តុលាការ សម្រេចឃុំ ជនសង្ស័យ គំរាមសម្លាប់ លោក សុខ ទូច នៅគុក ព្រៃ ស
RFA / វិទ្យុ អាស៊ី សេរី | ៧ កញ្ញា ២០១៥
យុវជន ផង់ សីហា ជនសង្ស័យគំរាមសម្លាប់ លោកបណ្ឌិត សុខ ទូច
តាមហ្វេសប៊ុក ពេលបញ្ជូនចេញពីសាលាដំបូងរាជធានីភ្នំពេញ នៅថ្ងៃទី៧
ខែកញ្ញា ឆ្នាំ២០១៥។ RFA/Brach Chev
សមត្ថកិច្ច បានបញ្ជូនខ្លួន ជនសង្ស័យ ដែលគំរាមសម្លាប់ លោកបណ្ឌិត សុខ ទូច ទៅឃុំខ្លួន បណ្ដោះអាសន្ន នៅពន្ធនាគារ ព្រៃ ស ក្រោយ ពីព្រះរាជអាជ្ញា អមសាលាដំបូង រាជធានីភ្នំពេញ សាកសួរ ដេញដោល នៅថ្ងៃ ទី៧ ខែកញ្ញា នេះ។ មន្ត្រីសង្គមស៊ីវិល ស្នើឲ្យ តុលាការ ពិនិត្យ ឲ្យច្បាស់លាស់ មុន នឹងធ្វើការ ចោទប្រកាន់។
ឆ្លើយ នឹងសំណួរ របស់ អ្នកសារព័ត៌មាន ក្រោយការ សាកសួរ ជនសង្ស័យ ដែលគំរាមសម្លាប់ លោកបណ្ឌិត សុខ ទូច និយាយយ៉ាងខ្លី ថា, ការគំរាមនេះ គឺ គេ ធ្វើឡើង ដោយខ្លួនឯង, មិនបានធ្វើ តាមអ្នកណា បញ្ជា ឬនៅពីក្រោយ ឡើយ។
ជនសង្ស័យ ផង់ សីហា ដែលមានសម្បុរខ្មៅ សក់វែងគ្របត្រចៀក ត្រូវសមត្ថកិច្ចចាប់ខ្លួនកាលពីល្ងាចថ្ងៃទី៥ ខែកញ្ញា នៅច្រកព្រំដែនប៉ោយប៉ែត ក្នុងពេលដែលខ្លួនឆ្លងដែនពីប្រទេសថៃ មកកម្ពុជា។
វិទ្យុអាស៊ីសេរី មិនអាចសុំ ការអត្ថាធិប្បាយពីលោកព្រះរាជអាជ្ញា សៀង សុខ ដែលជាអ្នកសាកសួរជនសង្ស័យ ផង់ សីហា បានទេ នៅថ្ងៃទី៧ ខែកញ្ញា។ កាលពីថ្ងៃទី២៩ ខែសីហា លោក សុខ ទូច ត្រូវបានអ្នកលេងហ្វេសប៊ុក (Facebook) ម្នាក់សរសេរគំរាមសម្លាប់ ដោយចោទប្រកាន់ថា លោកលក់ក្បាលឲ្យវៀតណាម ក្នុងរឿងព្រំដែន។
មន្ត្រីជាន់ខ្ពស់នៃអង្គការសិទ្ធិមនុស្សលីកាដូ (LICADHO) លោក អំ សំអាត ស្វាគមន៍ចំណាត់របស់សមត្ថកិច្ច និងតុលាការលើរឿងនេះ ហើយស្នើព្រះរាជអាជ្ញាសិក្សាស្រាវជ្រាវឲ្យបានគ្រប់ជ្រុងជ្រោយ មុនធ្វើការចោទប្រកាន់។ ប៉ុន្តែមន្ត្រីសង្គមស៊ីវិលដដែល មិនទាន់ឯកភាពលើប្រសិទ្ធភាពការងាររបស់សមត្ថកិច្ចទេ ព្រោះថា ការគំរាមនេះ គឺប្រហាក់ប្រហែលគ្នានឹងការគំរាមសម្លាប់អនុប្រធានគណបក្សសង្គ្រោះ ជាតិ លោក កឹម សុខា ហើយមិនទាន់ឃើញសមត្ថកិច្ចចាប់ខ្លួនល្មើសបាននៅឡើយ។
ក្រោយសមត្ថកិច្ចបានបញ្ជូន ជនសង្ស័យ ផង់ សីហា បានសារភាពថា សារគំរាមសម្លាប់នោះ គេជាអ្នកធ្វើ និងបង្ហោះសារដោយប្រើតាមទូរស័ព្ទដៃ។
ប្រធានក្រុមស្រាវជ្រាវកិច្ចការព្រំដែននៃរាជបណ្ឌិត្យសភា លោកបណ្ឌិត សុខ ទូច និយាយថា លោកមិនដាក់ពាក្យជនសង្ស័យរូបនេះទេ ដូច្នេះទុកតុលាការ ឬសមត្ថកិច្ចធ្វើការងារនេះតាមនីតិវិធី។ ទោះបែបនេះក្តី លោកបណ្ឌិត សុខ ទូច ចង់ឲ្យយុវជនដែលគំរាមសម្លាប់ ស្រលាញ់ជីវិតអ្នកដទៃដូចជីវិតរបស់ខ្លួន មិនមែនខឹងលោកបន្តិចបន្តួចមកគំរាមសម្លាប់នោះទេ។
ជុំវិញចំណាត់របស់សមត្ថកិច្ចទៅលើជនសង្ស័យគំរាមសម្លាប់លោក សុខ ទូច មន្ត្រីសង្គមស៊ីវិល និងមន្ត្រីគណបក្សប្រឆាំងរិះគន់សមត្ថកិច្ចថា ចាត់វិធានការបានលើតែអ្នកដែលគំរាមសម្លាប់មន្ត្រីរដ្ឋាភិបាល ប៉ុន្តែអ្នកគំរាមសម្លាប់មន្ត្រីបក្សប្រឆាំង មិនឃើញមានចំណាត់ការ ឬការស៊ើបអង្កេតច្បាស់លាស់ឡើយ៕
គួរឲ្យសើច ទេបងប្អូន ? អ្នកដែលចោទថាចង់សម្លាប់ លោក សុខ ទូច ត្រូវចាប់ចងដាក់ គុក បែបគ្មានថ្ងៃចេញទេ ឯអ្នកដែលបាញ់សម្លាប់ នៅផ្លូវ វេងស្រេង នឹងក្បាលថ្នល់ ត្រូវបានរួចខ្លួន គឺឥតមានទោស បានជាសើចព្រោះវាត្រឹមត្រូវអីម្លេះទេ នេះហើយច្បាប់ស្រុកខ្មែរ ។តែកាលពីមុនដូចឃើញគេចង់សម្លាប់លោក កែមសុខា តែដូចគ្មានឃើញថាចាប់អ្នកណាមកដាក់គុកឯណា? ចុះនេះជាអ្វីទៅ? ហា ហា ហា ហា
ReplyDeleteRe: គួរឲ្យសើច ទេបងប្អូន? .....
ReplyDeleteមឹនមែនគួរឲ្យសើចទេ...គឺគួរឲ្យឈឺចាប់ណាស់ បើ យើងមានសាច់ឈាមជាខ្មែរ! ហ៊ុនសែន កំពុងតែសំលាប់បំផុតពូជខ្មែរ!!! យើងជាខ្មែរ យើងត្រូវ តែដឹងថា យើងទាំងអស់គ្នា ត្រូូវធ្វើដូចម្ដេចហើយ!!!