លោក សម រង្ស៊ី បដិសេធ ថា, មិនបាន ចោទលោក ហ៊ុន សែន ដឹកនាំ បែបរប បហ្វាស៊ីស
RFA / វិទ្យុ អាស៊ី សេរី | ៣០ តុលា ២០១៥
លោក សម រង្ស៊ី និងលោក ហ៊ុន សែន
បង្ហាញការសន្ទនាគ្នាដ៏ល្អូកល្អិននៅពេលដែលអង្គុយមើលល្ខោន
និងរបាំនៅក្នុងភូមិខ្មែរ នាទីលានជល់ដំរី។ រូបថតថ្ងៃទី១៤ មេសា
ឆ្នាំ២០១៥
RFA/Hang Savyouth
មេដឹកនាំ គណបក្ស សង្គ្រោះជាតិ លោក សម រង្ស៊ី បានបដិសេធ ថា, លោក មិនបាន ចោទប្រកាន់ លោក ហ៊ុន សែន ថា, ដឹកនាំ បែបរប បហ្វាស៊ីស (Fascism) នោះទេ។ ទោះ ជាយ៉ាងណា កាលពីថ្ងៃ ព្រហស្បតិ៍ ទី២៩ ខែតុលា មន្ត្រី ជាន់ខ្ពស់ នៃគណបក្ស ប្រជាជន កម្ពុជា គំរាមរំលាយ វប្បធម៌សន្ទនា ចោល ប្រសិន លោក សម រង្ស៊ី មិនសុំទោស លោក ហ៊ុន សែន ជាសាធារណៈ ចំពោះ ការប្រើពាក្យ ថា, លោក ហ៊ុន សែន ដឹកនាំ ដូចរបប ហ្វាស៊ីស។
ពីប្រទេស បារាំង មេដឹកនាំ បក្សប្រឆាំង លោក សម រង្ស៊ី បដិសេធ មិនធ្វើ អត្ថាធិប្បាយ តាមសារព័ត៌មានទេ ជុំវិញ ការទាមទារ ពាក្យសុំទោស ពីលោក ជាសាធារណៈ ដល់លោក ហ៊ុន សែន ចំពោះ ការប្រៀបធៀប ការដឹកនាំ របស់ នាយករដ្ឋមន្ត្រី ខ្មែរ ដូចគ្នា ទៅ នឹងរបប ហ្វាស៊ីស។
លោក សម រង្ស៊ី បន្តថា, លោក មិនបានចោទប្រកាន់ លោក ហ៊ុន សែន ថា ដឹកនាំ តាមរបប ហ្វាស៊ីស នោះទេ៖ «មិន អីទេ, ចាំខ្ញុំ ពន្យល់ផ្ទាល់! ខ្ញុំ មិនចង់ ឆ្លើយតប តាមសារព័ត៌មាន អីទេ ពីព្រោះ បំណងខ្ញុំ គឺជាបំណងល្អ, ហើយ យើង មិនត្រូវ ធ្វើអ្វី ដែលស្រដៀង របៀប ដែលពួកផ្ដាច់ការ នៅប្រទេស អ៊ីតាលីកាល ពីក្នុងទសវត្សរ៍ ឆ្នាំ១៩២០, ១៩៣០ ដែលគេ ប្រើអំពើហិង្សា មកលើអ្នក តំណាងរាស្ត្រ, មកលើសហជីព, មកលើកម្មករ។ នេះ ជាទង្វើ ដែលពួកហ្វាស៊ីស បានទុក អនុស្សាវរីយ៍ ដ៏អាក្រក់។ ដូច្នេះ យើង ស្រឡាញ់ជាតិ ទាំងអស់គ្នា; យើង មិនត្រូវ ទុកកេរ្តិ៍ឈ្មោះ អាក្រក់។ ដូច្នេះ យើង ត្រូវ ជៀសវាង ទង្វើណា ដែលគេ អាចយកទៅ ប្រៀបធៀប អំពើអាក្រក់ របស់ ពួកហ្វាស៊ីស តែប៉ុណ្ណឹងទេ។ ខ្ញុំ អត់មាន ថា អ្នកណា ជាហ្វាស៊ីស នោះទេ។»
អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍កាលពីថ្ងៃព្រហស្បតិ៍ថា លោក សម រង្ស៊ី បានប្រដូចលោក ហ៊ុន សែន ទៅនឹងហ្គាដាហ្វី មេដឹកនាំផ្ដាច់ការនៅប្រទេសលីប៊ី និងបានប្រៀបធៀបកម្ពុជា នឹងទៅរបបហ្វាស៊ីស នៅប្រទេសអ៊ីតាលី កាលពី ៩៣ឆ្នាំមុន។
លោក សម រង្ស៊ី បានសរសេរនៅក្នុងហ្វេសប៊ុក (Facebook) របស់លោកកាលពីថ្ងៃទី២៧ ខែតុលា ថា លោក ហ៊ុន សែន ហាក់ចង់រកលេសប្រើអំពើហិង្សាកាន់តែច្រើនដើម្បីបង្កើត ព្រឹត្តិការណ៍អវិជ្ជមាន និងអធម្មនុញ្ញ ចៀសវាងកុំឲ្យមានការបោះឆ្នោតខាងមុខ។ ម្យ៉ាងវិញទៀត លោក ហ៊ុន សែន ដឹងថា ការបោះឆ្នោតខាងមុខមិនឈ្នះ និងដើម្បីរក្សាអំណាចបានច្រើនឆ្នាំតទៅទៀត ហេតុនេះលោក ហ៊ុន សែន កំពុងប្រើវិធីស្រដៀងក្រុមហ្វាស៊ីស នៅប្រទេសអ៊ីតាលី ដែលបានប្រើហិង្សាទៅលើអ្នកតំណាងរាស្ត្រ និងអ្នកដទៃទៀត។
