ពលរដ្ឋ នៅតំបន់ ព្រំដែន ខេត្ត ស្វាយរៀង បដិសេធ មិនបានប្ដឹង តំណាងរាស្ត្រ បក្សប្រឆាំង
RFA / វិទ្យុ អាស៊ី សេរី | ៨ កញ្ញា ២០១៥
ក្រុមតំណាងរាស្ត្រ និងពលរដ្ឋខ្មែរ
ចុះពិនិត្យព្រំដែនពិនិត្យព្រំដែននៅចំណុចភូមិធ្លក ឃុំត្នោត
ស្រុកកំពង់រោទិ៍ ក្នុងខេត្តស្វាយរៀង នៅថ្ងៃទី២៨ ខែមិថុនា
ឆ្នាំ២០១៥។ Photo Provided
ប្រជាពលរដ្ឋ នៅតំបន់ព្រំដែន ខេត្ត ស្វាយរៀង ជាប់ប្រទេស វៀតណាម បដិសេធ ថា, ខ្លួន មិនមែន ជាដើមបណ្ដឹងប្ដឹង តំណាងរាស្ត្រ បក្សប្រឆាំង និងប្រធាន សមាគមខ្មែរ កម្ពុជាក្រោម ដូចនៅក្នុង ដីកាកោះ របស់ តុលាការ ខេត្ត ស្វាយរៀង នោះទេ។
ចំណែក មន្ត្រី សិទ្ធិមនុស្ស ចាត់ទុក ករណីនេះ ថា, ជារឿងចម្លែក មួយ ដែលដើមបណ្ដឹង មិនបានដឹងខ្លួន ទាល់តែសោះ តែ មានឈ្មោះ ក្នុងដីកាកោះ ក្នុងនាម ជាដើមបណ្ដឹង ឲ្យចូលទៅបំភ្លឺ នៅ តុលាការ ទៅវិញ។
សាលាដំបូងខេត្តស្វាយរៀង នៅថ្ងៃទី៨ កញ្ញា បានសាកសួរមនុស្ស ៤នាក់ទាក់ទងការប៉ះទង្គិចគ្នារវាងពលរដ្ឋខ្មែរ និងវៀតណាម នៅតំបន់ព្រំដែនកាលពីចុងខែមិថុនា កន្លងទៅ ដោយមានជាប់ពាក់ព័ន្ធនឹងតំណាងរាស្ត្របក្សប្រឆាំង ២រូប និងប្រធានសមាគមខ្មែរក្រោមមួយរូបផង។ អ្នកទាំង ៤នាក់នោះ មានប្រជាពលរដ្ឋ ២រូប តំណាងអាជ្ញាធរមូលដ្ឋានពីររូប។
ក្នុងដីកាចំនួនពីរដែលវិទ្យុអាស៊ីសេរី ទទួលបានបង្ហាញថា ព្រះរាជអាជ្ញារង លោក អ៊ង រី តំណាងអយ្យការអមសាលាដំបូងខេត្តស្វាយរៀង កោះហៅឈ្មោះ សឿង ហ៊ុំ ក្នុងនាមជាដើមបណ្ដឹង និងឈ្មោះ សឿង ភារម្យ ក្នុងនាមជាសាក្សី។ អ្នកទាំងពីរត្រូវចូលបំភ្លឺនៅព្រឹកថ្ងៃទី៨ កញ្ញា ពីដំណើររឿងឈ្មោះ រៀល ខេមរិន្ទ្រ អ៊ុំ សំអាន ថាច់ សេដ្ឋា ដែលបានចុះទៅមើលបង្គោលព្រំដែនស្ថិតនៅភូមិធ្លកថ្មី ឃុំត្នោត ស្រុកកំពង់រោទិ៍ ខេត្តស្វាយរៀង កាលពីថ្ងៃទី២៨ ខែមិថុនា ឆ្នាំ២០១៥។
ទាក់ទងករណីនេះ លោកស្រី សឿង ហ៊ុំ ដែលមានឈ្មោះក្នុងដីកាកោះក្នុងនាមជាដើមបណ្ដឹងនោះ បានថ្លែងបដិសេធថា គាត់មិនដែលបានប្ដឹងអ្នកណាម្នាក់នោះទេ។
មន្ត្រីសម្របសម្រួលនៃអង្គការសិទ្ធិមនុស្សអាដហុក (ADHOC) ប្រចាំខេត្តស្វាយរៀង លោក នុត បូពិណ្ណារ័ត្ន ដែលឃ្លាំមើលរឿងនេះ កំពុងមានការងឿងឆ្ងល់ចំពោះការចេញដីកានេះ ហើយចាត់ទុកជាដីកាចម្លែកមួយ ដោយសារដើមបណ្ដឹងមិនបានដឹងខ្លួនទាល់តែសោះ ហើយបង្ហាញឈ្មោះអ្នកពាក់ព័ន្ធ តែមិនបង្ហាញពីបទល្មើសណាមួយដែលត្រូវចោទនោះទេ។
