បុរស ៣នាក់ សារភាព ថា, ជាអ្នក បង្ក របួសស្នាម លើតំណាងរាស្ត្រ ប្រឆាំង ពីរនាក់
RFA / វិទ្យុ អាស៊ី សេរី | ៣ វិច្ឆិកា ២០១៥
តំណាងរាស្ត្រគណបក្សសង្គ្រោះជាតិ
ដែលរងរបួសដោយការវាយប្រហារពីមនុស្សមួយក្រុម លោក ញ៉យ ចំរើន (ឆ្វេង)
និងលោក គង់ សភា (កណ្ដាល)
ត្រូវបានបញ្ជូនចេញពីទីស្នាក់ការគណបក្សទៅព្យាបាលនៅមន្ទីរពេទ្យ
កាលពីថ្ងៃទី២៦ តុលា ឆ្នាំ២០១៥។
RFA/Brach Chev
បុរស ៣នាក់ ចេញមុខ សារភាព ថា, ពួកគេ ជាជនដៃដល់ បង្ក របួសស្នាម លើអ្នក តំណាងរាស្ត្រ ២រូប នៃគណបក្ស ប្រឆាំង។ សេចក្ដីប្រកាស របស់ អ្នកនាំពាក្យ ក្រសួង មហាផ្ទៃ កាលពីល្ងាច ថ្ងៃទី៣ វិច្ឆិកា ឲ្យដឹង ថា, បុរស ៣នាក់នោះ បានចេញមុខ សារភាព នៅចំពោះ មុខ គណៈកម្មការ ស្រាវជ្រាវ ស៊ើបអង្កេត ពីករណី បង្ក របួសស្នាម លើអ្នក តំណាងរាស្ត្រ កាលពីថ្ងៃ ទី២៦ តុលា នៅមុខ រដ្ឋសភា នោះ។
បុរស ទាំង ៣រូប នោះ មានឈ្មោះ ចាយ សារិទ្ធ, វ័យ ៣៣ឆ្នាំ មានលំនៅ ក្នុងក្រុង តាខ្មៅ ខេត្ត កណ្ដាល; ម៉ៅ ហឿន, អាយុ ៣៤ឆ្នាំ រស់នៅ ស្រុក ពាមរក៍ ខេត្ត ព្រៃវែង, និងសុត វណ្ណនី, អាយុ ៤៥ឆ្នាំ រស់នៅ ក្រុង តាខ្មៅ ខេត្ត កណ្ដាល។
សេចក្ដីប្រកាស ព័ត៌មាន ដដែល បញ្ជាក់ថា, គណៈកម្មការ ជំនាញ នឹងចាត់ វិធានការ បញ្ជូនអ្នក ដែលចូល សារភាពនោះ ទៅកាន់ សាលាដំបូង រាជធានីភ្នំពេញ ឲ្យទទួល ខុសត្រូវ ចំពោះ មុខច្បាប់។
កាលពីថ្ងៃ ទី២៦ ខែតុលា អ្នកតំណាងរាស្ត្រ គណបក្ស សង្គ្រោះជាតិ ចំនួន ២រូប--គឺ លោក ញ៉យ ចំរើន និងលោក គង់ សភា ត្រូវ គេ ព្រួតវាយ ឲ្យរបួស ធ្ងន់ នៅពេល ក្រុមបាតុករ មួយក្រុម បាននាំគ្នា ទៅតវ៉ា នៅខាងមុខ រដ្ឋសភា ខណៈ ក្រុមបាតុករ បានធ្វើ បាតុកម្ម ទាមទារ ទម្លាក់លោក កឹម សុខា ពីតំណែង ជាអនុប្រធាន ទី១ រដ្ឋសភានោះ៕
The sacrifice lambs? Feed them to Hun Sen's crocks at his residence of Tuol Krasaing there?!!!
ReplyDeleteSacrificial lambs...
ReplyDeleteគួរ ឲ្យអស្ចារ្យ ទេ មិនបាច់ចាំចាប់ទេ គឺដោះចូលទេម្តង ហា ហា គឺ គេឪ្យដើរតួកំប្លែងអាមួយ ឈ្មោះ កុយ ទីពីរ អាក្រឹម នឺង ទីបី អាពាកមី ចាំមើលទៅអាបីអ្នកនោះវាច្បាស់ជាធ្វើឲ្យអ្នកសើច រហែកមាត់ហើយ អាឡប់ថានេះច្បាស់ជាគ្មានអ្នកណាគេជឿទេមើលទៅ ចយដឹកអើយ !
ReplyDelete