តំណាងរាស្រ្ត គណបក្ស សង្រ្គោះជាតិ លោក ញ៉យ ចំរើន ដែលរងរបួស ពេលហិង្សា ផ្ទុះឡើង (រូបថត ផ្តល់ឲ្យ)
សាលារាជធានី អះអាង ថា, បាតុកម្ម ប្រឆាំងលោក កឹម សុខា មិនមាន សូម ច្បាប់អនុញ្ញាត នោះទេ
VOD / វីអូឌី | ២៦ តុលា ២០១៥
អ្នកនាំពាក្យ សាលារាជធានី ភ្នំពេញ
លោក ឡុង ឌីម៉ង់
បានចាត់ទុក ហិង្សា ដែលបណ្តាល ឲ្យតំណាងរាស្រ្ត គណបក្ស សង្រ្គោះជាតិ
ពីររូប រងរបួស ជា «រឿង នឹកស្មាន មិនដល់», ហើយ ថា បាតុកម្ម ប្រឆាំងលោក កឹម
សុខា មិនបាន សុំ ការអនុញ្ញាត ពីសាលារាជធានី នោះទេ។
នៅព្រឹក ថ្ងៃចន្ទនេះ
ប្រជាពលរដ្ឋ រាជធានី ភ្នំពេញ រាប់ពាន់នាក់
បានធ្វើបាតុកម្ម និងដាក់ញត្តិ ទៅកាន់ រដ្ឋសភា ដើម្បី ឲ្យដកតំណែង លោក កឹម សុខា ដោយពួកគាត់ ចោទប្រកាន់ ថា, លោក កឹម សុខា
ជា «មនុស្ស បោកប្រាស់, ក្រឡេចក្រឡុក,
និងជាអ្នក ដែលនាំទុក្ខ ដល់ប្រជាពលរដ្ឋ។»
រហូត ដល់ម៉ោង ជាង១២ ថ្ងៃត្រង់
មានសេចក្តី រាយការណ៍ ថា, តំណាងរាស្រ្ត គណបក្ស សង្រ្គោះជាតិ ពីររូប គឺ លោក ញ៉យ
ចំរើន ជាតំណាងរាស្រ្ត មណ្ឌល កំពង់ចាម និងលោក គង់ សភា
ជាតំណាងរាស្រ្ត មណ្ឌល ស្វាយរៀង បានរងរបួស បែកមុខ និងបែកក្បាល,
ហើយ រថយន្ត ត្រូវ បានវាយ កម្ទេចចោល។
លោក ឡុង ឌីម៉ង់ ប្រាប់វីអូឌី (VOD) នៅរសៀលថ្ងៃចន្ទនេះថាលោកបានដឹងថាមានអំពើហិង្សាកើតឡើង ដោយលោកចាត់ទុកថា «ជារឿងនឹកស្មានមកដល់។» លោកបន្តថាបាតុកម្មនោះកើតឡើងដោយមិនមានការសុំច្បាប់ពី សាលារាជធានីភ្នំពេញនោះទេ។ លោកបន្ថែមថានៅពេលបាតុកម្មកើតឡើង សាលារាជធានីបានហៅតំណាងដឹកនាំបាតុកម្មមកសាកសួរនៅម៉ោងប្រមាណ៩និង៣០នាទី ហើយពួកគេសន្យាថានឹងរំសាយនៅម៉ោង១០និង៣០នាទី។ លោកមានប្រសាសន៍ថា៖ «បាតុកម្មបានរំសាយនៅម៉ោង១០និង៣០នាទី ខ្ញុំអត់យល់ដែរថាមានមូលហេតុអីបានជាហិង្សាកើតឡើង។» លោកបន្តថា៖ «យើងកំពុងតែស៊ើបអង្កេតរកជនដៃដល់ ថាតើវាជាក្រុមបាតុករ ឬក៏អ្នកមានគំនុំផ្ទាល់ខ្លួន។»
លោក ឡុង ឌីម៉ង់ បានបន្ថែមថា៖ «ក្រុមអ្នកតំណាងដឹកនាំបាតុកម្មគឺជាប្រជាពលរដ្ឋសុធសាធ
មិនមែនតំណាងអង្គការណាមួយនោះទេ។» លោកបន្តថាអាជ្ញាធរនឹងតាមដានករណីនេះ
ដើម្បីទប់ស្កាត់កុំឲ្យមានបញ្ហាអ្វីកើតឡើងបន្តទៀត។
បាតុកម្មទាមទារឲ្យដកតំណែងរបស់លោក កឹម
សុខា កើតឡើងមួយថ្ងៃបន្ទាប់ពីការថ្លែងរបស់នាយករដ្ឋមន្រ្តី ហ៊ុន សែន
នៅប្រទេសបារាំង កាលពីល្ងាចថ្ងៃទី២៥ខែតុលា។ ពីប្រទេសបារាំង
ក្នុពិធីជួបសំណេះសំណាលជាមួយនិស្សិតខ្មែរនៅទីនោះ លោក ហ៊ុន សែន
