កម្ពុជា គាំទ្រ យុទ្ធនាការ អាមេរិក កម្ទេចពួក ISIS
ភ្នំពេញ—នាយករដ្ឋមន្ត្រី កម្ពុជា លោក
ហ៊ុន សែន
បានប្រកាស ជាផ្លូវការ ចូលរួម ជាទឹកចិត្ត និងនយោបាយ ជាមួយ សហរដ្ឋ អាមេរិក នៅថ្ងៃព្រហស្បតិ៍នេះ ក្នុងការប្រយុទ្ធ ប្រឆាំង នឹងក្រុម
ភេរវករ អ៊ីស្លាម ជ្រុលនិយម នៅមជ្ឈិមបូព៌ា ប្រទេស ដែលហៅខ្លួនឯង ថា
រដ្ឋអ៊ីស្លាម (Islamic State ឬ ISIS)។
ក្រុមឧទ្ទាម អ៊ីស្លាម ជ្រុលនិយម ISIS បានវាយលុក យកទឹកដី នៅតំបន់ ជាច្រើន ក្នុងប្រទេស អ៊ីរ៉ាក់, ស៊ីរី, និងតំបន់ មួយចំនួនទៀត។ ក្រុមនេះ បានគំរាម វាយប្រហារ ស.រ.អ. និងប្រទេស មួយចំនួនទៀត ក្រៅពីបាន សម្លាប់ ដោយកាត់ក្បាល អ្នកកាសែត អាមេរិកាំង ពីរនាក់ និងចំណាប់ខ្មាំង ជនជាតិ អង់គ្លេសម្នាក់ ដែលធ្វើការ ជាបុគ្គលិក អង្គការ មនុស្សធម៌មួយ, ហើយ គំរាមកាត់ក្បាល ចំណាប់ខ្មាំង ជនជាតិ អង់គ្លេស ទីពីរ នៅពេល ឆាប់ៗ ខាងមុខ។ ពួកគេ បានកាប់សម្លាប់ ពលរដ្ឋ ជនជាតិ ភាគតិច នៅតំបន់ភ្នំ ជាច្រើនទៀត ដែលពួកគេ បានវាយយក បានពីប្រទេស មួយចំនួន, រួមទាំង ប្រទេស អ៊ីរ៉ាក់ ផងដែរ។
សេចក្តីថ្លែងការណ៍ របស់លោក ហ៊ុន សែន ធ្វើឡើង ក្រោយពីលោក ប្រធានាធិបតី អាមេរិក បារ៉ាក់ អូបាម៉ា បានប្រកាស ពីយុទ្ធនាការ វាយប្រហារ និងបោសសម្អាត ក្រុមភេរវករ រដ្ឋអ៊ីស្លាម កាលពីសប្តាហ៍មុន។
មានប្រសាសន៍ នៅក្នុងពិធី ផ្សព្វផ្សាយ និងដាក់ ឲ្យប្រើប្រាស់ ផែនការ យុទ្ធសាស្ដ្រ អភិវឌ្ឍន៍ ជាតិ រយៈពេល ប្រាំឆ្នាំ ២០១៤-២០១៨ ក្នុងទីក្រុង ភ្នំពេញ, លោក ប្រមុខរដ្ឋាភិបាល ខ្មែរ បញ្ជាក់ថា, ថ្វីដ្បិត តែ កម្ពុជា មិនមានធនធាន សម្រាប់ បញ្ជូនកងកម្លាំង ប្រដាប់អាវុធ របស់ខ្លួន ដើម្បី ចូលរួមកម្ចេច ក្រុមភេរវករ ជ្រុលនិយម ISIS ផ្ទាល់ នៅអ៊ីរ៉ាក់, ប៉ុន្តែ កម្ពុជា គាំទ្រផ្លូវចិត្ត ចំពោះ បេសកកម្មនេះ។
លោក ហ៊ុន សែន បានប្រកាស ថា៖ «យើង រក្សាតាំងពីដើម រហូត ដល់ចប់ ចូលរួមចំណែក ដើម្បី ប្រយុទ្ធប្រឆាំង នឹងអំពើ ភេរវកម្ម។»
