អង្គការ សិទ្ធិមនុស្ស ស្នើបារាំង ជំរុញលោក ហ៊ុន សែន ដោះលែង សកម្មជន បក្សប្រឆាំង
RFA / វិទ្យុ អាស៊ី សេរី | ២៥ តុលា ២០១៥
សកម្មជនបក្សសង្គ្រោះជាតិ ៥នាក់ នៅក្នុងរថយន្តទ្រុង បញ្ជូនមកកាន់សាលាដំបូងរាជធានីភ្នំពេញ នៅថ្ងៃទី ២៥ ធ្នូ ២០១៤។ RFA/Morm Moniroth
អង្គការ ការពារ សិទ្ធិមនុស្ស ជាតិ និងអន្តរជាតិ ចំនួន៤--រួមមាន សហព័ន្ធ ការពារ សិទ្ធិមនុស្ស អន្តរជាតិ (FIDH), សម្ព័ន្ធ ការពារ សិទ្ធិមនុស្ស បារាំង (LDH), សមាគម អាដហុក (ADHOC), និងអង្គការ លីកាដូ (LICADHO)--បានចេញ លិខិតចំហ ស្នើទៅកាន់ រដ្ឋាភិបាល បារាំង ជំរុញ ឲ្យលោក នាយករដ្ឋមន្ត្រី ហ៊ុន សែន ដោះលែង មន្ត្រី និងសកម្មជន គណបក្ស សង្គ្រោះជាតិ, យុវជន សកម្មជន ការពារបរិស្ថាន, និងព្រះសង្ឃ ចេញពីពន្ធនាគារ។
សំណើនេះ ធ្វើឡើងមួយថ្ងៃមុនការចាកចេញរបស់ លោក ហ៊ុន សែន ទៅកាន់ប្រទេសបារាំង ដើម្បីបំពេញទស្សនកិច្ចរយៈពេល ៣ថ្ងៃនៅទីនោះ។
អង្គការការពារសិទ្ធិមនុស្សអន្តរជាតិទាំងនោះ លើកឡើងថា ចាប់ពីខែកក្កដា ឆ្នាំ២០១៥ មក រដ្ឋាភិបាលកម្ពុជា បានចាប់ខ្លួនមនុស្សសរុប ២១នាក់ ក្នុងនោះរួមមាន មន្ត្រី និងសកម្មជនគណបក្សប្រឆាំងចំនួន ១៤រូប សកម្មជនការពារបរិស្ថានចំនួន ៤រូប ព្រះសង្ឃ ២អង្គ និងនិស្សិត ១រូប។ ក្នុងចំណោមពួកគេទាំងអស់នេះ ក៏មានសមាជិកព្រឹទ្ធសភាពីគណបក្សប្រឆាំង លោក ហុង សុខហួរ ដែលមានសញ្ជាតិបារាំង ផងដែរ។
អង្គការការពារសិទ្ធិមនុស្សទាំងនេះ ចាត់ទុកការចាប់ខ្លួនពួកគេ ថាជាការរំលោភសិទ្ធិមនុស្ស។ ពួកគេជំរុញឲ្យ លោក ហ៊ុន សែន ចេញបញ្ជាឲ្យអាជ្ញាធរកម្ពុជា ដោះលែងមន្ត្រី និងសកម្មជនទាំងនោះជាបន្ទាន់ និងដោយគ្មានលក្ខខណ្ឌ។ ពួកគេក៏ទទូចឲ្យរដ្ឋាភិបាលបារាំង ថ្កោលទោសចំពោះការរំលោភសិទ្ធិមនុស្សនៅកម្ពុជា នាពេលកន្លងមក៕
យួន ហ៊ុន សែន ដាំតែអុង ខ្មែរ ព្រោះខ្មែរទាំងនោះសុទ្ធតែក្បត់ជាតិ មិនព្រមឲ្យដីទៅយួន ដែលគេជាអ្នកមានគុណ ជួយបង្កើតសម្លាប់ខ្មែររាប់លាន រួចគេធ្វើជាមកច្បាំងរុំដោះខ្មែរពីខ្មែរក្រហម
ReplyDelete