របបហ្វាស៊ីស ជារបបដែលដឹកនាំប្រទេសដោយប្រកាន់យកមនោគមវិជ្ជានយោបាយហិង្សា គ្មានការគោរពសិទ្ធិមនុស្ស ពោលគឺជាការគ្រប់គ្រងប្រទេសដោយប្រើអាវុធ គំរាមកំហែង និងកាប់សម្លាប់ដើម្បីរក្សាអំណាចខ្លួន។ របបនេះត្រូវបានបង្កើតឡើងដោយជនផ្ដាច់ការ បេនីតូ មូសូលីនី (Benito Mussolini) នៅប្រទេសអ៊ីតាលី ដែលគ្រប់គ្រងអំណាចចន្លោះពីឆ្នាំ១៩២២ រហូតដល់ឆ្នាំ១៩៤៥។
អ្នកនាំពាក្យគណបក្សប្រជាជនកម្ពុជា លោក សុខ ឥសាន ថ្លែងថា លោកនាយករដ្ឋមន្ត្រី ហ៊ុន សែន តែងគោរព និងរក្សាភាពល្អូកល្អិនជាមួយលោក សម រង្ស៊ី តែផ្ទុយទៅវិញ លោក សម រង្ស៊ី តែងបង្កបញ្ហាក្នុងន័យញុះញង់មិនចេះចប់។ លោកបន្តថា លោក សម រង្ស៊ី ត្រូវតែសុំទោសលោកនាយករដ្ឋមន្ត្រីជាសាធារណៈលើបញ្ហានេះ។
អ្នកនាំពាក្យគណបក្សកាន់អំណាចរូបនេះចោទថា លោក សម រង្ស៊ី កំពុងតែទាត់ចោលការគោរពតាមកិច្ចព្រមព្រៀង និងស្មារតីវប្បធម៌សន្ទនារវាងបក្សទាំងពីរ៖ «សម្ដេចតេជោ គាត់ចង់ផ្សារភ្ជាប់មនោសញ្ចេតនាជាមួយគ្នា អ៊ីចឹងហើយបានគាត់ខំរៀបបាយសាមគ្គីរវាងក្រុមគ្រួសារគាត់ និងគ្រួសារ លោក សម រង្ស៊ី តែពេលហូបបាយមិនទាន់ទាំងលាងមាត់ហើយផង ឯកឧត្ដម សម រង្ស៊ី ចាប់ដៃហើយជាន់ជើង អាហ្នឹងយើងមិនអាចទទួលយកបានទេ អ៊ីចឹងបានបញ្ហានេះសម្ដេចទាមទារឲ្យលោក សម រង្ស៊ី សុំទោសជាសាធារណៈ បើមិនដូច្នោះទេ សម្ដេចនឹងគ្មានឡើយ ចរចាជាមួយលោក សម រង្ស៊ី។»
ពីប្រទេសបារាំង លោក សម រង្ស៊ី បានប្រាប់វិទ្យុអាស៊ីសេរី តាមទូរស័ព្ទថា វប្បធម៌សន្ទនាមិនត្រូវរំលាយចោលនោះទេ ហើយថា មានតែវប្បធម៌នេះទេដែលនាំឲ្យប្រទេសមានសន្តិភាព និងលទ្ធិប្រជាធិបតេយ្យ៖ «ខ្ញុំជឿជាក់ថា វប្បធម៌សន្ទនាត្រូវតែបន្តមិនមែនសម្រាប់ផលប្រយោជន៍គណបក្សប្រជាជន ឬគណបក្សសង្គ្រោះជាតិទេ តែវាជាផលប្រយោជន៍សម្រាប់ប្រទេសជាតិ ពីព្រោះយើងត្រូវលុបបំបាត់វប្បធម៌ហិង្សា ហើយយើងត្រូវយកវប្បធម៌សន្ទនាមកជំនួសវប្បធម៌ហិង្សា។ នេះជាផលប្រយោជន៍សម្រាប់ប្រទេសជាតិដើម្បីសន្តិភាព និងលទ្ធិប្រជាធិបតេយ្យ។ អត់ត្រូវរំលាយវប្បធម៌សន្ទនានេះជាដាច់ខាត ពីព្រោះគ្មានជម្រើសណាក្រៅពីវប្បធម៌សន្ទនាដើម្បីធានាឲ្យខ្មែរបាន សុខទាំងអស់គ្នាជារៀងរហូត។»
កម្ដៅនយោបាយនៅកម្ពុជា នៅតែបន្តកើនឡើង បន្ទាប់ពីតំណាងរាស្ត្រ ២រូប នៃបក្សប្រឆាំងបានរងការវាយដំអោយមានរបួសធ្ងន់កាលពីថ្ងៃច័ន្ទ និងខណៈយុទ្ធនាការតាមគ្រប់រូបភាពទាមទារដកតំណែងអនុប្រធានរដ្ឋសភាពី លោក កឹម សុខា ដែលជាអនុប្រធានគណបក្សសង្គ្រោះជាតិ នៅតែមានសន្ទុះខ្លាំងទៅមុខរហូតមកដល់ពេលនេះ។
