Paris Peace Accords 23 Oct. 1991

Saturday, December 27, 2014

ក្រុម​ការងារ​ ចរចា​ បក្ស​ទាំង​ពីរ​ ខ្វែង​គំនិត​គ្នា​ ត្រង់​ឯកសារ​ បញ្ជាក់ ​អត្តសញ្ញាណ​ បោះ​ឆ្នោត | Party members of working group disagree on what documents can be used at voter ID

ក្រុម​ការងារ​ ចរចា​ បក្ស​ទាំង​ពីរ​ ខ្វែង​គំនិត​គ្នា​ ត្រង់​ឯកសារ​ បញ្ជាក់ ​អត្តសញ្ញាណ​ បោះ​ឆ្នោត

RFA / ​វិទ្យុ ​អាស៊ី សេរី | ២៦ ធ្នូ ២០១៤

ប៊ិន ឈិន គួយ ប៊ុនរឿន ៦២០
ប្រធាន ​ក្រុម​ចរចា​ គណបក្ស​ ប្រជាជន​កម្ពុជា លោក ប៊ិន ឈិន (ឆ្វេង) និង​ប្រធាន​ ក្រុម​ចរចា​ គណបក្ស​ ប្រឆាំង លោក គួយ ប៊ុនរឿន (ស្ដាំ) ផ្ដល់​បទសម្ភាសន៍ ​ដល់​អ្នក​កាសែត បន្ទាប់​ ពី​កិច្ច​ប្រជុំ ​ស្ដីពី​ ការ​កែ​ទម្រង់​ច្បាប់​ បោះ​ឆ្នោត នា​វិមាន​ រដ្ឋសភា នៅ​ថ្ងៃ​ ទី​២៦ ខែ​ធ្នូ ឆ្នាំ​២០១៤។  RFA/Vann Vichar

ក្រុម​ការងារ​ ចរចា​ គណបក្ស​ ទាំង​ពីរ ខ្វែង​គំនិត​គ្នា​ ត្រង់​ឯកសារ​ បញ្ជាក់​ អត្តសញ្ញាណ ​បម្រើ​ ឲ្យ​ការ​បោះ​ឆ្នោត។  ទំនាស់​នេះ កើត​ឡើង ​ក្នុង​កិច្ច​ប្រជុំ​ ស្ដីពី ​ការ​កែ​ទម្រង់​ ច្បាប់​បោះ​ឆ្នោត របស់​ ក្រុម​ការងារ ចរចា ​រវាង ​គណបក្ស​ ទាំង​ពីរ នា​រសៀល​ថ្ងៃ ​ទី​២៦ ខែ​ធ្នូ នៅ​វិមាន ​រដ្ឋសភា។

គណបក្ស​ ប្រឆាំង ចង់​ ឲ្យ​អ្នក​បោះ​ឆ្នោត​ ប្រើ​ប័ណ្ណ​បោះ​ឆ្នោត ​ដូច​សម័យ ​អ៊ុនតាក់ (UNTAC) ខណៈ​ ដែល​បក្ស​ កាន់​អំណាច មាន​បំណង ​ឲ្យ​អ្នក​បោះ​ឆ្នោត ​ប្រើប្រាស់​ ឯកសារ​ បញ្ជាក់ ​អត្តសញ្ញាណ​ ដូច​ការ​ បោះ​ឆ្នោត​ លើក​មុនៗ។


