សម្តេច ហ៊ុន សែន បង្ហើបប្រាប់ផ្លូវ ដល់លោក សម រង្ស៊ី រឿងចាប់ខ្លួន សកម្មជន គណបក្ស សង្គ្រោះជាតិ
CEN | ២០ វិច្ឆិកា ២០១៤
ភ្នំពេញ៖ សម្តេច នាយករដ្ឋមន្ត្រី ហ៊ុន សែន បានប្រកាស ថា, ក្នុងរឿង ចាប់ខ្លួន សកម្មជន គណបក្ស សង្គ្រោះជាតិ ពាក់ព័ន្ធ នឹងព្រឹត្តិការណ៍ បាតុកម្ម រំដោះ ទីលាន ប្រជាធិបតេយ្យ ថ្ងៃ១៥ កក្កដា ឆ្នាំ២០១៤, សម្តេច បានប្រាប់ផ្លូវ ដោះស្រាយ ដល់លោក សម រង្ស៊ី។ នោះ គឺ, បើ តុលាការ សាលាដំបូង រាជធានី ភ្នំពេញ មិនព្រម ដោះលែង ឲ្យនៅ ក្រៅឃុំទេ មានតែ ប្តឹងបន្ត ទៅតុលាការ សាលាឧទ្ធរណ៍។ តែ បើ តុលាការ កាត់ ឲ្យជាប់ទោសហើយ មិនចាំបាច់ ប្តឹងឧទ្ធរណ៍ ទេ។ ទុក ឲ្យសាលក្រម ចូលជាស្ថាពរ; ពេលនោះ ទើប សម្តេច មានសិទ្ធិ ស្នើសុំ ព្រះមហាក្សត្រ ប្រទាន ការលើកលែងទោស។ មធ្យោបាយ ទាំងនេះ ត្រូវ បានសម្តេច នាយករដ្ឋមន្ត្រី អះអាង ថា, ក្នុងពេល ចាប់ខ្លួននេះ, សម្តេច មិនមាន សិទ្ធិបញ្ជា ឲ្យតុលាការ ដោះលែង នោះទេ។
សម្តេច ហ៊ុន សែន បានមានប្រសាសន៍ដូច្នេះ ក្នុងពិធីចែកសញ្ញាប័ត្រដល់និស្សិតរបស់វិទ្យាស្ថាន IIC ដែលបញ្ចប់ការសិក្សា កាលពីព្រឹកថ្ងៃទី២០វិច្ឆិកានេះ។
សម្តេចហ៊ុនសែន បានបញ្ជាក់ថា សម្តេចតែងតែប្រាប់ទៅលោកសមរង្ស៊ីយ៉ាងច្បាស់ ពេលលោកស្កាត់ជួបសម្តេចម្តងៗថា រឿងចាប់ខ្លួននរណាមួយ គឺសម្តេចមិនអាចធ្វើអ្វីកើតទេ ជាដំណើរការតុលាការ។ អីចឹងបើតុលាការសាលាដំបូង មិនដោះលែង បន្តប្តឹងឧទ្ធរណ៍ រឿងសុំនៅក្រៅឃុំ។ តែបើគេកាត់ឲ្យជាប់ទោស កុំប្តឹងឧទ្ធរណ៍ ពេលសាលក្រមចូលជាស្ថាពរហើយ សម្តេចនាយករដ្ឋមន្ត្រី មានឱកាសស្នើសុំព្រះមហាក្សត្រ ប្រទានការលើកលែងទោស។
សម្តេចនាយក រដ្ឋមន្ត្រី ក៏បានច្រានចោលការលើកឡើងថា ការចាប់ខ្លួនសកម្មជនគណបក្សសង្គ្រោះជាតិ នាពេលសព្វថ្ងៃនេះ ថារដ្ឋាភិបាល ប្រើប្រាស់ប្រព័ន្ធតុលាការ ឬក៏ចាប់ជាចំណាប់ខ្មាំងចរចា ជាដើម។ តែសម្តេចហ៊ុនសែន បញ្ជាក់ថា នាយករដ្ឋមន្ត្រី គ្មានសិទ្ធិលើតុលាការទេ ទើបមានរឿងចាប់ដូច្នេះ។
សម្តេច ហ៊ុនសែន ក៏បានគូសបញ្ជាក់ថា កិច្ចព្រមព្រៀងនយោបាយ ថ្ងៃ២២កក្កដា ឆ្នាំ២០១៤ មិនមែនបញ្ចប់រឿងក្តីនៅតុលាការទេ។ ថ្ងៃចរចា ( ថ្ងៃ២២កក្កដា ) មានការស្នឲ្យមានការនៅក្រៅឃុំ ( បេក្ខជនជាប់ឆ្នោតតំណាងរាស្ត្រ ) ក្រោយមកក៏មានការជំរុញតាមផ្លូវតុលាការ។ នេះជាដំណើរការតាមរដ្ឋប្បវេណី បង្អាក់ព្រហ្មទណ្ឌ។ គឺពេលនោះ យើងបានប្រឹងប្រែងធានាឲ្យនៅក្រៅឃុំប៉ុណ្ណោះ តែមិនអាចបញ្ចប់រឿងក្តីនៅតុលាការបានទេ សូម្បីតែតំណាងរាស្ត្រ នៅពេលអស់អភ័យឯកសិទ្ធិ គេនាំទៅកាត់ទោសដូចគ្នាហ្នឹង។
ជាមួយគ្នានោះ សម្តេចហ៊ុនសែន លើកឡើងថា ការចាប់ខ្លួនទាំងនោះ មិនរាំងស្ទះដល់ការចរចារវាងគណបក្សទាំងពីរ លើសេចក្តីព្រាងច្បាប់គជប និងការបន្តធ្វើវិសោធនកម្មបទបញ្ជាផ្ទៃក្នុងរដ្ឋសភា ស្តីពីការបង្កើតប្រធានក្រុមអ្នកតំណាងរាស្ត្រនៃបណ្តាគណបក្សនយោបាយ ក្នុងរដ្ឋសភានោះទេ៕
We have been wasting our time and efforts
ReplyDeleteplaying Hun Sen-Hanoi's games.
Well, Hun sen appears to be ambitious on having all of his opposition(s) had the look, the feel and the taste of his establishment known as 'White Woods/Prey Sor'? In his sick Viet-trained mind/mentality, as evidenced by countless of situations and events since the last general election [to say the least], Hun Sen may be hopeless to any peaceful solutions as far as the Cambodian people is concerned...
ReplyDeleteKal [ខាល]