សហជីព រក្សាជំហរ ១៧៧ដុល្លារ មុនជំនួប ជាមួយ រដ្ឋមន្ត្រីការងារ
VOA / វីអូអេ |១០ តុលា ២០១៤
ភ្នំពេញ— ក្រុមសហជីព ដែលកំពុង ធ្វើការ ទាមទារ ការដំឡើង ប្រាក់ឈ្នួល ឲ្យកម្មករ រោងចក្រ ដ៏ចម្រូងចម្រាស់
នឹងជួបប្រជុំ ជាមួយ រដ្ឋមន្ត្រី ក្រសួង ការងារ និងបណ្តុះបណ្តាល វិជ្ជាជីវៈ, លោក អ៊ិត សំហេង,
នៅសប្តាហ៍ក្រោយ មុន នឹងមាន ការធ្វើសេចក្តី សម្រេចរួម ជាចុងក្រោយ
ក្នុងការដំឡើង ប្រាក់ឈ្នួលនេះ។
លោក អាត់ ធន់ ប្រធាន សម្ព័ន្ធសហជីព ប្រជាធិបតេយ្យ កម្មករ កាត់ដេរ កម្ពុជា (ហៅកាត់ ថា, CCAWDU) បាន ឲ្យដឹង នៅថ្ងៃ ព្រហស្បតិ៍នេះ ថា, តំណាង សហជីព ចំនួនប្រាំបី នឹងចូលជួប ពិភាក្សា ជាមួយ លោក អ៊ិត សំហេង នៅថ្ងៃ ទី១៦ ខែតុលានេះ, គឺ ជាកិច្ចប្រជុំ ពិគ្រោះយោបល់ លើកចុងក្រោយ មុន នឹងមាន កិច្ចប្រជុំ សម្រេច ជាផ្លូវការ លើកម្រិត ប្រាក់ឈ្នួល ទាបបំផុត ឬប្រាក់ឈ្នួល អប្បបរមា សម្រាប់ ក្រុមកម្មករ រោងចក្រ។
លោក បន្ថែមថា៖ «ថ្ងៃ ទី១៦នេះ រដ្ឋមន្ត្រី ក្រសួង ការងារ បានផ្តល់ ឱកាស ឲ្យក្រុមសហជីព ជួបជជែក អំពី ប្រាក់ឈ្នួល ដើម្បី ឲ្យក្រុមសហជីព ដាក់សំណើផ្ទាល់។»
ក្រុមកម្មករ បានទាមទារ ដំឡើងប្រាក់ខែ ទាបបំផុត របស់ខ្លួន ចំនួន ១៦០ដុល្លារ ចាប់តាំង ពីចុងខែធ្នូ ឆ្នាំ២០១៣ មកម្ល៉េះ។ ប៉ុន្តែ ក្រុមសហជីព បានដំឡើង ការទាមទារ ប្រាក់ខែគោលនេះ ឲ្យដល់ ១៧៧ដុល្លារ ក្នុងរយៈ ពេល ចុងក្រោយ ដោយសារ ពួកគេ អះអាង ថា, តម្រូវការ របស់ ក្រុមកម្មករ មានការកើនឡើង។ នេះ បើ យោងតាម ក្រុមតំណាង សហជីព។
ប៉ុន្តែ រហូត មកទល់ ពេលនេះ, សមាគម រោងចក្រ កាត់ដេរ នៅកម្ពុជា (ហៅថា GMAC) យល់ព្រម ដំឡើងប្រាក់ខែ ដល់កម្មករ ត្រឹមតែ ១១០ដុល្លារ ក្នុងមួយខែ តែប៉ុណ្ណោះ។ ហើយ GMAC គ្រោង នឹងដំឡើង ប្រាក់ខែ ទាបបំផុតនេះ ឲ្យដល់ ១៦០ដុល្លារ ក្នុងមួយខែ នៅឆ្នាំ២០១៨។
ទោះ ជាបែបនេះក្តី, កិច្ចប្រជុំ ដើម្បី កំណត់ប្រាក់ឈ្នួល កម្មករ ជា ផ្លូវការ នឹងប្រព្រឹត្តទៅ នៅក្នុងអំឡុង ខែវិច្ឆិកា, ប៉ុន្តែ មិនទាន់មាន ការកំណត់ថ្ងៃ ពិតប្រាកដ នោះទេ។ នេះ បើ យោងតាម សេចក្តី ជូនដំណឹង របស់ក្រសួង ការងារ និងបណ្តុះបណ្តាល វិជ្ជាជីវៈ កាលពីថ្ងៃច័ន្ទ។
លោក ហេង សួរ អ្នកនាំពាក្យ ក្រសួងនេះ មិនអាច ទាក់ទង បានឡើយ។
លោក រ៉ុង ឈុន ប្រធាន សហភាព សហជីព កម្ពុជា បានបញ្ជាក់ ថា, នៅមុនពេល ដែលមាន ការសម្រេច ជាផ្លូវការ ក្នុងការផ្តល់ ប្រាក់ខែ ទាបបំផុត ដល់ក្រុមកម្មករ នៅខែក្រោយ, ក្រុមសហជីពនឹងធ្វើយុទ្ធនាការជាប្រចាំដើម្បីបង្ហាញពីការទាមទារ ការដំឡើងប្រាក់ខែនេះ។ យុទ្ធនាការនេះបានធ្វើរួចម្តងហើយកាលពីខែមុន។
