រដ្ឋសភា ប្រតិកម្ម នឹងការរិះគន់ របស់ សង្គមស៊ីវិល អំពី សារាចរ របស់ ប្រធានសភា
RFI / វិទ្យុ បារាំង អន្តរជាតិ | ២៥ កញ្ញា ២០១៤
លោក ឈាង វុន ធ្វើសន្និសិទ សារព័ត៌មាន ក្នុងរដ្ឋសភា។ RFI/ វណ្ណ សុគន្ធា
រដ្ឋសភា តាមរយៈលោក ឈាង វុន
អ្នកនាំពាក្យ នៅរសៀល ថ្ងៃព្រហស្បតិ៍នេះ
បានប្រតិកម្ម ទៅនឹងការរិះគន់ របស់ សង្គមស៊ីវិល អំពី សារាចរ
ណែនាំ ពីបែប បទការងារ ដល់គណៈកម្មការនានា របស់ ប្រធាន
រដ្ឋសភា។ អ្នកនាំពាក្យ រដ្ឋសភា លើកឡើង ថា,
ការចេញសារាចរ របស់ ប្រធាន រដ្ឋសភានេះ
គឺ ធ្វើឡើង តាមបទបញ្ជា ផ្ទៃក្នុង នៃរដ្ឋសភា។
ថ្លែង នៅក្នុង សន្និសីទ កាសែត នៅវិមាន រដ្ឋសភា លោក ឈាង វុន
បានចាត់ទុក ការរិះគន់ របស់ សង្គមស៊ីវិល ទាំងនោះ ថា,
ជាការិះគន់ មិនត្រឹមត្រូវ ដែលមិនអាច ទទួលយកបាន។ អ្នកនាំពាក្យ និងជាប្រធាន គណៈកម្មការ ទី៥ នៃរដ្ឋសភា រូបនេះ បានរិះគន់ តបទៅ សង្គមស៊ីវិល
និងអ្នកកាសែត ដែលសរសេរ រិះគន់ ពីសារាចរ របស់ ប្រធាន រដ្ឋសភានេះ ថា,
មិនបានយល់ ពីទិដ្ឋភាពច្បាប់។
សូម បញ្ជាក់ថា កាលពីថ្ងៃ ទី១២ កញ្ញា លោក ហេង សំរិន ប្រធាន រដ្ឋសភាកម្ពុជា បានចេញ សារាចរមួយ ដោយណែនាំ បែបបទ ការងារ ដល់បណ្តា គណៈកម្មការនានា នៃរដ្ឋសភា។ ក្នុងសារាចរនោះ លោក ហេង សំរិន ក៏បានតម្រូវ ឲ្យគណៈកម្មាការ ទាំងអស់ ឲ្យសូម អនុញ្ញាត ពីលោក ជាមុនសិន មុនឲ្យ សង្គមស៊ីវិល និងប្រជាពលរដ្ឋ ចូលជួប ក្នុងសភា។ សារាចរនេះ ត្រូវ បានសង្គមស៊ីវិល រិះគន់ ថា, ជាការរឹតត្បិត សិទ្ធសេរីភាព របស់ តំណាងរាស្ត្រ ក្នុងការជួប ជាមួយ សង្គមស៊ីវិល និងប្រជាពលរដ្ឋ ដែលជាម្ចាស់ឆ្នោត។
ត្រង់ចំណុចនេះ លោក ឈាង វុន បានលើកឡើងថា លោក ហេង សំរិន មិនដែលហាមឈាត់តំណារាស្ត្រជួបជាមួយសង្គមស៊ីវិលនោះទេ ក៏ប៉ុន្តែលោកសង្កត់ធ្ងន់ថា ការប្រជុំរបស់គណៈកម្មការមិនអាចអញ្ជើញស៊ីវិលចូលរួមបានទេ ព្រោះជារឿងផ្ទៃក្នុង ហើយច្បាប់ក៏មិនអនុញ្ញាតដែរ។ ដោយលើកបង្ហាញនូវបទបញ្ជាផ្ទៃក្នុងនៃរដ្ឋសភា លោក ឈាង វុន បានថ្លែងការពារលោកហេង សំរិន ដែលជាប្រធានរដ្ឋសភាថា ការចេញសារាចរនេះ គឺជាសិទ្ធរបស់ប្រធានរដ្ឋសភាដែលជាអ្នកទទួលខុសត្រូវនៅក្នុងរដ្ឋសភា ទាំងមូល ហើយថា ជាការអនុវត្តទៅតាមបទបញ្ជាផ្ទៃក្នុងនៃរដ្ឋសភា ។
