លោក ហ៊ុន សែន គំរាម ចាត់ការ បក្សប្រឆាំង តាមផ្លូវច្បាប់ បើ មិនបង្ហាញ ផែនទី មកផ្ទៀងផ្ទាត់
RFA / វិទ្យុ អាស៊ី សេរី | ៣ សីហា ២០១៥
លោកនាយករដ្ឋមន្ត្រី ហ៊ុន សែន
ថ្លែងក្នុងថ្ងៃសម្ពោធបើកការដ្ឋានសាងសង់ស្ពានអាកាសស្តុបតិចណូ
រាជធានីភ្នំពេញ នៅថ្ងៃទី៩ ខែកញ្ញា ឆ្នាំ២០១៤។ RFA/Van Vichar
លោក នាយករដ្ឋមន្ត្រី ហ៊ុន សែន
គំរាម បក្សប្រឆាំង ឲ្យបង្ហាញ ផែនទី របស់ខ្លួន
ដែលទិញ ពីបរទេស ដើម្បី ផ្ទៀងផ្ទាត់ ជាមួយ រដ្ឋាភិបាល។
បើ ពុំដូច្នោះទេ លោក នឹងចាត់ការ តាមផ្លូវច្បាប់។
លោក ហ៊ុន សែន គំរាម ដូច្នេះ ក្នុងពិធី សម្ពោធ ស្ពាន មិត្តភាព កម្ពុជា-ចិន (ព្រែក សំរោង, តាខ្មៅ) ឆ្លងកាត់ ទន្លេ បាសាក់ នៅថ្ងៃ ទី៣ សីហា។លោកបន្តថា រដ្ឋាភិបាលនឹងចំណាយគ្រប់យ៉ាងដើម្បីបានផែនទីដើម្បីបញ្ជាក់ឲ្យ ច្បាស់។ ហើយបញ្ហាផែនទីនេះ លោក ហ៊ុន សែន បន្តថា បើបក្សប្រឆាំងមានផែនទីពិត សុំថ្វាយព្រះមហាក្សត្រ ឬរាជបណ្ឌិត្យសភា បើមិនចង់ប្រគល់ឲ្យលោកផ្ទាល់ ប៉ុន្តែបើអ្នកចោទមិនហ៊ានបង្ហាញការពិត អ្នកនោះជាអ្នកភូតភរបោកប្រាស់ពិតប្រាកដ។
កន្លងទៅប្រមុខរដ្ឋាភិបាលបានស្នើទៅអង្គការសហប្រជាជាតិ និងប្រទេសមហាអំណាចលោកខាងលិចចំនួន៣ សុំយកផែនទីកម្ពុជា ដែលតម្កល់កាលពីឆ្នាំ១៩៦៤ ដើម្បីមកផ្ទៀងផ្ទាត់នឹងផែនទីដែលរដ្ឋាភិបាលប្រើប្រាស់កំណត់ បង្គោលព្រំដែនជាមួយប្រទេសជិតខាងនាពេលបច្ចុប្បន្ន។
បញ្ហាផែនទីត្រូវបានតំណាងរាស្ត្របក្សសង្គ្រោះជាតិ ចោទរដ្ឋាភិបាលប្រើប្រាស់កំណត់បង្គោលជាមួយប្រទេសវៀតណាម ដែលគូសដោយភាគីវៀតណាម ដោយមិនបានប្រើប្រាស់តាមផែនទីបោន ១/១០០.០០០ ដែលសម្ដេច សីហនុ តម្កល់នៅអង្គការសហប្រជាជាតិកាលពីឆ្នាំ១៩៦៤ឡើយ។
បញ្ហាព្រំដែនជាមួយវៀតណាមនៅពេលបច្ចុប្បន្នបានកក្រើកឡើង វិញ បន្ទាប់ពីបក្សប្រឆាំងដឹកនាំយុវជនមួយចំនួន ចុះទៅមើលបង្គោលព្រំដែន ដែលសង្ស័យថាវៀតណាមបោះបង្គោលចូលដីខ្មែរ និងរហូតដល់មានអំពើហិង្សារវាងពលរដ្ឋវៀតណាម និងខ្មែរទៀតផង។
No comments:
Post a Comment