លោក រ៉ុង ឈុន បានបញ្ជាក់ថា៖ «យើងនឹងមានយុទ្ធនាការទាមទារប្រាក់ឈ្នួលបន្តទៀតនៅក្នុងចន្លោះខែ នោះ។ យើងនឹងមានការប្រមូលផ្តុំកម្មករដែលនឹងមានការចូលរួមច្រើន។ ហើយយើងនឹងធ្វើជំនួបជជែកគ្នា។ ហើយវាជាសារមួយដល់ក្រសួងការងារនិងរាជរដ្ឋាភិបាលផងដែរ។»
កម្មកររោងចក្រកាត់ដេរសម្លៀកបំពាក់និងរោងចក្រស្បែកជើងនៅក្នុងប្រទេសកម្ពុជាបានកើនដល់ច្រើនជាង៦០០.០០០នាក់។
ក្នុងអំឡុងពេលការចរចានិងការធ្វើបាតុកម្មទាមទារដំឡើងប្រាក់ខែ របស់ពួកគេដែលចាប់ផ្តើមកាលពីចុងឆ្នាំមុន មានកម្មករមួយចំនួនត្រូវបានបាញ់សម្លាប់។ហើយរហូតមកទល់ពេលនេះអ្នក ទទួលខុសត្រូវនៃអំពើហិង្សាមិនទាន់ត្រូវបានយកមកកាត់ទោសនៅឡើយ។
នៅថ្ងៃអាទិត្យទី១២ខែតុលានេះសហជីពចំនួន៥ក្នុងចំណោមសហជីព ប្រាំបីដែលធ្វើការទាមទារដំឡើងប្រាក់ខែសម្រាប់កម្មករនឹងធ្វើ វេទិកាមួយជាមួយក្រុមកម្មករនៅលើទីលានប្រជាធិបតេយ្យ។
វេទិកានេះគឺដើម្បីស្តាប់ជំហររបស់ក្រុមកម្មករពីតម្រូវការប្រាក់ខែរបស់ពួកគេសម្រាប់ការរស់នៅសមរម្យមួយ។
អង្គការពលកម្មអន្តរជាតិដែលហៅកាត់ថា (ILO) បានរកឃើញកាលពីពេលថ្មីៗនេះថា ក្រុមកម្មកររោងចក្រជាង៤០ភាគរយមានជំងឺឈាមចុះខ្សោយ ស្លេកស្លាំងដោយសារមានរបបអាហារមិនគ្រប់គ្រាន់ហើយមានតែកម្មករប្រមាណ ៣ភាគរយតែប៉ុណ្ណោះដែលមានអាហារមានជីវជាតិគ្រប់គ្រាន់សម្រាប់ បរិភោគ៕
លោក អាត់ ធន់ ប្រធាន សម្ព័ន្ធសហជីព ប្រជាធិបតេយ្យ កម្មករ កាត់ដេរ កម្ពុជា (ហៅកាត់ ថា, CCAWDU) បាន ឲ្យដឹង នៅថ្ងៃ ព្រហស្បតិ៍នេះ ថា, តំណាង សហជីព ចំនួនប្រាំបី នឹងចូលជួប ពិភាក្សា ជាមួយ លោក អ៊ិត សំហេង នៅថ្ងៃ ទី១៦ ខែតុលានេះ, គឺ ជាកិច្ចប្រជុំ ពិគ្រោះយោបល់ លើកចុងក្រោយ មុន នឹងមាន កិច្ចប្រជុំ សម្រេច ជាផ្លូវការ លើកម្រិត ប្រាក់ឈ្នួល ទាបបំផុត ឬប្រាក់ឈ្នួល អប្បបរមា សម្រាប់ ក្រុមកម្មករ រោងចក្រ។
លោក បន្ថែមថា៖ «ថ្ងៃ ទី១៦នេះ រដ្ឋមន្ត្រី ក្រសួង ការងារ បានផ្តល់ ឱកាស ឲ្យក្រុមសហជីព ជួបជជែក អំពី ប្រាក់ឈ្នួល ដើម្បី ឲ្យក្រុមសហជីព ដាក់សំណើផ្ទាល់។»
ក្រុមកម្មករ បានទាមទារ ដំឡើងប្រាក់ខែ ទាបបំផុត របស់ខ្លួន ចំនួន ១៦០ដុល្លារ ចាប់តាំង ពីចុងខែធ្នូ ឆ្នាំ២០១៣ មកម្ល៉េះ។ ប៉ុន្តែ ក្រុមសហជីព បានដំឡើង ការទាមទារ ប្រាក់ខែគោលនេះ ឲ្យដល់ ១៧៧ដុល្លារ ក្នុងរយៈ ពេល ចុងក្រោយ ដោយសារ ពួកគេ អះអាង ថា, តម្រូវការ របស់ ក្រុមកម្មករ មានការកើនឡើង។ នេះ បើ យោងតាម ក្រុមតំណាង សហជីព។
