ក្រសួង យុត្តិធម៌ ចាប់ផ្តើម ពិនិត្យលិខិត លោក សម រង្ស៊ី នៅថ្ងៃនេះ
RFI / វិទ្យុ បារាំង អន្តរជាតិ | ១៧ វិច្ឆិកា ២០១៤
លោក មាជ សុវណ្ណារ៉ា ប្រធាន នាយកដ្ឋាន ផ្សព្វផ្សាយ និងព័ត៌មាន របស់ គណបក្ស សង្គ្រោះជាតិ
(Facebook លោក មាជ សុវណ្ណារ៉ា)
នៅមិនទាន់មាន សញ្ញាវិជ្ជមាន ណាមួយ នៅឡើយ ស្តីពី ការដោះលែង មន្ត្រីជាន់ខ្ពស់ គណបក្ស ប្រឆាំង លោក មាជ សុវណ្ណារ៉ា និងសកម្មជន ដីធ្លី បឹងកក់ ដទៃទៀត ដែលកំពុង ជាប់ឃុំ នៅពន្ធនាគារ ព្រៃ ស។ អ្នកនាំពាក្យ ក្រសួងយុត្តិធម៌ ថ្លែងថា, ក្រសួង កំពុង ពិនិត្យមើល នៅថ្ងៃចន្ទនេះ ពីលិខិត របស់លោក សម រង្សី ដែលបាន ស្នើសុំ អន្តរាគមន៍ ឲ្យមាន ការដោះលែង អ្នកជាប់ឃុំ ខណៈ ដែលមន្ត្រី បក្សប្រឆាំង រំពឹងថា, បញ្ហានេះ នឹងត្រូវ ដោះស្រាយគ្នាបាន បែប នយោបាយ។
លិខិត របស់លោក សម រង្សី ស្នើសុំ ដោះលែង លោក មាជ សុវណ្ណារ៉ា ប្រធាន នាយកដ្ឋាន ផ្សព្វផ្សាយ និងព័ត៌មាន របស់ គណបក្ស សង្គ្រោះជាតិ បានទៅដល់ ក្រសួងយុត្តិធម៌ កាលពីល្ងាច ថ្ងៃសុក្រ សប្តាហ៍មុន។ លោក គឹម សន្តិភាព អ្នកនាំពាក្យ ក្រសួងយុត្តិធម៌ បានបញ្ជាក់ ប្រាប់វិទ្យុ បារាំង អន្តរជាតិ (RFI) នៅថ្ងៃចន្ទនេះ ថា, ក្រសួង យុត្តិធម៌ កំពុង ពិនិត្យ លើលិខិត របស់លោក សម រង្ស៊ី, ហើយ ក៏មិនទាន់មាន ការសម្រេច យ៉ាណា នៅឡើយ។ ទោះយ៉ាងនេះក្តី លោក គឹម សន្តិភាព បញ្ជាក់ ថា, ករណីនេះ គឺ ស្ថិតនៅក្រោម នីតិវិធី តុលាការ។
លោក សម រង្សី ប្រធាន គណបក្ស សង្គ្រោះជាតិ កាលពីសប្តាហ៍មុន បានសរសេរ លិខិត មួយច្បាប់ ទៅក្រសួង មហាផ្ទៃ ដើម្បី ស្នើសុំ ឲ្យមាន កិច្ចអន្តរាគមន៍ ដោះលែង លោក មាជ សុវណ្ណរ៉ា និងសកម្មជន បឹងកក់ ទាំងអស់ ដែលត្រូវ បានចាប់ខ្លួន។ ក៏ប៉ុន្តែ ក្រសួង មហាផ្ទៃ កាលពីថ្ងៃសុក្រ សប្តាហ៍ មុនដែរ បានបង្វែរ ទិសដៅលិខិត លោក សម រង្សី ទៅក្រសួង យុត្តិធម៌វិញ ដែលជាស្ថាប័ន មានសមត្ថកិច្ច។
លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានប្រាប់ RFI នៅថ្ងៃនេះដែរថាគណបក្សរបស់លោក នៅមិនទាន់បានទទួលដំណឹងពីការឆ្លើយតបយ៉ាងណានោះទេ។ដោយទាត់ចោលនូវបទ ពាក់ព័ន្ធនឹងព្រហ្មទណ្ឌ លោក យឹម សុវណ្ណ នៅតែអះអាងថានោះគឺជារឿងនយោបាយ ដូច្នេះទាមទារឲ្យមានការដោះស្រាយគ្នាតាមផ្លូវនយោបាយ។លោកបញ្ជាក់ថា៖ «គួរ ទុកពេល វេលា ឲ្យប្រធាន គណបក្ស របស់លោក ដោះស្រាយ បញ្ហានេះ ជាមួយ គណបក្ស ប្រជាជនកម្ពុជា។»
ជាមួយគ្នានេះ លោក កឹម សុខា អនុប្រធានគណបក្សសង្គ្រោះជាតិ បានប្រកាសតាមរយៈហ្វេសប៊ុករបស់លោក ថាលោកនឹងទៅសួរសុខទុក្ខលោកមាជ សុវណ្ណារ៉ា នៅពន្ធនាគារ ព្រៃសនៅរសៀលថ្ងៃទី១៧វិច្ឆិកានេះ។
លោក មាជ សុវណ្ណារ៉ា ត្រូវអាជ្ញាធររដ្ឋាភិបាលចាប់ខ្លួនកាលពីថ្ងៃទី១១វិច្ឆិការនេះ ពីបទជាប់ពាក់ព័ន្ធទៅនឹងអំពើហឹង្សារនៅទីលានប្រជាធិបតេយ្យ កាលពីថ្ងៃទី១៥ខែកក្កដាកន្លងទៅ ដែលធ្វើឲ្យសន្តិសុខ ខ័ណ្ឌដូនពេញជាង ៣០នាក់រងរបួសធ្ងន់ស្រាល៕
That sucks! If nothing at all other than trying to get attention of the outside word as well as pleasing his master, the Viet, Mr. Hun Sen obviously succeeded in domesticating and making the CNRP lost their face [while showing off his political complex of superiority] by keeping his opponents behind bar for a couple of days/nights at least. I'd say ..Shame on you Mr.Hun Sen. I challenge you, Mr. Hun Sen, to first denounce the Viet...and let's play..We'll see who's the real winner is?
ReplyDeleteKal