 |
| តំណាងរាស្រ្ត គណបក្ស សង្រ្គោះជាតិ ដែលរងការ វាយដំ |
គណបក្ស សង្រ្គោះជាតិ អះអាង ថា, ជនដៃដល់ វាយតំណាងរាស្រ្ត មានលើស ពីបីនាក់
VOD / វីអូឌី |៤ វិច្ឆិកា ២០១៥
អ្នកនាំពាក្យ
គណបក្ស សង្រ្គោះជាតិ ឲ្យដឹង ថា, ជនដៃដល់ ពាក់ព័ន្ធ នឹងការ វាយដំ លើតំណាងរាស្រ្ត គណបក្ស សង្រ្គោះជាតិ កាលពីថ្ងៃ ទី២៦ ខែតុលា
មានចំនួន លើសពី បីនាក់។
សេចក្តីប្រកាស ព័ត៌មាន
របស់ ក្រសួង មហាផ្ទៃ ចេញផ្សាយ កាលពីយប់ ថ្ងៃអង្គារ ឲ្យដឹង ថា, នៅម៉ោង៤ និង៣០ នាទី
ល្ងាចនេះ ជនដៃដល់ បង្ក របួសស្នាម លើអ្នក តំណាងរាស្រ្ត
បានបង្ហាញខ្លួន នៅចំពោះមុខ គណៈកម្មការ ស្រាវជ្រាវ
ស៊ើបអង្កេត នៃក្រសួង មហាផ្ទៃ ករណីបង្ក របួសស្នាម លើតំណាងរាស្រ្ត។
បើ តាមសេចក្តី ប្រកាសព័ត៌មាន ជនសារភាព ទាំង ៣នាក់ នោះ រួមមាន៖ លោក ចាយ សារិទ្ធ
អាយុ ៣៣ឆ្នាំ រស់នៅ សង្កាត់ តាខ្មៅ ខេត្ត កណ្តាល, លោក ម៉ៅ ហឿន អាយុ ៣៤ឆ្នាំ
រស់នៅ ភូមិ៥ ឃុំ ព្រែកខ្សាយ «ខ» ស្រុក ពាមរក៍ ខេត្ត ព្រៃវែង, និងលោក សុត
វណ្ណនី អាយុ ៤៥ឆ្នាំ រស់នៅ ភូមិ ព្រែករាំង សង្កាត់ កំពង់សំណាញ់ ក្រុង តាខ្មៅ
ខេត្ត កណ្តាល។
ពួកគេ ត្រូវ បានសមត្ថកិច្ច បញ្ជូនមក សាលាដំបូង រាជធានី ភ្នំពេញ
នៅព្រឹក ថ្ងៃពុធនេះ។
តំណាងរាស្រ្ត មណ្ឌល បាត់ដំបង មកពីគណបក្ស សង្រ្គោះជាតិ លោកស្រី មូរ សុខហួរ បានសរសេរ នៅលើហ្វេសប៊ុក របស់ លោកស្រី ថា៖ «ជនដៃដល់ ដែលវាយ តំណាងរាស្រ្ត បក្សប្រឆាំង មិនមែន មានតែ បីនាក់ទេ
សូមបន្តការស៊ើបអង្កេតហើយតាមចាប់ជនដៃដល់ទាំងអស់។
ហើយត្រូវស៊ើបអង្កេតថាអ្នកណានៅពីក្រោយរឿងនេះ។»
នៅពេលមកដល់កម្ពុជាវិញកាលពីយប់ថ្ងៃអង្គារ
លោក សម រង្ស៊ី ប្រធានគណបក្សសង្រ្គោះជាតិ
បានថ្លែងថាលោកសង្ឃឹមថាសមត្ថកិច្ចនឹងមានវិធានការត្រឹមត្រូវ
តាមរយៈ”ការស៊ើបអង្កេតឲ្យបានត្រឹមត្រូវ វិជ្ជាជីវៈ និងឯករាជ្យ”
