមប្រឹក្សាភិបាល មជ្ឈមណ្ឌល សិទ្ធិមនុស្សកម្ពុជា លោក អ៊ូ វីរៈ យល់ថា, មន្ត្រី គណបក្សប្រជាជន ក៏ចង់ ឲ្យមាន ការកំណត់ អាណត្តិ នាយករដ្ឋមន្ត្រី, តែ ដោយសារ ពួកគេ ខ្លាចអំណាច លោកនាយករដ្ឋមន្ត្រី ហ៊ុន សែន។ លោក មានប្រសាសន៍ ថា៖ «បុគ្គល ជាច្រើន ក្នុងគណបក្ស កាន់អំណាច ទាំងបុគ្គល ក្នុងគណបក្ស ប្រឆាំង គឺ តឹងទ្រូង នឹងការអត់ កែប្រែ។ យើង មើលមែនទែន គណបក្ស ប្រជាជន ក៏គាំទ្រ ច្រើនដែរ។ ប៉ុន្តែ គាត់ មិនហ៊ានទេ។ លោក ហ៊ុន សែន គាត់ មានអំណាច ខ្លាំងមែនទែន, ហើយ ទី២, គេ អត់ហ៊ាន ដោយសារ គេ ខ្លាចអស្ថិរភាព។»
នាយកប្រតិបត្តិអង្គការខុមហ្វ្រែល លោក គល់ បញ្ហា ក៏យល់ឃើញប្រហាក់ប្រហែលលោក អ៊ូ វីរៈ ដែរគឺលោកថា ថ្នាក់ក្រោមគណបក្សប្រជាជនហាក់ចង់ជជែកលើចំណុចនេះ តែមិនអាចដោយសារមិនទាន់មានការឯកភាពពីមន្ត្រីថ្នាក់លើរបស់គណបក្ស។
បើនិយាយថា មកពីឥទ្ធិពលរបស់លោកនាយករដ្ឋមន្ត្រី ហ៊ុន សែន ក៏សមដែរព្រោះលោកមិនមែនមានឥទ្ធិពលតែក្នុងបក្សទេ គឺមានឥទ្ធិពលទូទាំងប្រទេសតែម្តង។ លោកនាយករដ្ឋមន្ត្រី ហ៊ុន សែន ធ្លាប់ប្រតិកម្មលើក្រុមដែលផ្សព្វផ្សាយថា លោកស្លាប់ពេលកន្លងទៅថា បើបាត់បង់រូបលោកសង្គមនឹងមានចលាចល ព្រោះមានតែរូបលោកម្នាក់គត់ដែលអាចបញ្ជាកម្លាំងរួមបាន ទាំងយោធា នគរបាល និងមន្ត្រីរាជការស៊ីវិលផង។
មូលហេតុមួយក្នុងចំណោមមូលហេតុផ្សេង
ទៀត ដែលអាចនាំឲ្យគណបក្សប្រជាជនកម្ពុជា
មិនហ៊ានកំណត់អាណត្តិនាយករដ្ឋមន្ត្រីនោះ
ដោយសារខ្លាចអ្នកផ្សេងមិនមានប្រជាប្រិយភាពដូចលោកនាយករដ្ឋមន្ត្រី
ហ៊ុន សែន។ លោកនាយករដ្ឋមន្ត្រី ហ៊ុន សែន
ប្រៀបដូចតារារះមិនដែលស្រអាប់ពន្លឺចាប់ពីគណបក្សប្រជាជនរបស់លោក
ដែលមានការជ្រោមជ្រែងពីរដ្ឋអំណាចវៀតណាម
ផ្តួលរំលំរបបខ្មែរក្រហមកាលពីឆ្នាំ១៩៧៩មក
គឺតួនាទីរបស់លោកចាប់ពីរដ្ឋមន្ត្រីក្រសួងការបរទេស
និងនាយករដ្ឋមន្ត្រីរហូត។
លោកនាយករដ្ឋមន្ត្រី ហ៊ុន សែន ដែលបច្ចុប្បន្នមានអាយុ៦៣ឆ្នាំគិតត្រឹមឆ្នាំ២០១៤នេះធ្លាប់ថ្លែង ថា លោកនៅមានសុខភាពល្អ រឹងមាំ ហើយលោកនឹងនៅតែធ្វើជានាយករដ្ឋមន្ត្រី ដើម្បីបម្រើជាតិ បម្រើប្រជាពលរដ្ឋ ប្រសិនបើប្រជាពលរដ្ឋនៅតែស្រលាញ់ ត្រូវការហើយនៅតែបោះឆ្នោតគាំទ្រលោកឲ្យធ្វើជានាយករដ្ឋមន្ត្រីទៀត នោះ។
លោក គល់ បញ្ញា ជឿថាគណបក្សប្រជាជនកម្ពុជា នឹងគាំទ្រឲ្យមានច្បាប់កំណត់អាណត្តិនាយករដ្ឋមន្ត្រី ដោយសារលោកនាយករដ្ឋមន្ត្រី ហ៊ុន សែន ដឹកនាំប្រទេសយូរសមល្មម គឺដល់ពេលដែលបង្កើតច្បាប់នេះ ទុកជាស្នាដៃសម្រាប់មនុស្សជំនាន់ក្រោយហើយ។ លោកបញ្ជាក់ថា «ជាឱ កាសក្នុងការកសាងស្នាដៃសម្រាប់មនុស្សជំនាន់ក្រោយហើយ ឲ្យមានកាន់អំណាចរដ្ឋាភិបាលមានអាណត្តិច្បាស់លាស់ វាជួយជាស្នាដៃដល់សម្តេចនាយករដ្ឋមន្ត្រី និងគណបក្សប្រជាជនដែរ ដើម្បីឲ្យគិតទៅមុខទៀត។»
នៅលើពិភពលោក ប្រទេសជឿនលឿនមួយចំនួនកំណត់អាណត្តិនាយករដ្ឋមន្ត្រីដូចជា អង់គ្លេស ឥណ្ឌា ហ្វាំងឡង់ អាល្លឺម៉ង់ អុីស្រាអែល ដែលជាប្រទេសប្រកាន់លទ្ធិប្រជាធិបតេយ្យ។ ដោយឡែកប្រទេសកុម្មុយនីស្តដូចជា ចិន និងវៀតណាម ក៏បានដូរមេដឹកនាំរបស់ពួកគេ១០ឆ្នាំម្តងដែរ ខណៈប្រទេសកុម្មុនីស្តទាំងពីរនេះមានការរឹតបន្តឹងខ្លាំងប្រឆាំង អំពើពុករលួយ៕
No comments:
Post a Comment