លោកស្រី ពុង ឈីវកេក បដិសេធ តំណែងសមាជិក ទី៩ នៃគ.ជ.ប. ថ្មី
លោកស្រី
ពុង ឈីវកេក នាយិកា អង្គការ លីកាដូ
នៅព្រឹក ថ្ងៃអង្គារ ទី៣១ មីនានេះ
បានបដិសេធ ជាផ្លូវការ ក្នុងការទទួលយក តំណែង ជាសមាជិក ទី៩
នៃគណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ថ្មី។
ការមិនទទួលយក តំណែងនេះ
ត្រូវ បានលោកស្រី នាយិកា អង្គការ លីកាដូ បញ្ជាក់ថា,
ដោយសារតែ គណៈកម្មាធិការ ជាតិ រៀបចំ ការបោះឆ្នោតថ្មីនេះ
មិនអាច ធានា ថា, អនុវត្តការងារ ប្រកបដោយ ឯករាជ្យ
និងអព្យាក្រិត។
គឺ នៅក្នុងសេចក្តី ថ្លែងការណ៍មួយ នៅព្រឹក ថ្ងៃអង្គារនេះ លោកស្រី ពុង ឈីវកេក នាយិកា អង្គការ លីកាដូ បានសម្រេច បដិសេធ ចោលតំណែង ជាសមាជិក ទី៩ នៃគណៈកម្មាធិការ ជាតិ រៀបចំ ការបោះឆ្នោតថ្មី។ លោកស្រី ពុង ឈីវកេក បានលើកឡើង ថា, មូលហេតុ ដែលលោកស្រី មិនអាច ទទួលយកតំណែងនេះបាន ព្រោះថា, គណៈកម្មាធិការ ជាតិ រៀបចំ ការបោះឆ្នោត ថ្មីនេះ មិនអាច ធានាថា, អនុវត្តការងារ ប្រកបដោយ ឯករាជ្យ និងអព្យាក្រិត។
ក្រៅពីហេតុផល ទាំងនេះ បញ្ហាកំណត់សញ្ជាតិនៅក្នុងច្បាប់ស្តីពីការរៀបចំ និងប្រព្រឹត្តទៅនៃគណៈកម្មាធិការជាតិរៀបចំការបោះឆ្នោតថ្មី ក៏ជាហេតុផលមួយទៀតនៃការសម្រេចបដិសេធចោលនូវតំណែងនេះរបស់លោកស្រី ពុង ឈីវកេកផងដែរ។ ក្នុងច្បាប់នោះ គណបក្សទាំងពីរបានកំណត់ឲ្យសមាជិកគ.ជ.បត្រូវមានតែសញ្ជាតិខ្មែរតែមួយ ក៏ប៉ុន្តែលោកស្រីពុង ឈីវកេក មានសញ្ជាតិបរទេសដល់ទៅពីរឯណោះ។
សូមរំលឹកជូនថា តំណែងឯករាជ្យក្នុងឋានៈជាសមាជិកទី៩នៃគណៈកម្មាធិការជាតិរៀបចំ ការបោះឆ្នោតថ្មីនេះ គឺគណបក្សប្រជាជនកម្ពុជា និងគណបក្សសង្គ្រោះជាតិ បានសម្រេចស្នើសុំលោកស្រីពុង ឈីវកេក តាមរយៈលិខិតជាលាយលក្ខណ៍អក្សរដាច់ដោយឡែកពីគ្នាផ្ញើទៅកាន់ លោកស្រី កាលពីថ្ងៃទី២៨ កក្កដាឆ្នាំ២០១៤។ ភា្លមៗ លោកស្រីបានយល់ព្រមទទួលយកតំណែងនេះ តែមានលក្ខខណ្ឌដោយតម្រូវឲ្យគ.ជ.បថ្មីត្រូវធានាថា អនុវត្តការងាររបស់ខ្លួនប្រកបដោយ ឯករាជ្យ និងអព្យាក្រិត។ ប៉ុន្តែគ.ជ.បថ្មីនេះ គឺខុសពីអ្វីដែលលោកស្រីពុង ឈីវកេក បានទាមទារទើបធ្វើឲ្យលោកស្រីសម្រេចមិនទទួលយកតំណែងនេះតែម្តង។
ចំពោះការសម្រេចចិត្តរបស់លោកស្រីពុង ឈីវកេកនេះ លោកយ៉ែម ប៉ុញ្ញរិទ្ធ អ្នកនាំពាក្យគណបក្សសង្គ្រោះជាតិ បានសម្តែងការសោកស្តាយ ហើយលោកថា គណបក្សសង្គ្រោះជាតិមកដល់ពេលនេះនៅតែសុំឲ្យលោកស្រីធ្វើការពិចារណា ឡើងវិញចំពោះការបដិសេធមិនទទួលយកតំណែងនេះ។
ផ្ទុយទៅវិញ លោកឈឹម ផលវរុណ អ្នកនាំពាក្យគណបក្សប្រជាជនកម្ពុជា បានលើកឡើងថា គណបក្សប្រជាជនកម្ពុជាគោរពតាមការសម្រេចចិត្តរបស់លោកស្រី។ អ្នកនាំពាក្យរូបនេះ បានបញ្ជាក់ថា ទោះបីលោកស្រីពុង ឈីវកេកបដិសេធតំណែងនេះក៏ដោយ ប៉ុន្តែវានឹងមិនរាំងស្ទះដល់ដំណើរការជ្រើសរើសសមាភាពគ.ជ.បថ្មី នោះឡើយ។ យ៉ាងណាក៏ដោយ បើតាមលោកឈឹម ផលវរុណ បេក្ខភាពសមាជិកទី៩ថ្មី នៃគណៈកម្មាជាតិរៀបចំការបោះឆ្នោតដែលជំនួសលោកស្រីពុង ឈីវកេកនោះ នឹងត្រូវគណបក្សទាំងពីរប្រកាសឲ្យ ដឹងក្នុង ពេល ឆាប់ ៗខាង មុខ នេះ៕
No comments:
Post a Comment