លោក ហ៊ុន សែន បានបន្ថែម ថា៖ «ជំហរ របស់ កម្ពុជា ចំពោះពួក ISIS បន្ទាប់ ពីការប្រកាស របស់លោក ប្រធានាធិបតី បារ៉ាក់ អូបាម៉ា អំពីយុទ្ធនាការ វាយពួក ISIS, ខ្ញុំ សូម បញ្ជាក់(ថា), យើង គ្មានលទ្ធភាព ទៅចូលរួម ផ្ទាល់ នៅទីនោះទេ។ ក៏ប៉ុន្តែ ជាផ្លូវចិត្ត, យើង ផ្តល់នូវការ គាំទ្រ ចំពោះ សកម្មភាព ទាំងឡាយណា ដែលបំផ្លាញ ដល់ពួកភេរវកម្ម។ យើង គាំទ្រ ជានយោបាយ និងស្មារតី។ ហើយ យើង នឹងខិតខំ ការពារខ្លួនឯង នៅទីនេះ និងសហប្រតិបត្តិការ ដែលអាច ធ្វើទៅបាន លើវិស័យ ព័ត៌មាន ក្នុងការប្រយុទ្ធ ប្រឆាំង ជាមួយ ភេរវកម្ម គ្រប់ប្រភេទ ទាំងអស់។»
លោក ហ៊ុន សែន បានប្តេជ្ញា មិនផ្តល់ជម្រក ដល់ក្រុម ភេរវជននានា ឬការលាងលុយ របស់ ភេរវករ នៅក្នុងប្រទេស របស់ខ្លួន នោះឡើយ។
«យើង មិនយោគយល់ និងមិនអត់ឱន ចំពោះ ភេរវកម្ម ណាមួយ។»
កាលពីពេល ថ្មីៗនេះ, រដ្ឋការ ក្រុង វ៉ាស៊ីនតោន បានអំពាវនាវ ស្វែងរក ការគាំទ្រ ជាអន្តរជាតិ ក្នុងការ វាយប្រយុទ្ធ ប្រឆាំង នឹងក្រុមអ៊ីស្លាម ភេរវកម្ម ជ្រុលនិយម ដែលហៅខ្លួនឯង ថា, រដ្ឋអ៊ីស្លាមនេះ។
សហគមន៍ អន្តរជាតិ ដូចជាប្រទេស អង់គ្លេស, អូស្ត្រាលី, បណ្តាប្រទេស អារ៉ាប់, និងប្រទេស មួយចំនួនទៀត បានប្រកាស គាំទ្រ ជាបន្តបន្ទាប់ ដល់ការ អំពាវនាវ នោះដែរ។
លោក យឹម សុវណ្ណ តំណាងរាស្ដ្រ និងជាអ្នកនាំពាក្យ គណបក្ស សង្គ្រោះជាតិ បញ្ជាក់ថា, ជំហរ របស់ រដ្ឋាភិបាល ស្របគ្នា នឹងជំហរ របស់ គណបក្ស ជំទាស់ដែរ។
«យើង គាំទ្រ ឲ្យមាន ការទប់ស្កាត់, កុំឲ្យមាន ភេរវកម្ម នៅក្នុងប្រទេស កម្ពុជា ក៏ដូច ជានៅ ក្នុងសាកលលោក។»
ជាមួយគ្នា នេះដែរ លោកបណ្ឌិត ឡៅ ម៉ុងហៃ អ្នកវិភាគឯករាជ្យមានប្រសាសន៍ថា រដ្ឋាភិបាលបានបង្ហាញជំហរត្រឹមត្រូវចំពោះនយោបាយប្រឆាំងភេរវកម្ម នេះ។
«ខ្ញុំថាត្រឹមត្រូវហើយយើងគួរគាំទ្រទាំងអស់គ្នានូវជំហរ ប្រឆាំងភេរវកម្មគ្រប់បែបយ៉ាងហើយយើងចាត់វិធានការព្រោះនៅប្រទេស កម្ពុជាយើងក៏មានអ្នកកាន់សាសនាអ៊ីស្លាមដែរគឺយើងត្រូវចាត់ វិធានការម៉ឺងម៉ាត់បំផុតកុំឲ្យមានឥទ្ធិពលនៃក្រុមហ្នឹងមកលើ អ៊ីស្លាមរបស់យើង។»