បើតាមលោក ឈាង វុន សារាចរនេះមិនមែនតម្រូវឲ្យតែតំណាងរាស្ត្រគណបក្សប្រឆាំងអនុវត្តនោះទេ គឺតំណាងរាស្ត្រទាំងអស់មិនថា បក្សប្រឆាំង ឫកាន់អំណាចត្រូវតែអនុវត្តដូចគ្នា។ ដូច្នេះសារាចរនេះ ក៏មិនបានដាក់គំនាប ឫ បិទសិទ្ធសេរីភាពរបស់តំណាងរាស្ត្របក្សប្រឆាំងនោះដែរ។
យ៉ាងណាក៏ដោយ អ្នកនាំពាក្យរូបនេះ បានបញ្ជាក់ថា លោកហេង សំរិន មិនបានរំលោភច្បាប់ណាមួយនោះទេ តែសង្គមស៊ីវិលដែលជាអ្នកចោទប្រកាន់ប្រធានរដ្ឋសភាទេដែលជាអ្នករំលោភ ច្បាប់នោះ៕
សូម បញ្ជាក់ថា កាលពីថ្ងៃ ទី១២ កញ្ញា លោក ហេង សំរិន ប្រធាន រដ្ឋសភាកម្ពុជា បានចេញ សារាចរមួយ ដោយណែនាំ បែបបទ ការងារ ដល់បណ្តា គណៈកម្មការនានា នៃរដ្ឋសភា។ ក្នុងសារាចរនោះ លោក ហេង សំរិន ក៏បានតម្រូវ ឲ្យគណៈកម្មាការ ទាំងអស់ ឲ្យសូម អនុញ្ញាត ពីលោក ជាមុនសិន មុនឲ្យ សង្គមស៊ីវិល និងប្រជាពលរដ្ឋ ចូលជួប ក្នុងសភា។ សារាចរនេះ ត្រូវ បានសង្គមស៊ីវិល រិះគន់ ថា, ជាការរឹតត្បិត សិទ្ធសេរីភាព របស់ តំណាងរាស្ត្រ ក្នុងការជួប ជាមួយ សង្គមស៊ីវិល និងប្រជាពលរដ្ឋ ដែលជាម្ចាស់ឆ្នោត។
ត្រង់ចំណុចនេះ លោក ឈាង វុន បានលើកឡើងថា លោក ហេង សំរិន មិនដែលហាមឈាត់តំណារាស្ត្រជួបជាមួយសង្គមស៊ីវិលនោះទេ ក៏ប៉ុន្តែលោកសង្កត់ធ្ងន់ថា ការប្រជុំរបស់គណៈកម្មការមិនអាចអញ្ជើញស៊ីវិលចូលរួមបានទេ ព្រោះជារឿងផ្ទៃក្នុង ហើយច្បាប់ក៏មិនអនុញ្ញាតដែរ។ ដោយលើកបង្ហាញនូវបទបញ្ជាផ្ទៃក្នុងនៃរដ្ឋសភា លោក ឈាង វុន បានថ្លែងការពារលោកហេង សំរិន ដែលជាប្រធានរដ្ឋសភាថា ការចេញសារាចរនេះ គឺជាសិទ្ធរបស់ប្រធានរដ្ឋសភាដែលជាអ្នកទទួលខុសត្រូវនៅក្នុងរដ្ឋសភា ទាំងមូល ហើយថា ជាការអនុវត្តទៅតាមបទបញ្ជាផ្ទៃក្នុងនៃរដ្ឋសភា ។
បើតាមលោក ឈាង វុន សារាចរនេះមិនមែនតម្រូវឲ្យតែតំណាងរាស្ត្រគណបក្សប្រឆាំងអនុវត្តនោះទេ គឺតំណាងរាស្ត្រទាំងអស់មិនថា បក្សប្រឆាំង ឫកាន់អំណាចត្រូវតែអនុវត្តដូចគ្នា។ ដូច្នេះសារាចរនេះ ក៏មិនបានដាក់គំនាប ឫ បិទសិទ្ធសេរីភាពរបស់តំណាងរាស្ត្របក្សប្រឆាំងនោះដែរ។
យ៉ាងណាក៏ដោយ អ្នកនាំពាក្យរូបនេះ បានបញ្ជាក់ថា លោកហេង សំរិន មិនបានរំលោភច្បាប់ណាមួយនោះទេ តែសង្គមស៊ីវិលដែលជាអ្នកចោទប្រកាន់ប្រធានរដ្ឋសភាទេដែលជាអ្នករំលោភ ច្បាប់នោះ៕
No comments:
Post a Comment