ប៉ុន្តែ រហូត មកទល់ ពេលនេះ, សមាគម រោងចក្រ កាត់ដេរ នៅកម្ពុជា (ហៅថា GMAC) យល់ព្រម ដំឡើងប្រាក់ខែ ដល់កម្មករ ត្រឹមតែ ១១០ដុល្លារ ក្នុងមួយខែ តែប៉ុណ្ណោះ។ ហើយ GMAC គ្រោង នឹងដំឡើង ប្រាក់ខែ ទាបបំផុតនេះ ឲ្យដល់ ១៦០ដុល្លារ ក្នុងមួយខែ នៅឆ្នាំ២០១៨។
ទោះ ជាបែបនេះក្តី, កិច្ចប្រជុំ ដើម្បី កំណត់ប្រាក់ឈ្នួល កម្មករ ជា ផ្លូវការ នឹងប្រព្រឹត្តទៅ នៅក្នុងអំឡុង ខែវិច្ឆិកា, ប៉ុន្តែ មិនទាន់មាន ការកំណត់ថ្ងៃ ពិតប្រាកដ នោះទេ។ នេះ បើ យោងតាម សេចក្តី ជូនដំណឹង របស់ក្រសួង ការងារ និងបណ្តុះបណ្តាល វិជ្ជាជីវៈ កាលពីថ្ងៃច័ន្ទ។
លោក ហេង សួរ អ្នកនាំពាក្យ ក្រសួងនេះ មិនអាច ទាក់ទង បានឡើយ។
លោក រ៉ុង ឈុន ប្រធាន សហភាព សហជីព កម្ពុជា បានបញ្ជាក់ ថា, នៅមុនពេល ដែលមាន ការសម្រេច ជាផ្លូវការ ក្នុងការផ្តល់ ប្រាក់ខែ ទាបបំផុត ដល់ក្រុមកម្មករ នៅខែក្រោយ, ក្រុមសហជីពនឹងធ្វើយុទ្ធនាការជាប្រចាំដើម្បីបង្ហាញពីការទាមទារ ការដំឡើងប្រាក់ខែនេះ។ យុទ្ធនាការនេះបានធ្វើរួចម្តងហើយកាលពីខែមុន។
លោក រ៉ុង ឈុន បានបញ្ជាក់ថា៖ «យើងនឹងមានយុទ្ធនាការទាមទារប្រាក់ឈ្នួលបន្តទៀតនៅក្នុងចន្លោះខែ នោះ។ យើងនឹងមានការប្រមូលផ្តុំកម្មករដែលនឹងមានការចូលរួមច្រើន។ ហើយយើងនឹងធ្វើជំនួបជជែកគ្នា។ ហើយវាជាសារមួយដល់ក្រសួងការងារនិងរាជរដ្ឋាភិបាលផងដែរ។»
កម្មកររោងចក្រកាត់ដេរសម្លៀកបំពាក់និងរោងចក្រស្បែកជើងនៅក្នុងប្រទេសកម្ពុជាបានកើនដល់ច្រើនជាង៦០០.០០០នាក់។
ក្នុងអំឡុងពេលការចរចានិងការធ្វើបាតុកម្មទាមទារដំឡើងប្រាក់ខែ របស់ពួកគេដែលចាប់ផ្តើមកាលពីចុងឆ្នាំមុន មានកម្មករមួយចំនួនត្រូវបានបាញ់សម្លាប់។ហើយរហូតមកទល់ពេលនេះអ្នក ទទួលខុសត្រូវនៃអំពើហិង្សាមិនទាន់ត្រូវបានយកមកកាត់ទោសនៅឡើយ។
នៅថ្ងៃអាទិត្យទី១២ខែតុលានេះសហជីពចំនួន៥ក្នុងចំណោមសហជីព ប្រាំបីដែលធ្វើការទាមទារដំឡើងប្រាក់ខែសម្រាប់កម្មករនឹងធ្វើ វេទិកាមួយជាមួយក្រុមកម្មករនៅលើទីលានប្រជាធិបតេយ្យ។
វេទិកានេះគឺដើម្បីស្តាប់ជំហររបស់ក្រុមកម្មករពីតម្រូវការប្រាក់ខែរបស់ពួកគេសម្រាប់ការរស់នៅសមរម្យមួយ។
អង្គការពលកម្មអន្តរជាតិដែលហៅកាត់ថា (ILO) បានរកឃើញកាលពីពេលថ្មីៗនេះថា ក្រុមកម្មកររោងចក្រជាង៤០ភាគរយមានជំងឺឈាមចុះខ្សោយ ស្លេកស្លាំងដោយសារមានរបបអាហារមិនគ្រប់គ្រាន់ហើយមានតែកម្មករប្រមាណ ៣ភាគរយតែប៉ុណ្ណោះដែលមានអាហារមានជីវជាតិគ្រប់គ្រាន់សម្រាប់ បរិភោគ៕
No comments:
Post a Comment