Paris Peace Accords 23 Oct. 1991

Friday, November 28, 2014

លោក ហ៊ុន សែន និង​លោក សម រង្ស៊ី ព្រមព្រៀង​ នយោបាយ​ ៣​ចំណុច | Hun Sen and Sam Rainsy agreed on 3 points

លោក ហ៊ុន សែន និង​លោក សម រង្ស៊ី ព្រមព្រៀង​ នយោបាយ​ ៣​ចំណុច

RFA / ​វិទ្យុ ​អាស៊ី សេរី | ២៨ វិច្ឆិកា ២០១៤

សម រង្ស៊ី ហ៊ុន សែន ៦១០
ប្រធាន​ គណបក្ស​ សង្គ្រោះ​ជាតិ លោក សម រង្ស៊ី (ឆ្វេង) ចាប់​ដៃ​ ជាមួយ លោក​នាយករដ្ឋមន្ត្រី ហ៊ុន សែន ក្រោយ​ជំនួប​ ចរចា ​នា​វិមាន ​ព្រឹទ្ធ​សភា ​នៅ​ថ្ងៃ​ ទី​២២ កក្កដា ២០១៤។  RFA/Tin Zakariya

មេ​ដឹក​នាំ​កំពូល ​គណបក្ស​ ជាប់​ឆ្នោត​ ទាំង​ពីរ គឺ​ លោក ហ៊ុន សែន អនុប្រធាន ​គណបក្ស ​ប្រជាជន​កម្ពុជា និង​លោក សម រង្ស៊ី ប្រធាន ​គណបក្ស​ សង្គ្រោះ​ជាតិ បាន​ព្រមព្រៀង​គ្នា ​ចំនួន ៣​ចំណុច នៅ​ក្នុង​កិច្ច​ប្រជុំ​ សម្ងាត់​មួយ​ នៅ​វិមាន ​រដ្ឋសភា នៅ​ថ្ងៃ ​ទី​២៨ វិច្ឆិកា។


នៅ​ក្នុង​សេចក្ដី​ប្រកាស​ ព័ត៌មាន​ ដែល​គេ​ ផ្សព្វផ្សាយ ​ភ្លាមៗ​ ក្រោយ​ ពី​ជំនួប​នេះ គឺ​ លោក ហ៊ុន សែន និង​លោក សម រង្ស៊ី បាន​ឯកភាព​គ្នា៖ 

ទី​១, កែ​សម្រួល ​បទបញ្ជា ផ្ទៃ​ក្នុង​ នៃ​រដ្ឋសភា ដោយ​ធ្វើ​វិសោធនកម្ម​ ប្រការ​ ៤៨​ថ្មី ​នៃ​បទបញ្ជា​ ផ្ទៃ​ក្នុង ​រដ្ឋសភា ដើម្បី​ រៀបចំ ​ឲ្យ​មាន ​ថ្នាក់​ដឹក​នាំ​ តំណាង​រាស្ត្រ ​នៃ​គណបក្ស ​ដែល​មាន​ អាសនៈ ​នៅ​ក្នុង​រដ្ឋសភា និង​រៀបចំ​ ឲ្យ​មាន ​ប្រធាន​ ក្រុម​ភាគ​តិច​ នៅ​រដ្ឋសភា ដែល​មាន​ឋានៈ ​ស្មើ​នាយក​រដ្ឋមន្ត្រី ដើម្បី​ ជា​គូ​សន្ទនា​ ជាមួយ ​នឹង​ប្រមុខ ​រដ្ឋាភិបាល ទាក់ទង​ បញ្ហា​ប្រទេស​ជាតិ។  ក្រៅ​ពី​វិសោធនកម្ម​ប្រការ​៤៨​ថ្មី​នេះ ក៏​មាន​វិសោធនកម្ម​បទបញ្ជា​ផ្ទៃ​ក្នុង​ផ្សេងៗ​ទៀត​ដែរ ដែល​នឹង​ពិភាក្សា​នៅ​ពេល​ក្រោយ​នៅ​ក្នុង​យន្តការ​របស់​សភា; 

ទី​២, លោក​នាយក​រដ្ឋមន្ត្រី ហ៊ុន សែន បាន​យល់​ព្រម​ តាម​សំណើ​ របស់ លោក សម រង្ស៊ី ចំពោះ​ ការ​ស្នើសុំ​ ឲ្យ​ដំណើរ​ការ​ ស្ថានីយ​ទូរទស្សន៍ និង​ការ​ដាក់ ​ឲ្យ​ដំណើរ​ការ​ ស្ថានីយ​វិទ្យុ ផ្សាយ​បន្ត ​ទៅ​តាម​ បណ្ដា​ខេត្ត ដោយលោក ហ៊ុន សែន ត្រូវ​ ឲ្យ​ក្រុមហ៊ុន​ ពាក់ព័ន្ធ ត្រូវ​ បំពេញ​បែបបទ ​ស្នើសុំ​ អាជ្ញាប័ណ្ណ​ នៅ​ក្រសួង​ ព័ត៌មាន; និង​

ទី​៣, សេចក្ដី​ស្នើ​ សេចក្ដី​ព្រាង​ច្បាប់​ ស្ដីពី​ ការ​រៀបចំ និង​ការ​ប្រព្រឹត្ត​ទៅ​ នៃ​គណៈកម្មាធិការ​ ជាតិ​ រៀបចំ​ ការ​បោះ​ឆ្នោត (គ.ជ.ប.) ដែល​តំណាង​ គណបក្ស ​ជាប់​ឆ្នោត ទាំង​ពីរ ពិភាក្សា​គ្នា​ កន្លង​មក មិន​ទាន់ ​ត្រូវរ៉ូវ​គ្នា​ នៅ​ត្រង់​ចំណុច ​មួយ​ចំនួន​នោះ, លោក ហ៊ុន សែន និង​លោក សម រង្ស៊ី ឯកភាព​គ្នា​ ដោះស្រាយ​ បញ្ចប់ ដោយ​ក្រុម​ការងារ ​គណបក្ស​ ទាំង​ពីរ នឹង​បន្ត​ជួប ​ប្រជុំ​គ្នា ដើម្បី​ អនុវត្ត​ស្មារតី​នេះ ​នៅ​សប្ដាហ៍​ក្រោយ។

ការ​ឯកភាព​គ្នា ​រវាង ​ថ្នាក់​ដឹក​នាំ​ ទាំង​ពីរ​នេះ នៅ​ក្រោយ​ពេល ​មួយ​ថ្ងៃ គឺ ​លោក សម រង្ស៊ី បាន​ជួប​ប្រជុំ​ សម្ងាត់ ​ជាមួយ​លោក​ ឧបនាយករដ្ឋមន្ត្រី ស ខេង កាល​ពី​ថ្ងៃ​ ទី​២៧ ខែ​វិច្ឆិកា។


No comments:

Post a Comment