លោក មាជ សុវណ្ណារ៉ា ប្រធា ននាយកដ្ឋាន ព័ត៌មាននៃគណបក្ស សង្រ្គោះជាតិ ត្រូវ បានចាប់ខ្លួន កាលពីថ្ងៃ ទី១១ វិច្ឆិកា។ ហេង ជីរ័ន
សម រង្ស៊ី ជួប ស ខេង ចរចា ពីការដោះលែង មន្ត្រីបក្សប្រឆាំង
ភ្នំពេញ៖ ប្រធាន គណបក្ស ប្រឆាំង លោក សម រង្ស៊ី
បានជួប ជាមួយ ឧបនាយក រដ្ឋមន្រ្តី និងរដ្ឋមន្រ្តី ក្រសួង មហាផ្ទៃ, លោក ស ខេង,
កាលពីម្សិលមិញ ដើម្បី ស្វែងរក វិធីដោះលែង មន្រ្តីបក្សប្រឆាំង លោក
មាជ សុវណ្ណារ៉ា ដែលកំពុងជាប់ ពន្ធនាគារ។
អនុប្រធាន ទី១ រដ្ឋសភា និងជាអនុប្រធាន គណបក្ស សង្គ្រោះជាតិ លោក កឹម សុខា បានប្រាប់ អ្នកកាសែត នៅវិមាន រដ្ឋសភា ពីម្សិលមិញ ថា, ប្រធាន គណបក្ស សង្គ្រោះជាតិ លោក សម រង្ស៊ី បានជួប ជាមួយ រដ្ឋមន្រ្តី ក្រសួង មហាផ្ទៃ លោក ស ខេង ជាមន្រ្តី ជាន់ខ្ពស់ គណបក្ស ប្រជាជន ពីម្សិលមិញ, ជជែក អំពី ការដោះលែង លោក មាជ សុវណ្ណារ៉ា, តែ នៅមិនទាន់ដឹង ពីលទ្ធផលទេ។
លោក បន្ថែមថា, គណបក្ស ប្រជាជន គឺ ជាអ្នកបំពាន លើកិច្ចសន្យា នយោបាយ ឬកិច្ចព្រមព្រៀង នយោបាយ រវាង គណបក្ស ទាំងពីរ ដែលចុះ ហត្ថលេខា កាលថ្ងៃ ទី២២ កក្កដា។
លោក បន្តថា, កិច្ចព្រមព្រៀង នយោបាយ បានសន្យា ឲ្យមាន ភាពស្ងប់ស្ងាត់ បញ្ចប់រាល់ជម្លោះ, ហើយ ជជែក អំពី កំណែទម្រង់។ តែ ការធ្វើ បែបនេះ គឺ ផ្ទុយ នឹងកិច្ចព្រមព្រៀង ថ្ងៃ ២២ កក្កដា ដែលតាំង ពីនោះមក គណបក្ស សង្គ្រោះជាតិ មិនធ្វើបាតុកម្ម ទៀតទេ។
ពាក់ព័ន្ធ នឹងកំណែទម្រង់ នៃគណៈកម្មាធិការ ជាតិ រៀបចំ ការបោះឆ្នោត (គ.ជ.ប.), លោក កឹម សុខា អំពាវនាវ ឲ្យរដ្ឋាភិបាល របស់លោក នាយករដ្ឋមន្រ្តី ហ៊ុន សែន ដោះលែង លោក សុវណ្ណារ៉ា ជាបន្ទាន់ ដើម្បី ឲ្យដំណើរការ កែទម្រង់ ប្រព្រឹត្តទៅ រលូន។
នៅពេល ទាក់ទង កាលម្សិលមិញ, លោក យឹម សុវណ្ណ អ្នកនាំពាក្យ គណបក្ស សង្គ្រោះជាតិ មិនផ្តល់ អត្ថាធិប្បាយ លម្អិតទេ, តែ បញ្ជាក់ថា, លោក សម រង្ស៊ី និងលោក ស ខេង កំពុង ជជែក អំពី សំណើ ឲ្យមាន ការដោះលែង លោក មាជ សុវណ្ណារ៉ា។
