កម្ពុជា និងអូស្ត្រាលី នៅតែ អនុវត្ត កិច្ចព្រមព្រៀង បញ្ជូន ជនភៀសខ្លួន ទោះបី ម្ចាស់ស្រុកខ្លះ ជំទាស់
RFI / វិទ្យុ បារាំង អន្តរជាតិ | ១៩ តុលា ២០១៤
កិច្ចព្រមព្រៀង លើការទទួលយក ជនភៀសខ្លួន ពីអូស្រ្តាលី មកកម្ពុជា កាលពីថ្ងៃ ទី២៦ ខែកញ្ញា។ RFI/ Siv Channa
រដ្ឋាភិបាល កម្ពុជា
និងអូស្ត្រាលី នៅតែ ឯកភាពគ្នា អនុវត្ត កិច្ចព្រមព្រៀង បញ្ជូន ជនភៀសខ្លួន ពីអូស្ត្រាលី មកកាន់កម្ពុជា ដដែល
បើ ទោះបី កិច្ចព្រមព្រៀងនេះ ធ្វើឡើង ក្រោមសម្រែក តវ៉ា មិនសុខចិត្ត
ពីសំណាក់ ប្រជាពលរដ្ឋ ខ្មែរ មួយចំនួន ដែលជាម្ចាស់ស្រុក ក៏ដោយ។
ការឯកភាព គ្នានេះ ត្រូវ បានប្រកាស ឲ្យដឹង ពីលោក កៅ គឹមហួន
រដ្ឋមន្ត្រី ប្រតិភូ អមនាយករដ្ឋមន្ត្រី នៅក្នុងសន្និសីទ កាសែតមួយ នៅព្រឹក ថ្ងៃអាទិត្យនេះ
បន្ទាប់ ពីថ្នាក់ដឹកនាំ រដ្ឋាភិបាលកម្ពុជា វិលត្រឡប់ ពីចូលរួម កិច្ចប្រជុំ កំពូល អាស៊ី-អឺរ៉ុបវិញ។
ការឯកភាព គ្នានោះ
បានធ្វើឡើង ក្នុងជំនួប ទ្វេភាគី រវាង ប្រមុខរដ្ឋាភិបាល កម្ពុជា លោក
ហ៊ុន សែន និងប្រមុខ ការបរទេស អូស្ត្រាលី លោកស្រី ជូលី ប៊ីសប់
នៅក្នុងកិច្ចប្រជុំ កំពូល អាស៊ី-អឺរ៉ុប លើកទី១០ កាលពីថ្ងៃ ទី១៦ និងទី១៧ តុលា កន្លងទៅ។
កិច្ចប្រជុំ ដែលធ្វើឡើង រយៈពេល ពីរថ្ងៃ នៅក្នុងទីក្រុង មីឡង់
ប្រទេស អ៊ីតាលី។
នៅក្នុងសន្និសីទ កាសែត នៅឯ ព្រលានយន្តហោះ អន្តរជាតិ ភ្នំពេញនោះ លោក កៅ គឹមហួន បានលើកឡើង ថា, ទោះបី មានការ ឯកភាពគ្នា អនុវត្ត កិច្ចព្រមព្រៀងនេះ ក៏ដោយ, ក៏ប៉ុន្តែ លោក នាយករដ្ឋមន្ត្រី ហ៊ុន សែន បានបញ្ជាក់ ទៅកាន់ រដ្ឋមន្ត្រី ការបរទេស អូស្ត្រាលី ថា, ត្រូវ ធ្វើឡើង តាមគោលការណ៍ ស្ម័គ្រចិត្ត របស់ ជនភៀសខ្លួន ទាំងនោះ។ សូម បញ្ជាក់ថា, រដ្ឋាភិបាល កម្ពុជា និងអូស្ត្រាលី បានចុះ កិច្ចព្រមព្រៀង បញ្ជូន និងទទួលយក ជនភៀសខ្លួន ទាំងនោះ កាលថ្ងៃ ទី២៦ កញ្ញា កន្លងមក។ មន្ត្រី រដ្ឋាភិបាល បានពន្យល់ ថា, ការបញ្ជូន ជនភៀសខ្លួន ពីប្រទេស អូស្ត្រាលី ឲ្យមក រស់នៅ ក្នុងប្រទេស កម្ពុជានេះ គឺ ធ្វើឡើង តាមកាតព្វកិច្ច ដែលកំណត់ ក្នុងអនុសញ្ញា អន្តរជាតិ, ព្រមទាំង ស្របតាមច្បាប់ ជាតិ កម្ពុជា ផងដែរ។