ចំណែកតំណាងរាស្ត្រគណបក្សប្រឆាំង លោក អ៊ុំ សំអាន មានឈ្មោះក្នុងដីកាក្នុងចំណោមឈ្មោះទាំង ៣នាក់នោះ បានថ្លែងថា ករណីនេះ គឺជារូបភាពគំរាមកំហែងមួយដល់អ្នកតំណាងរាស្ត្របក្សប្រឆាំង ប្រជាពលរដ្ឋ និងអ្នកដទៃទៀត ដែលតែងតែឈឺឆ្អាលទៅលើបញ្ហាការរំលោភព្រំដែនពីសំណាក់ប្រទេសជិត ខាង។
ឆ្លើយតបបញ្ហានេះ ព្រះរាជអាជ្ញារងនៃសាលាដំបូងខេត្តស្វាយរៀង លោក អ៊ង រី ពន្យល់ថា ការកោះហៅនោះជាបុព្វសិទ្ធិរបស់តុលាការ និងផ្អែកតាមសំណុំឯកសារសាកសួរពលរដ្ឋនៅសាលាស្រុកកន្លងមក ទាក់ទងនឹងការប៉ះទង្គិចគ្នានៅតំបន់ព្រំដែនកម្ពុជា-វៀតណាម។
លោកស្រី សឿង ហ៊ុំ បានបញ្ជាក់ដែរថា រូបគាត់ទោះបីរងរបួសដោយសារវៀតណាម វាយ ហើយអាជ្ញាធរស្រុកបានហៅទៅសាកសួរក៏ពិតមែន ប៉ុន្តែគាត់មិនបានធ្វើពាក្យប្តឹងផ្តល់អ្នកណាទាំងអស់។
តំណាងរាស្ត្របក្សប្រឆាំងមាន លោក រៀល ខេមរិន្ទ្រ លោក អ៊ុំ សំអាន និងប្រធានសមាគមខ្មែរកម្ពុជាក្រោម លោក ថាច់ សេដ្ឋា រួមជាមួយព្រះសង្ឃ ប្រជាពលរដ្ឋ និងក្រុមយុវជនពីភ្នំពេញ និងនៅខេត្តស្វាយរៀង នោះផ្ទាល់ជាច្រើនរយនាក់ បានចុះទៅមើលបង្គោលព្រំដែនស្ថិតនៅភូមិធ្លកថ្មី ឃុំត្នោត ស្រុកកំពង់រោទិ៍ ខេត្តស្វាយរៀង កាលពីថ្ងៃទី២៨ ខែមិថុនា ឆ្នាំ២០១៥។ ដំណើរនោះ ត្រូវបានទាហាន និងពលរដ្ឋវៀតណាម រារាំងរហូតប៉ះទង្គិចគ្នាបណ្ដាលឲ្យមានរបួសទាំងសងខាង៕
When will the lightning strike this Khmer traitor Hun Sen ?
ReplyDeleteWhen will the cheap doggy KI's administrators stop serving Hun Sen by allowing Khmer people to make comments freely?
T2P ought to shut this pest 10:41 PM up now!
ReplyDelete10:46pm
ReplyDeleteT2P ought to take you to see the "head Doctor" to check your air head NOW.
Ah Hun Sen "Lear Leung"? Really?
ReplyDeleteEven Cambodia loses 1/2 of its territory to Yuon, Ah Roleuy Hun Sen won't resign from his post. Let alone the map mismatch. That is the fact.
The doggy KI's administrators are happy to shut Khmer mouth while Cambodia is heavily suffering from Ah Kwack Hun Sen's rules.
10:41 PM, keep it up…
ReplyDeleteIt won’t be long your ID will be required in this blog too, dumb-ass!