ដើម្បីរកជនដៃដល់និងជននៅពីក្រោយជនដៃដល់។
អ្នកនាំពាក្យក្រសួងមហាផ្ទៃ លោក ខៀវ សុភ័គ
ប្រាប់វីអូឌី(VOD)នៅព្រឹក
ថ្ងៃពុធនេះ ថា, អ្វីៗ អាស្រ័យ លើតុលាការ ជាអ្នក ស៊ើបអង្កេត និងសម្រេច។
លោក បានបដិសេធ មិនអត្ថាធិប្បាយ លម្អិត ថា, មូលហេតុអ្វី បានជាអ្នក
ទាំងបី នាក់នោះ ចូលខ្លួន សារភាព និងថា, មូលហេតុអ្វី បានជាពួកគេ ប្រើ
ហិង្សា លើតំណាងរាស្រ្ត គណបក្ស សង្រ្គោះជាតិ លោក ញ៉យ ចំរើន និងលោក គង់ សភា។
លោក បញ្ជាក់ថា៖ «យើង បញ្ជូន ទៅតុលាការ។ អាស្រ័យ លើតុលាការ ថា, គេចាត់ការដូចម្តេច ថា, គេ នឹងធ្វើអ្វី ទៀត។ ហើយ គេ បិទបញ្ចប់សំ ណុំរឿង ឬយ៉ាងណា។»
ប៉ុន្តែ លោក បញ្ជាក់ថាបុរសទាំងបីនាក់នោះពិតជាអ្នកប្រើហិង្សាលើតំណាងរាស្រ្ត បើតាមការពិនិត្យរបស់អ្នកជំនាញ។
នៅពេលសាកសួរថាតើហេតុអ្វីបានជា
សមត្ថកិច្ចមិនបានបញ្ជាក់ពីមុខរបររបស់បុរសទាំងបីនាក់នោះ
នៅក្នុងសេចក្តីប្រកាសព័ត៌មាន លោក ខៀវ សុភ័គ បញ្ជាក់ ថា៖ «វា មិនសំខាន់ទេ តួនាទី; សំខាន់ គាត់ ចូលខ្លួន សារភាព, ហើយ គាត់ ជាជនល្មើស មែន។»
មុននឹងការចូលសារភាពនេះ
បញ្ជាការដ្ឋានអង្គរក្សនៃស្នងការដ្ឋានបុគ្គលិក បណ្តុះបណ្តាល
បានចេញលិខិតបដិសេធមួយកាលពីថ្ងៃទី៣០ ខែតុលា ដោយថាលោក ចាយ សារិទ្ធ
មិនមានឈ្មោះនៅក្នុងបញ្ជីគ្រប់គ្រងរបស់បញ្ជាការដ្ឋានអង្គរក្សនោះទេ។
លោក ខៀវ សុភ័គ មានប្រសាសន៍ ថា, ចាំមើល ការសម្រេច របស់ តុលាការ ជាមុនសិន, ថា តើ សមត្ថកិច្ច នឹងបន្ត តាមចាប់ខ្លួន អ្នកណាទៀត។
គួរបញ្ជាក់ ថា កាលពីថ្ងៃ ទី២៨ ខែតុលា
លោកនាយករដុ្ឋមន្រ្តី ហ៊ុន សែន
បានបញ្ជាឲ្យអាជ្ញាធរមានសមត្ថកិច្ចចាប់ជនដៃដល់ដែលបង្កហិង្សាលើអ្នក
តំណាងរាស្រ្តគណបក្សសង្រ្គោះជាតិពីររូបឲ្យរងរបួសធ្ងន់
ឲ្យបាននិងអំពាវនាវឲ្យជនដៃដល់ចេញមុខមកសារភាព
ដែលលោកចាត់ទុកថាជារឿងល្អបំផុត៕
No comments:
Post a Comment