Sam Rainsy: 900,000 Likes! Information is knowledge. Knowledge is power | ព័ត៌មាន ជា ចំណេះដឹង។ ចំណេះដឹង ជា អំណាច។

 
០៣ វិច្ឆិកា ២០១៤ / 03 Nov. 2014 - 900,000 Likes! Information is knowledge. Knowledge is power (See More)

ថ្ងៃនេះ ទំព័រ ហ្វេសប៊ុក របស់ខ្ញុំ ទទួលបាន ការចូលចិត្ត (Like) ចំនួន ៩០០,០០០ (៩០ ម៉ឺន)។  ខ្ញុំ សង្ឃឹមថា, ចំនួននេះ នឹងកើនឡើង ដល់ ១,០០០,០០០ (១ លាន) នៅដាច់ឆ្នាំនេះ។  ខ្ញុំ សូមថ្លែង អំណរគុណ ចំពោះ អ្នកគាំទ្រ និងអ្នកតាមដាន ទាំងអស់។

តាមរយៈ ទំព័រហ្វេសប៊ុកនេះ, ខ្ញុំ នឹងបន្ត ខិតខំ ផ្សព្វផ្សាយ ព័ត៌មានពិត, ព័ត៌មាន ដែលមាន ប្រយោជន៍, និងព័ត៌មាន ដែលលើកតម្កើង លទ្ធិប្រជាធិបតេយ្យ, ឧត្តមគតិ ស្នេហាជាតិ, និងផលប្រយោជន៍ សាធារណៈ។  

Today my Facebook Page got 900,000 Likes! I hope this number will reach 1 million by the end of the year. I would like to thank all friends and followers for their support. Through this Page I will continue to publish accurate and useful information that promotes democracy and patriotism associated with the sense of common good.


ព័ត៌មាន ជា ចំណេះដឹង។  ចំណេះដឹង ជា អំណាច | INFORMATION IS KNOWLEDGE. KNOWLEDGE IS POWER

ឈ្នះចាញ់ ក្នុងសង្រ្គាម ឬការប្រកួតប្រជែង ណាមួយ គឺ អាស្រ័យ លើព័ត៌មាន។  INFORMATION IS DECISIVE IN WINNING ANY WAR OR COMPETITION

ក្នុងប្រទេស ដែលគោរព លទ្ធិប្រជាធិបតេយ្យ សារព័ត៌មាន ជាអំណាច ទី៤ បន្ទាប់ ពីអំណាច នីតិបញ្ញាត្តិ, អំណាច នីតិប្រតិបត្តិ, និងអំណាច តុលាការ។  ច្បាស់ណាស់៖ ព័ត៌មាន ជាអំណាច។  អំណាច ព័ត៌មាននេះ អាចកាត់បន្ថយ អំណាច ទាំង៣មុន ដូចបាន រៀបរាប់ ខាងលើ កុំ ឲ្យអំណាច ទាំង៣នោះ ធ្វើអ្វីខុសច្បាប់ ឬអសីលធម៌ ហួសហេតុ។  អ្នក ដែលប្រព្រឹត្តិ អំពើអាក្រក់ តែងតែ ព្យាយាមបិទបាំង ការពិត, កុំ ឲ្យគេ ដឹងលឺ អំពី អំពើអាក្រក់ របស់ខ្លួន។  តែ បើ ការពិត ត្រូវ បានលាតត្រដាង ឲ្យមហាជន បានដឹងលឺ យ៉ាងទូលំទូលាយ, នោះ អ្នក ដែលប្រព្រឹត្តិ អំពើអក្រក់ ច្បាស់ជាត្រូវ ផ្អាក ឬកាត់បន្ថយ អំពើ អាក្រក់ របស់ខ្លួន យ៉ាងតិចណាស់ ក៏មួយកម្រិត ដែរ។

ដើម្បី នាំមក នូវការផ្លាស់ប្តូរ និងការរៀបចំ ប្រទេសយើង ឡើងវិញ ឲ្យបាន ល្អប្រសើរ, យើង ត្រូវ ចាប់ផ្តើម ប្រមូលព័តមានពិត ដែលមាន ប្រយោជន៍ យកទៅវិភាគ និងផ្សព្វផ្សាយ ឲ្យសាធារណ មតិ បានដឹងលឺ។  ព័ត៌មាននេះ ជាកត្តាដំបូង ចាំបាច់ ដើម្បី ជម្រុញ ឲ្យមាន ការចាត់វិធានការ សមស្រប  ក្នុងបំណង កែលម្អ និងផ្លាស់ប្តូរ របៀបដឹកនាំ ប្រទេស ដូចយើង ចង់បាន ទាំងអស់គ្នា។  បើ គ្មាន ព័ត៌មានពិត, ក្បោះក្បាយ,  គ្រប់គ្រាន់ ជាមុនសិនទេ, យើង ក៏មិនអាច កែទម្រង់ ប្រព័ន្ធណាមួយ ឲ្យបានត្រឹមត្រូវ ឡើយ។

សម រង្ស៊ី / Sam Rainsy
www.facebook.com/rainsy.sam