បានថ្លែងថាបាតុកម្មប្រឆាំងលោកនៅបារាំងគឺជាសិទ្ធិប្រជាពលរដ្ឋ
ហើយលោកថាបាតុកម្មប្រឆាំងលោក កឹម សុខា
នៅព្រឹកនេះក៏ជាសិទ្ធិរបស់ប្រជាពលរដ្ឋដូចគ្នា។
លោកបន្តថាបាតុកម្មនេះអាចនឹងឲ្យលោក កឹម សុខា ធ្លាក់ពីតំណែង។
លោកមានប្រសាសន៍ថា៖ «បើលេងកុំខឹង បើខឹងកុំលេង
បើស្អែកគេលេងនៅភ្នំពេញវិញ កុំខឹងនឹងគេ
ហើយលេងហ្នឹងប្រហែលជាអស់តំណែងអនុប្រធានសភាទៀត។»
អ្នកនាំពាក្យគណបក្សប្រជាជនកម្ពុជា លោក សុខ
ឥសាន មានប្រសាសន៍ថាលោកមិនបានដឹងថាក្រុមបាតុករនោះដឹកនាំដោយអ្នកណានោះទេ
តែលោកថាជាការតវ៉ារបស់ប្រជាពលរដ្ឋនិងមន្ត្រីរាជការមួយចំនួនផង
ដែលលោកថាពួកគេមានការភ្ញាក់រឭកនិងមិនពេញចិត្តចំពោះទង្វើរបស់លោក កឹម សុខា។
លោកឲ្យដឹងដែរថាលោកមិនបានដឹងពីអំពើហិង្សាដែលបានកើតឡើងចំពោះតំណាងរាស្រ្តទាំងពីររូបរបស់គណបក្សស
ង្គ្រោះជាតិនេះនោះទេ។
តំណាងរាស្រ្តគណបក្សសង្រ្គោះជាតិ លោក ញ៉យ
ចំរើន ដែលអះអាងថារងរបួសបែកក្បាល អះអាងថា
ពេលលោកនិងតំណាងរាស្រ្តមួយរូបទៀត គឺលោក គង់ សភា
ចេញពីប្រជុំសភាតាមទ្វារក្រោយ ស្រាប់តែលោកថាមានហិង្សាកើតឡើង។
លោកបន្តថាលោករងរបួសបែកក្បាល របួសមុខ និងអាចនឹងបាក់កដៃ។
បើតាមលោក ញ៉យ ចំរើន
គូដណ្តឹងរបស់លោកដែលមកទទួលលោកពេលចេញពីរដ្ឋសភា
ក៏រងរបួសបែកក្បាលផងដែរ។
លោកបន្តថារថយន្តរបស់លោកក៏ត្រូវបានកម្ទេចដោយក្រុមបាតុករ។
លោកចាត់ទុកថានេះជាការតវ៉ាហិង្សាដែលមិនអាចទទួលយកបាន។
តំណាងរាស្រ្តមណ្ឌលកំពង់ស្ពឺនិងជាកូនប្រុសរបស់លោកនាយករដ្ឋមន្រ្តី ហ៊ុន សែន បានសរសេរនៅលើហ្វេសប៊ុករបស់លោកថា៖ «ក្នុងនាម ជាតំណាងរាស្ត្រ មួយរូប របស់ គណបក្សប្រជាជនកម្ពុជា
ខ្ញុំតែងតែយកចិត្តទុកដាក់ចំពោះការតវ៉ា សំណូមពរ ឲនិងមតិយោបល់របស់ប្រជាជន
ដោយគ្មានការរើសអើង
នាពេលកន្លងមក។ ប៉ុន្តែខ្ញុំមិនគាំទ្រនិងថ្កោលទោសលើអំពើហិង្សាដែលប្រព្រឹត្តលើប្រជាពលរដ្ឋនិងជាពិសេសលើតំណាងរាស្ត្រ
ហើយសូមអំពាវនាវឲ្យអាជ្ញាធរមានសមត្ថកិច្ចអនុវត្តច្បាប់
ដើម្បីវែកមុខនិងដាក់ទោសដល់ជនដៃដល់ ដែលបានប្រព្រឹត្តអំពើហិង្សាទាំងនេះ
ស្របតាមគោលការណ៍នីតិរដ្ឋនៃព្រះរាជាណាចក្រកម្ពុជា។»
បាតុកររាប់រយនាក់បាន
ជិះម៉ូតូទៅដល់មុខផ្ទះលោក កឹម សុខា
ដែលមានទីតាំងនៅខាងក្រោយសាលាភូមិន្ទភ្នំពេញ ក្នុងសង្កាត់បឹងកក់២
ខណ្ឌទួលគោក នៅម៉ោងប្រមាណ១១និង៣០នាទី។ បាតុករបានស្រែកឲ្យលោក កឹម សុខា
ចេញមកក្រៅ ដោយប្រើពាក្យថា «អាកឹម សុខា អាឆ្កែ ចេញមកក្រៅ។»
No comments:
Post a Comment