យ៉ាងណា ក៏ដោយ, ប្រជាពលរដ្ឋ ខ្មែរ មួយចំនួនដែលជាម្ចាស់ស្រុកបានចេញតវ៉ាជា បន្តបន្ទាប់ប្រឆាំងនឹងកិច្ចព្រមព្រៀងដ៏ចម្រូងសម្រាសមួយនេះ។ អ្នកតវ៉ាលើកឡើងថា កម្ពុជាមិនទាន់អាចទទួលយកជនភៀសខ្លួនទាំងនោះបានទេ ព្រោះពលរដ្ឋខ្លួនមិនទាន់ទទួលបានការរស់នៅល្អប្រសើរនៅឡើយ។ បញ្ហាជម្លោះដីធ្លីនៅតែកើតមាន ហើយការគោរពសិទ្ធិមនុស្សទៀតសោតនៅតែមានកម្រិត នេះសុទ្ធតែជាមូលហេតុដែលពលរដ្ឋខ្មែរខ្លះបានទទូចឲ្យរដ្ឋាភិបាល លុបចោលកិច្ចព្រមព្រៀងនោះវិញ។
ប្រឈមនឹងបញ្ហានេះ កាលពីថ្ងៃទី ១៦ តុលា លោក ស ខេង រដ្ឋមន្ត្រីក្រសួងមហាផ្ទៃ ដែលជាអ្នកចុះហត្ថលេខាទទួលយកជនភៀសខ្លួនពីអូស្ត្រាលីមកកាន់កម្ពុជា បានអំពាវនាវកុំឲ្យប្រជាពលរដ្ឋព្រួយខ្លាំងពេកពីរឿងជនភៀសខ្លួននេះ។ លោករដ្ឋមន្ត្រីបានសង្កត់ធ្ងន់ថា ការបញ្ជូនជនភៀសខ្លូនគឺធ្វើឡើងតាមគោលការស្ម័គ្រចិត្តមិនមែន ចាប់បង្ខំនោះទេ ហើយលោករំពឹងថា ជនភៀសខ្លួនទាំងនោះនឹងមិនស្ម័គ្រចិត្តមករស់នៅក្នុងប្រទេសកម្ពុជា ទាំងអស់នោះដែរ។
ដោយឡែកចំពោះពេលវេលានៃការបញ្ជូនជនភៀសទាំងនោះវិញ លោកកៅ គឹមហួន បានបញ្ជាក់ថា ប្រមុខរដ្ឋាភិបាលកម្ពុជា និងអូស្ត្រាលីមិនទាន់កំណត់នៅឡើយទេនៅក្នុងជំនួបទ្វេភាគីនោះ។ ក៏ប៉ុន្តែលោក លោក ឡុង វិសាលោ រដ្ឋលេខាធិការក្រសួងការបរទេស និងជាប្រធានក្រុមការងាររបស់រដ្ឋាភិបាលទទួលបន្ទុកជនភៀសខ្លួនពីប្រទេស អូស្ត្រាលី ធ្លាប់បានអះអាងប្រាប់អ្នកកាសែតនាពេលកន្លងមកថា ជំហានដំបូង ជនភៀសខ្លួនទាំងនោះ អាចរស់នៅបណ្តោះអាសន្ននៅក្នុងទីក្រុងភ្នំពេញ មុននឹងបញ្ជូនទៅកាន់មណ្ឌលរស់នៅ ក្រៅក្រុង៕
នៅក្នុងសន្និសីទ កាសែត នៅឯ ព្រលានយន្តហោះ អន្តរជាតិ ភ្នំពេញនោះ លោក កៅ គឹមហួន បានលើកឡើង ថា, ទោះបី មានការ ឯកភាពគ្នា អនុវត្ត កិច្ចព្រមព្រៀងនេះ ក៏ដោយ, ក៏ប៉ុន្តែ លោក នាយករដ្ឋមន្ត្រី ហ៊ុន សែន បានបញ្ជាក់ ទៅកាន់ រដ្ឋមន្ត្រី ការបរទេស អូស្ត្រាលី ថា, ត្រូវ ធ្វើឡើង តាមគោលការណ៍ ស្ម័គ្រចិត្ត របស់ ជនភៀសខ្លួន ទាំងនោះ។ សូម បញ្ជាក់ថា, រដ្ឋាភិបាល កម្ពុជា និងអូស្ត្រាលី បានចុះ កិច្ចព្រមព្រៀង បញ្ជូន និងទទួលយក ជនភៀសខ្លួន ទាំងនោះ កាលថ្ងៃ ទី២៦ កញ្ញា កន្លងមក។ មន្ត្រី រដ្ឋាភិបាល បានពន្យល់ ថា, ការបញ្ជូន ជនភៀសខ្លួន ពីប្រទេស អូស្ត្រាលី ឲ្យមក រស់នៅ ក្នុងប្រទេស កម្ពុជានេះ គឺ ធ្វើឡើង តាមកាតព្វកិច្ច ដែលកំណត់ ក្នុងអនុសញ្ញា អន្តរជាតិ, ព្រមទាំង ស្របតាមច្បាប់ ជាតិ កម្ពុជា ផងដែរ។
យ៉ាងណា ក៏ដោយ, ប្រជាពលរដ្ឋ ខ្មែរ មួយចំនួនដែលជាម្ចាស់ស្រុកបានចេញតវ៉ាជា បន្តបន្ទាប់ប្រឆាំងនឹងកិច្ចព្រមព្រៀងដ៏ចម្រូងសម្រាសមួយនេះ។ អ្នកតវ៉ាលើកឡើងថា កម្ពុជាមិនទាន់អាចទទួលយកជនភៀសខ្លួនទាំងនោះបានទេ ព្រោះពលរដ្ឋខ្លួនមិនទាន់ទទួលបានការរស់នៅល្អប្រសើរនៅឡើយ។ បញ្ហាជម្លោះដីធ្លីនៅតែកើតមាន ហើយការគោរពសិទ្ធិមនុស្សទៀតសោតនៅតែមានកម្រិត នេះសុទ្ធតែជាមូលហេតុដែលពលរដ្ឋខ្មែរខ្លះបានទទូចឲ្យរដ្ឋាភិបាល លុបចោលកិច្ចព្រមព្រៀងនោះវិញ។
ប្រឈមនឹងបញ្ហានេះ កាលពីថ្ងៃទី ១៦ តុលា លោក ស ខេង រដ្ឋមន្ត្រីក្រសួងមហាផ្ទៃ ដែលជាអ្នកចុះហត្ថលេខាទទួលយកជនភៀសខ្លួនពីអូស្ត្រាលីមកកាន់កម្ពុជា បានអំពាវនាវកុំឲ្យប្រជាពលរដ្ឋព្រួយខ្លាំងពេកពីរឿងជនភៀសខ្លួននេះ។ លោករដ្ឋមន្ត្រីបានសង្កត់ធ្ងន់ថា ការបញ្ជូនជនភៀសខ្លូនគឺធ្វើឡើងតាមគោលការស្ម័គ្រចិត្តមិនមែន ចាប់បង្ខំនោះទេ ហើយលោករំពឹងថា ជនភៀសខ្លួនទាំងនោះនឹងមិនស្ម័គ្រចិត្តមករស់នៅក្នុងប្រទេសកម្ពុជា ទាំងអស់នោះដែរ។
ដោយឡែកចំពោះពេលវេលានៃការបញ្ជូនជនភៀសទាំងនោះវិញ លោកកៅ គឹមហួន បានបញ្ជាក់ថា ប្រមុខរដ្ឋាភិបាលកម្ពុជា និងអូស្ត្រាលីមិនទាន់កំណត់នៅឡើយទេនៅក្នុងជំនួបទ្វេភាគីនោះ។ ក៏ប៉ុន្តែលោក លោក ឡុង វិសាលោ រដ្ឋលេខាធិការក្រសួងការបរទេស និងជាប្រធានក្រុមការងាររបស់រដ្ឋាភិបាលទទួលបន្ទុកជនភៀសខ្លួនពីប្រទេស អូស្ត្រាលី ធ្លាប់បានអះអាងប្រាប់អ្នកកាសែតនាពេលកន្លងមកថា ជំហានដំបូង ជនភៀសខ្លួនទាំងនោះ អាចរស់នៅបណ្តោះអាសន្ននៅក្នុងទីក្រុងភ្នំពេញ មុននឹងបញ្ជូនទៅកាន់មណ្ឌលរស់នៅ ក្រៅក្រុង៕
No comments:
Post a Comment