លោក ហ៊ុន សែន៖ គ្មាន កិច្ចព្រមព្រៀង នយោបាយ គ្របដណ្តប់ រឿងតុលាការទេ
RFI / វិទ្យុ បារាំង អន្តរជាតិ | ២០ វិច្ឆិកា ២០១៤
លោក ហ៊ុន សែន ថ្លែងនាពេលកន្លងមក
RFI/Siv Channa
លោក នាយករដ្ឋមន្ត្រី ហ៊ុន សែន នៅថ្ងៃ ទី២០ វិច្ឆិកានេះ បានថ្លែង បកស្រាយ ពីដែនអំណាច នៃកិច្ចព្រមព្រៀង នយោបាយ កាលពីថ្ងៃ ទី២២ កក្កដា
និងដែនអំណាច របស់ តុលាការ ខណៈ ដែលសកម្មជន បក្សសង្គ្រោះជាតិ
កំពុង ជាប់ឃុំ។
លោក ថា, កិច្ចព្រមព្រៀង បិទបញ្ចប់ ជម្លោះនយោបាយ ដែលបក្ស
ទាំងពីរ ព្រមព្រៀង គ្នានោះ
មិនមែន ជាកិច្ចព្រមព្រៀង បញ្ចប់រឿងក្តី របស់ តុលាការ នោះទេ។
លោក នាយករដ្ឋមន្ត្រី ថ្លែងបញ្ជាក់ ថា៖ «នៅលើ ពិភពលោកនេះ គ្មាន កិច្ចព្រមព្រៀង នយោបាយណា គ្រប់ដណ្តប់ ទៅលើ ដំណើរការ របស់ តុលាការ រឿងព្រហ្មទណ្ឌដែរ, ជាពិសេស ការចាប់ខ្លួន នរណាម្នាក់, ព្រោះ តុលាការ និងនគរបាល ធ្វើកោសល្យវិច្ឆ័យ ទៅលើ រូបភាព។ ហើយ ខ្ញុំ បានប្រាប់ ឯកឧត្តម សម រង្ស៊ី ច្បាស់ណាស់ នៅរដ្ឋសភា, ព្រោះ គាត់ តែងតែ ព្យាយាម ជួបជាមួយខ្ញុំ។ ខ្ញុំ ថា, ខ្ញុំ មិនអាច ធ្វើអ្វី បាននោះទេ, មានតែ តម្រូវ ឱ្យទៅតាម ក្រិត្យក្រម របស់វា។»
ការគូសបញ្ជាក់ ជាសាធារណៈ បែបនេះ គឺ នៅពេល ដែលតុលាការ កម្ពុជា បាន និងកំពុង ដំណើរការ និតិវិធី ព្រហ្មទណ្ឌ លើសកម្មជន គណបក្ស សង្គ្រោះជាតិ លោក មាជ សុវណ្ណារ៉ា។ លោក មាជ សុវណ្ណារ៉ា ដែលកំពុង ជាប់ឃុំ នៅពន្ធនាគារ ព្រៃ សរក្រោមបទចោទ ព្រហ្មទណ្ឌ ពាក់ពន្ធ នឹងបាតុកម្ម របស់ បក្សប្រឆាំង កាលពីខែ កក្កដា កន្លងទៅ។
លោក យឹម សុវណ្ណ អ្នកនាំពាក្យ គណបក្ស សង្គ្រោះជាតិ បានលើកឡើង ថា, ការថ្លែង របស់ លោក នាយរដ្ឋមន្ត្រី នោះ គឺ ជាសិទ្ធិ, ប៉ុន្តែ ករណី របស់លោក មាជ សុវណ្ណារ៉ា នេះ គឺ ជារឿង នយោបាយ សុទ្ធសាធ។ ហើយ ករណីនេះ នឹងត្រូវតែ ដោះស្រាយ តាមផ្លូវ នយោបាយ តែមួយគត់។ បើ តាមលោក យឹម សុវណ្ណ ដដែល, ប្រធាន គណបក្ស សង្គ្រោះជាតិ លោក សម រង្ស៊ី នឹងបន្ត ស្វែងរក ការសម្របសម្រួល នយោបាយ ជាមួយ គណបក្ស កាន់អំណាច ក្រោយការ វិលត្រឡប់ ពីបរទេសវិញ។
យ៉ាងណា ក៏ដោយ អ្នករាយការណ៍ ពិសេស របស់ អង្គការ សហប្រជាតិ ស្តីពី សិទ្ធមនុស្ស ប្រចាំ នៅកម្ពុជា លោក សុរិយាប្រាសាទ ស៊ូប៊ែឌី ក៏បាន ហៅករណី ចាប់ឃុំខ្លួន លោក មាជ សុវណ្ណរ៉ា សកម្មជន គណបក្ស ប្រឆាំងនេះ ជារឿង នយោបាយ, ហើយ ថា, តុលាកា នៅកម្ពុជា ជាឧបករណ៍ នៃកាអនុវត្ត របស់ គណបក្ស កាន់អំណាច ដែលតែងតែ កើតឡើង ជារឿយ។ ប៉ុន្តែ លោក នាយករដ្ឋមន្ត្រី ហ៊ុន សែន នៅតែ អះអាង ថា, លោក និងរដ្ឋាភិបាល គ្មាន សិទ្ធបញ្ជា តុលាកា នោះទេ៕
លោកតា ពស់វែកភ្នែក១ ដែលមានឈ្មោះក្រៅ ហៅថា ហ៊ុនសែន នេះប្រាកដជាធ្វើឲ្យប្រជាពលរដ្ធ
ReplyDeleteខ្មែរយើងទាំងអស់គ្នា ឆ្អែតចិត្ត មាំណាស់ ជាពិសេស អំពើបាបកម្មរបស់ ពស់វែកភ្នែក១ ដែលសុខចិត្តលក់ក្បាលទៅបំរើ យួនកុម្មុយនឹស្ត ឲ្យចូលលុកលុយ កាប់គាស់បំផ្លឹតបំផ្លាញ ទឹក ដី ព្រៃឈើ ដែលជា សំបុកសម្បិត្ត ធនធាន ដ៏មានតំឡៃឥតមានផ្ទឹមបាន របស់ ជនជាតិខ្មែរយើង តាំងតែ ពិរាប់រយសតវត្សមកហើយនោះ។ ខ្មែរយើងគួរសួរខ្លួនឯងថា៖ តើយើងត្យូវ កាត់ កន្ទុយ ឬ ក៏កាត់ ក្បាល ពស់វែកភ្នែក១ នេះ នៅពេលដែល ស្រុកខ្មែរយើង កំពុងតែត្រូូវ យួនកុម្មុយនិស្ត បំផ្លឹតបំផ្លាញសព្វគ្រប់យ៉ាងបែបនេោះ? សូមអរគុណ៕