សភា នឹងបើក សម័យប្រជុំ លើកទី៣ នៅថ្ងៃ ទី១ តុលា
RFA / វិទ្យុ អាស៊ី សេរី | ២៨ កញ្ញា ២០១៤
រដ្ឋសភា នៃប្រទេស កម្ពុជា។ រូបថត ថ្ងៃ ទី១ កញ្ញា ២០១៤ (RFA/Rann Samnang)
របៀបវារៈ ទាំង ៦នោះ មានជាអាទិ៍ ការពិភាក្សា និងអនុម័ត សេចក្ដីស្នើច្បាប់ រដ្ឋធម្មនុញ្ញ ស្ដីពី វិសោធនកម្ម មាត្រា ៧៦ និងមាត្រា ទាំងឡាយ ពីជំពូក ទី១៥ថ្មី ដល់ជំពូក ទី១៦ថ្មី នៃរដ្ឋធម្មនុញ្ញ នៃព្រះរាជាណាចក្រ កម្ពុជា។
ការពិភាក្សា និងអនុម័ត សេចក្ដីព្រាងច្បាប់ ស្ដីពី វិសោធនកម្ម មាត្រា មួយចំនួន នៃច្បាប់ ស្ដីពី ការគ្រប់គ្រង រោងចក្រ និងសិប្បកម្ម។ ការពិភាក្សា និងអនុម័ត សេចក្ដីព្រាងច្បាប់ ស្ដីពី ការអនុម័ត យល់ព្រម លើកិច្ចព្រមព្រៀង សហប្រតិបត្តិការ វប្បធម៌ រវាង រដ្ឋាភិបាល នៃរដ្ឋ, សមាជិក សមាគមប្រជាជាតិ អាស៊ីអាគ្នេយ៍, និងរដ្ឋាភិបាល សហព័ន្ធ រុស្ស៊ី។ ស្ដាប់របាយការណ៍ ស្ដីពី សកម្មភាព របស់ រដ្ឋសភា ចន្លោះ សម័យប្រជុំរដ្ឋ សភា លើកទី២ និងលើក ទី៣ នីតិកាលទី៥។
សេចក្ដី ជូនដំណឹង របស់ អគ្គលេខាធិការដ្ឋាន រដ្ឋសភា បានឲ្យដឹង ថា, សមាសភាព លេខាធិការ របស់ សម័យប្រជុំ សភា លើកទី៣ នីតិកាល ទី៥ មាន ៣រូប គឺ មានលោក អ្នកតំណាងរាស្ត្រ អាយ ខន, លោក កង គឹមហាក់, និងលោកស្រី អ៊ុន សុគន្ធា។ របៀបវារៈ និងសមាសភាព លេខាធិការ របស់ សម័យប្រជុំ សភា លើកទី៣នេះ បានប្រជុំ សម្រេច ដោយគណៈកម្មាធិការ អចិន្ត្រៃយ៍ រដ្ឋសភា កាលពីថ្ងៃ ទី២៦ កញ្ញា កន្លងទៅ៕
No comments:
Post a Comment