លោកនាយករដ្ឋមន្ត្រី ហ៊ុន សែន រំលឹកថាកម្ពុជាធ្លាប់បានចូលរួមសហប្រតិបត្តិការរួមចំណែកប្រឆាំងនឹង អំពើភេរវកម្មក្នុងតំបន់និងសកលលោកនាពេលកន្លងមក៕
ក្រុមឧទ្ទាម អ៊ីស្លាម ជ្រុលនិយម ISIS បានវាយលុក យកទឹកដី នៅតំបន់ ជាច្រើន ក្នុងប្រទេស អ៊ីរ៉ាក់, ស៊ីរី, និងតំបន់ មួយចំនួនទៀត។ ក្រុមនេះ បានគំរាម វាយប្រហារ ស.រ.អ. និងប្រទេស មួយចំនួនទៀត ក្រៅពីបាន សម្លាប់ ដោយកាត់ក្បាល អ្នកកាសែត អាមេរិកាំង ពីរនាក់ និងចំណាប់ខ្មាំង ជនជាតិ អង់គ្លេសម្នាក់ ដែលធ្វើការ ជាបុគ្គលិក អង្គការ មនុស្សធម៌មួយ, ហើយ គំរាមកាត់ក្បាល ចំណាប់ខ្មាំង ជនជាតិ អង់គ្លេស ទីពីរ នៅពេល ឆាប់ៗ ខាងមុខ។ ពួកគេ បានកាប់សម្លាប់ ពលរដ្ឋ ជនជាតិ ភាគតិច នៅតំបន់ភ្នំ ជាច្រើនទៀត ដែលពួកគេ បានវាយយក បានពីប្រទេស មួយចំនួន, រួមទាំង ប្រទេស អ៊ីរ៉ាក់ ផងដែរ។
សេចក្តីថ្លែងការណ៍ របស់លោក ហ៊ុន សែន ធ្វើឡើង ក្រោយពីលោក ប្រធានាធិបតី អាមេរិក បារ៉ាក់ អូបាម៉ា បានប្រកាស ពីយុទ្ធនាការ វាយប្រហារ និងបោសសម្អាត ក្រុមភេរវករ រដ្ឋអ៊ីស្លាម កាលពីសប្តាហ៍មុន។
មានប្រសាសន៍ នៅក្នុងពិធី ផ្សព្វផ្សាយ និងដាក់ ឲ្យប្រើប្រាស់ ផែនការ យុទ្ធសាស្ដ្រ អភិវឌ្ឍន៍ ជាតិ រយៈពេល ប្រាំឆ្នាំ ២០១៤-២០១៨ ក្នុងទីក្រុង ភ្នំពេញ, លោក ប្រមុខរដ្ឋាភិបាល ខ្មែរ បញ្ជាក់ថា, ថ្វីដ្បិត តែ កម្ពុជា មិនមានធនធាន សម្រាប់ បញ្ជូនកងកម្លាំង ប្រដាប់អាវុធ របស់ខ្លួន ដើម្បី ចូលរួមកម្ចេច ក្រុមភេរវករ ជ្រុលនិយម ISIS ផ្ទាល់ នៅអ៊ីរ៉ាក់, ប៉ុន្តែ កម្ពុជា គាំទ្រផ្លូវចិត្ត ចំពោះ បេសកកម្មនេះ។
លោក ហ៊ុន សែន បានប្រកាស ថា៖ «យើង រក្សាតាំងពីដើម រហូត ដល់ចប់ ចូលរួមចំណែក ដើម្បី ប្រយុទ្ធប្រឆាំង នឹងអំពើ ភេរវកម្ម។»