កាលពីថ្ងៃព្រហស្បតិ៍ ទី២៩ ខែតុលា ប្រភពដែលលាក់អត្តសញ្ញាណបានប្រាប់វិទ្យុអាស៊ីសេរីថា រដ្ឋសភាកម្ពុជា នឹងប្រជុំគណៈកម្មាធិការអចិន្ត្រៃយ៍បន្ទាន់មួយនៅថ្ងៃសុក្រនេះ ដែលអាចបញ្ចូលរបៀបវារៈសំខាន់មួយ គឺការដកតំណែងអនុប្រធានគណបក្សសង្គ្រោះជាតិ លោក កឹម សុខា ចេញពីតំណែងអនុប្រធានរដ្ឋសភា។
វិទ្យុអាស៊ីសេរី បានសម្ភាសន៍ជាមួយមន្ត្រីជាន់ខ្ពស់មួយចំនួនរបស់គណបក្សសង្គ្រោះ ជាតិ និងមន្ត្រីជាន់ខ្ពស់នៃគណបក្សកាន់អំណាច ដើម្បីសុំការបំភ្លឺលើព័ត៌មាននេះ ប៉ុន្តែក្រុមមន្ត្រីបក្សទាំងពីរប្រាប់ថា ពួកគេមិនទាន់ដឹងរបៀបវារៈដែលត្រូវប្រជុំនោះនៅឡើយទេ៕
ចុះបើថាដូច្នោះមែន តើហ៊ុនសែន នឹងធ្វើដូចម្តេចដែរ? បើគ្រាន់តែគេថាហើយចាប់គេដាក់គុកនោះ វាលើសពី ហ្វាស៊ីស ទៅទៀត តើមែនទេ? លោក អើយ នេះមកពីគេឲ្យងាជា បណ្ឌិត តែអត់ទៅសាលា រួចក៍ថាខ្លួនគ្រាន់បើមែនទេ? ដល់គេមិនបញ្ជោ បែរជាងរខ្ទើតតែម្តង ហា ហា តាមពិតថាទៅតើវាយ៉ាងណា?
ReplyDeletewhat can cnrp do now? cpp not arrest a single one of their dog and on top of that cpp vote to kick Khem sokha out of his seat. by the way I see a lot of complain point finger to sam rainsy also because they said every time something go to happened Sam Rainsy always out of the country and they said Sam Rainsy now all of that happen before hand. that mean Sam rainsy and hun sen well connected . Do all of this is true ?? or they 'are make it and break the cnrp ? hey it's politic Hun sen will do anything will not shame isn't it????
ReplyDeleteOnce the CNRP receives the mandate from the
ReplyDeleteKhmer people after the 2018 election, set of solutions will
be available.
Mussolini was a fascist but he was still better than Hun Sen, because he was a nationalist.
ReplyDeleteAnyway under Mussolini, there was almost no corruption.
https://en.wikipedia.org/wiki/Benito_Mussolini
Mon vieux?
DeleteOui, jeune homme!
DeleteOh lala! Tu vas bien? Qu'allons nous faire pour sauver notre petite mere patrie, mon Vieux?
DeleteNous devons utiliser les tireurs d'élite (snipers) engagés pour tirer HS à la tête.
Delete