បន្ទាប់​ ពី​កិច្ច​ប្រជុំ ដំណើរ​ការ​ អស់​រយៈពេល​ ជាង ១​ម៉ោង ​រួច​មក, ក្រុម​ការងារ​ ចរចា​ គណបក្ស​ ទាំង​ពីរ មិន​កៀក​ដៃ​គ្នា​ ដើរ ​រក​អ្នក​កាសែត​ ដូច​ពេល ​មុនៗ​ទេ។   ប្រធាន​ ក្រុម​ចរចា​ គណបក្ស​ប្រជាជន​ កម្ពុជា លោក ប៊ិន ឈិន បន្ត​ ជជែក​គ្នា​ ជាមួយ​ សមាជិក​ របស់​ខ្លួន ​ពី​រឿងរ៉ាវ ​ដែល​កើត​មាន ​នៅ​ក្នុង​ ពេល​ប្រជុំ។  ចំណែក​ឯ​មន្ត្រី​គណបក្ស​សង្គ្រោះ​ជាតិ អ្នក​ខ្លះ​ដើរ​ចេញ​ពី​កន្លែង​ប្រជុំ​ទៅ​ផ្ទះ​មុន ហើយ​មាន​តែ លោក គួយ ប៊ុនរឿន ម្នាក់​ប៉ុណ្ណោះ ដែល​ងើប​មក​ផ្តល់​បទសម្ភាសន៍​ឲ្យ​អ្នក​កាសែត។

ប្រធាន ​ក្រុម​ចរចា ​គណបក្ស​ប្រឆាំង លោក គួយ ប៊ុនរឿន មាន​ប្រសាសន៍​ ថា, គណបក្ស​ សង្គ្រោះ​ជាតិ ចង់​ឲ្យ​ អ្នក​បោះ​ឆ្នោត​ ទាំងអស់ អាច​បោះ​ឆ្នោត​បាន​ ដោយ​ប្រើ ​អត្តសញ្ញាណ ​តែ​មួយ ដើម្បី ​ទប់ស្កាត់​ បញ្ហា​ ដែល​កើត ​មាន​ឡើង​ ដូច​ការ​បោះ​ឆ្នោត ​នា​ពេល​ កន្លង​ទៅ។  លោក​ បន្ត​ថា, ការ​ប្រើប្រាស់ ​ប័ណ្ណ​បោះ​ឆ្នោត​ ដោយ​ឡែក នឹង​អាច​ ការពារ​ បញ្ហា​បាន​ច្រើន ដូចជា​ ការ​បាត់​ឈ្មោះ, ខុស​ឈ្មោះ, ហើយ​ អាជ្ញាធរ​ មូលដ្ឋាន​ ក៏​មិន​អាច​ បញ្ជាក់​ អត្តសញ្ញាណ​ ឲ្យ​អ្នក​បោះ​ឆ្នោត​ ស្រេច​តែ ​នឹង​ចិត្ត​ នោះ​ដែរ។

ឆ្លើយ​តប​ នឹង​បញ្ហា​នេះ, ប្រធាន ​ក្រុម​ចរចា​ គណបក្ស ប្រជាជន​ កម្ពុជា លោក ប៊ិន ឈិន លើក​ឡើង​ ថា, គណបក្ស​ ប្រជាជន​ កម្ពុជា ប្ដេជ្ញា​ធ្វើ​ យ៉ាង​ណា ​ឲ្យ​ពលរដ្ឋ​ ខ្មែរ​ គ្រប់​រូប ​មាន​អត្តសញ្ញាណប័ណ្ណ​ ប្រើប្រាស់​ គ្រប់ៗ​គ្នា​ មុន​ឆ្នាំ​២០១៧ ដើម្បី​ ងាយ​ស្រួល​ យក​ទៅ​ បោះ​ឆ្នោត​ ឃុំ​-សង្កាត់ និង​បោះ​ឆ្នោត ​តំណាង​រាស្ត្រ​ នា​ពេល​ ខាង​មុខ។  លោក​ បញ្ជាក់​ថា, បើ​សិន​ជា​ ធ្វើ​ប័ណ្ណ បោះ​ឆ្នោត​នោះ ក៏​នៅ​តែ​ មាន​បញ្ហា ​ដូច​គ្នា​ ដដែល, ហើយ​ ដំណោះស្រាយ ​ចុង​ក្រោយ ក៏​នៅ​តែ​ តម្រូវ​ ឲ្យ​អាជ្ញាធរ​ មូលដ្ឋាន​ ចុះ​បញ្ជាក់ ​អត្តសញ្ញាណ​ ឲ្យ​អ្នក​បោះ​ឆ្នោត ​ដោយ​ជៀស​ មិន​រួច។