លោក ចាន់ ចេន មេធាវី របស់លោក មាជ សុវណ្ណារ៉ា បញ្ជាក់ ថា, ពីថ្ងៃអង្គារ គាត់ ផ្ញើលិខិត ទៅចៅក្រម ស៊ើបសួរ លោក កែវ មុនី, ហើយ សូម ឲ្យដោះលែង កូនក្តី នៅក្រៅឃុំ, ប៉ុន្តែ មិនមាន ការឆ្លើយតប នៅឡើយ, ហើយ លោក នៅរង់ចាំ ការឆ្លើយតប ៥ថ្ងៃទៀត។
នៅពេល ទាក់ទង កាលម្សិលមិញ, លោកចៅក្រម កែវ មុនី មិនធ្វើ អត្ថាធិប្បាយទេ។
ទន្ទឹមនេះ គណបក្ស សង្គ្រោះជាតិ ក៏ចេញ សេចក្តី ថ្លែងការណ៍ ថ្កោលទោស គណបក្ស ប្រជាជនកម្ពុជា ថា, បានបញ្ជា ឲ្យតុលាការ ចាប់ខ្លួន មន្រ្តីជាន់ខ្ពស់ខ្លួន ដាក់ពន្ធនាគារ, ហើយ ហៅការ ចាប់ខ្លួននេះ ថា, ជាការ រំលោភបំពាន លើកិច្ចព្រមព្រៀង នយោបាយ កាលខែកក្កដា រវាង គណបក្ស ទាំងពីរ។
សេចក្តីថ្លែងការណ៍ បន្តថា៖ «...គណបក្ស សង្គ្រោះជាតិ អំពាវនាវ ឲ្យដោះលែង សកម្មជន គណបក្ស សង្គ្រោះ ជាតិ, ព្រមទាំង សកម្មជន ដីធ្លី ទាំងអស់, ដោយឥត លក្ខខណ្ឌ។»
ទាំងលោក ស ខេង និងអ្នកនាំពាក្យ ក្រសួង មហាផ្ទៃ, លោក ខៀវ សុភ័គ មិនអាច ទាក់ទង សុំអត្ថាធិប្បាយ បានទេ កាលម្សិលមិញ។ ប៉ុន្តែ ក្នុងសេចក្តីថ្លែងការណ៍ របស់ គណបក្ស ប្រជាជនកម្ពុជា ពីម្សិលមិញ ថា, ការឃុំខ្លួន អ្នកទាំងនោះ គឺ ជាចំណាត់ការ តាមផ្លូវច្បាប់ របស់ សមត្ថកិច្ច ក្នុងសំណុំរឿង បទល្មើស របស់ បុគ្គល, មិនទាក់ទង ការអនុវត្ត កិច្ចព្រមព្រៀង បក្សទាំងពីរទេ៕
អនុប្រធាន ទី១ រដ្ឋសភា និងជាអនុប្រធាន គណបក្ស សង្គ្រោះជាតិ លោក កឹម សុខា បានប្រាប់ អ្នកកាសែត នៅវិមាន រដ្ឋសភា ពីម្សិលមិញ ថា, ប្រធាន គណបក្ស សង្គ្រោះជាតិ លោក សម រង្ស៊ី បានជួប ជាមួយ រដ្ឋមន្រ្តី ក្រសួង មហាផ្ទៃ លោក ស ខេង ជាមន្រ្តី ជាន់ខ្ពស់ គណបក្ស ប្រជាជន ពីម្សិលមិញ, ជជែក អំពី ការដោះលែង លោក មាជ សុវណ្ណារ៉ា, តែ នៅមិនទាន់ដឹង ពីលទ្ធផលទេ។
លោក បន្ថែមថា, គណបក្ស ប្រជាជន គឺ ជាអ្នកបំពាន លើកិច្ចសន្យា នយោបាយ ឬកិច្ចព្រមព្រៀង នយោបាយ រវាង គណបក្ស ទាំងពីរ ដែលចុះ ហត្ថលេខា កាលថ្ងៃ ទី២២ កក្កដា។
លោក បន្តថា, កិច្ចព្រមព្រៀង នយោបាយ បានសន្យា ឲ្យមាន ភាពស្ងប់ស្ងាត់ បញ្ចប់រាល់ជម្លោះ, ហើយ ជជែក អំពី កំណែទម្រង់។ តែ ការធ្វើ បែបនេះ គឺ ផ្ទុយ នឹងកិច្ចព្រមព្រៀង ថ្ងៃ ២២ កក្កដា ដែលតាំង ពីនោះមក គណបក្ស សង្គ្រោះជាតិ មិនធ្វើបាតុកម្ម ទៀតទេ។