លោក ហ៊ុន សែន បានបន្ថែម ថា៖ «ជំហរ របស់ កម្ពុជា ចំពោះពួក ISIS បន្ទាប់ ពីការប្រកាស របស់លោក ប្រធានាធិបតី បារ៉ាក់ អូបាម៉ា អំពីយុទ្ធនាការ វាយពួក ISIS, ខ្ញុំ សូម បញ្ជាក់(ថា), យើង គ្មានលទ្ធភាព ទៅចូលរួម ផ្ទាល់ នៅទីនោះទេ។ ក៏ប៉ុន្តែ ជាផ្លូវចិត្ត, យើង ផ្តល់នូវការ គាំទ្រ ចំពោះ សកម្មភាព ទាំងឡាយណា ដែលបំផ្លាញ ដល់ពួកភេរវកម្ម។ យើង គាំទ្រ ជានយោបាយ និងស្មារតី។ ហើយ យើង នឹងខិតខំ ការពារខ្លួនឯង នៅទីនេះ និងសហប្រតិបត្តិការ ដែលអាច ធ្វើទៅបាន លើវិស័យ ព័ត៌មាន ក្នុងការប្រយុទ្ធ ប្រឆាំង ជាមួយ ភេរវកម្ម គ្រប់ប្រភេទ ទាំងអស់។»
លោក ហ៊ុន សែន បានប្តេជ្ញា មិនផ្តល់ជម្រក ដល់ក្រុម ភេរវជននានា ឬការលាងលុយ របស់ ភេរវករ នៅក្នុងប្រទេស របស់ខ្លួន នោះឡើយ។
«យើង មិនយោគយល់ និងមិនអត់ឱន ចំពោះ ភេរវកម្ម ណាមួយ។»
កាលពីពេល ថ្មីៗនេះ, រដ្ឋការ ក្រុង វ៉ាស៊ីនតោន បានអំពាវនាវ ស្វែងរក ការគាំទ្រ ជាអន្តរជាតិ ក្នុងការ វាយប្រយុទ្ធ ប្រឆាំង នឹងក្រុមអ៊ីស្លាម ភេរវកម្ម ជ្រុលនិយម ដែលហៅខ្លួនឯង ថា, រដ្ឋអ៊ីស្លាមនេះ។
សហគមន៍ អន្តរជាតិ ដូចជាប្រទេស អង់គ្លេស, អូស្ត្រាលី, បណ្តាប្រទេស អារ៉ាប់, និងប្រទេស មួយចំនួនទៀត បានប្រកាស គាំទ្រ ជាបន្តបន្ទាប់ ដល់ការ អំពាវនាវ នោះដែរ។
លោក យឹម សុវណ្ណ តំណាងរាស្ដ្រ និងជាអ្នកនាំពាក្យ គណបក្ស សង្គ្រោះជាតិ បញ្ជាក់ថា, ជំហរ របស់ រដ្ឋាភិបាល ស្របគ្នា នឹងជំហរ របស់ គណបក្ស ជំទាស់ដែរ។
«យើង គាំទ្រ ឲ្យមាន ការទប់ស្កាត់, កុំឲ្យមាន ភេរវកម្ម នៅក្នុងប្រទេស កម្ពុជា ក៏ដូច ជានៅ ក្នុងសាកលលោក។»
ជាមួយគ្នា នេះដែរ លោកបណ្ឌិត ឡៅ ម៉ុងហៃ អ្នកវិភាគឯករាជ្យមានប្រសាសន៍ថា រដ្ឋាភិបាលបានបង្ហាញជំហរត្រឹមត្រូវចំពោះនយោបាយប្រឆាំងភេរវកម្ម នេះ។
«ខ្ញុំថាត្រឹមត្រូវហើយយើងគួរគាំទ្រទាំងអស់គ្នានូវជំហរ ប្រឆាំងភេរវកម្មគ្រប់បែបយ៉ាងហើយយើងចាត់វិធានការព្រោះនៅប្រទេស កម្ពុជាយើងក៏មានអ្នកកាន់សាសនាអ៊ីស្លាមដែរគឺយើងត្រូវចាត់ វិធានការម៉ឺងម៉ាត់បំផុតកុំឲ្យមានឥទ្ធិពលនៃក្រុមហ្នឹងមកលើ អ៊ីស្លាមរបស់យើង។»
លោកនាយករដ្ឋមន្ត្រី ហ៊ុន សែន រំលឹកថាកម្ពុជាធ្លាប់បានចូលរួមសហប្រតិបត្តិការរួមចំណែកប្រឆាំងនឹង អំពើភេរវកម្មក្នុងតំបន់និងសកលលោកនាពេលកន្លងមក៕
No comments:
Post a Comment