ទោះ​ ជា​យ៉ាង​ណា​ក្តី សមាជិក​ សម្ព័ន្ធ​កែ​ទម្រង់ ការ​បោះ​ឆ្នោត (ហៅ​កាត់​ ថា អ៊ឺរ៉ា, ERA) លោក យង់ គិមអេង លើក​ឡើង​ ថា, គណបក្ស​ ទាំង​ពីរ ​ត្រូវ​តែ ​បើក​ចំហ​ ឲ្យ​មាន ​ការ​ចូលរួម​ ឲ្យ​បាន​ ទូលំទូលាយ​ ជាង​នេះ ទើប ​ធ្វើ​ឲ្យ​ច្បាប់ ​ថ្មី​នោះ​ អាច​ទទួល​ យក​បាន ​ពី​គ្រប់​មជ្ឈដ្ឋាន។  លោក​ បញ្ជាក់​ថា, គណបក្ស ​ទាំង​ពីរ​ កំពុង​ បិទ​ទ្វារ ​ចរចា ​រក​ប្រយោជន៍​ រៀងៗ​ខ្លួន​ប៉ុណ្ណោះ, បើ ទោះ​ជា​ ខ្វែង​គំនិត​គ្នា ឬ​ត្រូវរ៉ូវ​គ្នា​ ក៏ដោយ។

ទោះ​យ៉ាង​ណា​ក៏ដោយ បំណង​របស់​បក្ស​ប្រឆាំង​ដែល​ចង់​ឲ្យ​អ្នក​បោះ​ឆ្នោត​ប្រើ​ប័ណ្ណ​បោះ​ឆ្នោត​ ដូច​សម័យ​អ៊ុនតាក់​នោះ ក៏​ដូច​នឹង​សេចក្តី​ព្រាង​ច្បាប់​របស់​សម្ព័ន្ធ​កែ​ទម្រង់​ការ​បោះ​ឆ្នោត​ ដែរ។ មក​ដល់​ពេល​នេះ គណបក្ស​ទាំង​ពីរ​ចរចា​គ្នា​លើ​ការ​ធ្វើ​វិសោធនកម្ម​ច្បាប់​បោះ​ឆ្នោត​ត្រង់​ ជំពូក​ទី​៦ ដែល​និយាយ​ពី​បញ្ហា​សំខាន់ៗ​មួយ​ចំនួន ដូចជា​អ្នក​ទទួល​ខុស​ត្រូវ​ក្នុង​ការ​ចុះ​ឈ្មោះ​បោះ​ឆ្នោត របៀប​ចុះ​ឈ្មោះ ការ​រៀបចំ​បញ្ជី​ឈ្មោះ​បោះ​ឆ្នោត និង​ឯកសារ​សម្គាល់​អត្តសញ្ញាណ​បម្រើ​ឲ្យ​ការ​បោះ​ឆ្នោត ជាដើម។

ប្រធាន​ក្រុម​ចរចា​គណបក្ស​ទាំង​ពីរ​សន្យា​ថា នៅ​ពេល​ចរចា​គ្នា​រួច​រាល់ នឹង​ធ្វើ​សិក្ខា​សាលា​មួយ​ផ្សព្វផ្សាយ​ពី​សេចក្តី​ព្រាង​ច្បាប់​ទាំង​នេះ ដើម្បី​ស្នើសុំ​យោបល់​ពី​សង្គម​ស៊ីវិល និង​ផ្នែក​ពាក់ព័ន្ធ។ ភាគី​ទាំង​ពីរ នឹង​បន្ត​ចរចា​គ្នា​ទៀត​នៅ​ថ្ងៃ​សុក្រ សប្ដាហ៍​ក្រោយ៕


3 comments:

  1. If both of them parties are really and truly looking out for the Cambodian/People's interests [and not be subservient to the Viet/YUON's], would there be this kind of nonsensical bickering or brick wall mounting?

    Please tell me, Ms. Theary Séng, please?

    . [DoT]

    ReplyDelete
  2. Anonymous6:41 AM

    not being subservient to***

    ReplyDelete
  3. CPP intention is to get youn to vote so they can win easily.

    ReplyDelete