ពាក់ព័ន្ធ នឹងកំណែទម្រង់ នៃគណៈកម្មាធិការ ជាតិ រៀបចំ ការបោះឆ្នោត (គ.ជ.ប.), លោក កឹម សុខា អំពាវនាវ ឲ្យរដ្ឋាភិបាល របស់លោក នាយករដ្ឋមន្រ្តី ហ៊ុន សែន ដោះលែង លោក សុវណ្ណារ៉ា ជាបន្ទាន់ ដើម្បី ឲ្យដំណើរការ កែទម្រង់ ប្រព្រឹត្តទៅ រលូន។
នៅពេល ទាក់ទង កាលម្សិលមិញ, លោក យឹម សុវណ្ណ អ្នកនាំពាក្យ គណបក្ស សង្គ្រោះជាតិ មិនផ្តល់ អត្ថាធិប្បាយ លម្អិតទេ, តែ បញ្ជាក់ថា, លោក សម រង្ស៊ី និងលោក ស ខេង កំពុង ជជែក អំពី សំណើ ឲ្យមាន ការដោះលែង លោក មាជ សុវណ្ណារ៉ា។
លោក ចាន់ ចេន មេធាវី របស់លោក មាជ សុវណ្ណារ៉ា បញ្ជាក់ ថា, ពីថ្ងៃអង្គារ គាត់ ផ្ញើលិខិត ទៅចៅក្រម ស៊ើបសួរ លោក កែវ មុនី, ហើយ សូម ឲ្យដោះលែង កូនក្តី នៅក្រៅឃុំ, ប៉ុន្តែ មិនមាន ការឆ្លើយតប នៅឡើយ, ហើយ លោក នៅរង់ចាំ ការឆ្លើយតប ៥ថ្ងៃទៀត។
នៅពេល ទាក់ទង កាលម្សិលមិញ, លោកចៅក្រម កែវ មុនី មិនធ្វើ អត្ថាធិប្បាយទេ។
ទន្ទឹមនេះ គណបក្ស សង្គ្រោះជាតិ ក៏ចេញ សេចក្តី ថ្លែងការណ៍ ថ្កោលទោស គណបក្ស ប្រជាជនកម្ពុជា ថា, បានបញ្ជា ឲ្យតុលាការ ចាប់ខ្លួន មន្រ្តីជាន់ខ្ពស់ខ្លួន ដាក់ពន្ធនាគារ, ហើយ ហៅការ ចាប់ខ្លួននេះ ថា, ជាការ រំលោភបំពាន លើកិច្ចព្រមព្រៀង នយោបាយ កាលខែកក្កដា រវាង គណបក្ស ទាំងពីរ។
សេចក្តីថ្លែងការណ៍ បន្តថា៖ «...គណបក្ស សង្គ្រោះជាតិ អំពាវនាវ ឲ្យដោះលែង សកម្មជន គណបក្ស សង្គ្រោះ ជាតិ, ព្រមទាំង សកម្មជន ដីធ្លី ទាំងអស់, ដោយឥត លក្ខខណ្ឌ។»
ទាំងលោក ស ខេង និងអ្នកនាំពាក្យ ក្រសួង មហាផ្ទៃ, លោក ខៀវ សុភ័គ មិនអាច ទាក់ទង សុំអត្ថាធិប្បាយ បានទេ កាលម្សិលមិញ។ ប៉ុន្តែ ក្នុងសេចក្តីថ្លែងការណ៍ របស់ គណបក្ស ប្រជាជនកម្ពុជា ពីម្សិលមិញ ថា, ការឃុំខ្លួន អ្នកទាំងនោះ គឺ ជាចំណាត់ការ តាមផ្លូវច្បាប់ របស់ សមត្ថកិច្ច ក្នុងសំណុំរឿង បទល្មើស របស់ បុគ្គល, មិនទាក់ទង ការអនុវត្ត កិច្ចព្រមព្រៀង បក្សទាំងពីរទេ៕
No comments:
Post a Comment