សភា សហភាព អឺរ៉ុប ទាមទារ ឱ្យកម្ពុជា ផ្ដល់អភ័យឯកសិទ្ធិ សភា ដល់លោក សម រង្ស៊ី ឡើងវិញ
VOD / វីអូឌី | ២៥ វិច្ឆិកា ២០១៥
លោក សម រង្ស៊ី នៅសភាសហភាពអឺរ៉ុប (រូបភាពពីហ្វេសប៊ុករបស់លោក សម រង្ស៊ី)
សភា សហភាព
អឺរ៉ុប ជំរុញ ឱ្យរដ្ឋាភិបាល កម្ពុជា និងរដ្ឋសភា ផ្ដល់អភ័យឯកសិទ្ធិ សភា ដល់លោក សម រង្ស៊ី ប្រធាន
សភា សំឡេង ភាគតិច ឡើងវិញ និងទម្លាក់ បទចោទ ទាំងឡាយ ដែលប្រឆាំង
មេដឹកនាំ បក្សប្រឆាំង រូបនេះ, ហើយ អនុញ្ញាត ឲ្យលោក វិលចូល ប្រទេស វិញ ដោយគ្មាន
ការភ័យខ្លាច និងការ ចាប់ខ្លួន។
ការជំរុញ របស់ សភា សហភាព
អឺរ៉ុប ធ្វើឡើង បន្ទាប់ ពីបើក កិច្ចប្រជុំ ពេញអង្គ កាលពីថ្ងៃ ទី២៤
ខែវិច្ឆិកា ដោយអនុម័ត នូវដំណោះស្រាយ រួមមួយ លេខ២៩៦៩ RSP។
ដំណោះស្រាយ រួម របស់ សភា អឺរ៉ុប
ដដែលនេះ បានអំពាវនាវ ឱ្យរដ្ឋាភិបាល
កម្ពុជា បញ្ចប់ ការប្រើ ប្រព័ន្ធតុលាការ ជាឧបករណ៍ នយោបាយ, ហើយ ទទូច ឱ្យដោះលែង ទាំងអស់ សកម្មជន ណា ដែលជាប់ ពាក់ព័ន្ ធរឿងនយោបាយ។
ជាមួយ គ្នានេះ សភា សហភាព អឺរ៉ុប ជំរុញ ឱ្យ រដ្ឋាភិបាល កម្ពុជា ស៊ើបអង្កេត ដោយតម្លាភាព ចំពោះ ករណី ប្រើអំពើហិង្សា លើ តំណាងរាស្ត្រ គណបក្ស ប្រឆាំង ពីររួប និងត្រូវ បំពេញកាតព្វកិច្ច និងការ ប្ដេជ្ញាចិត្ត គោរព គោលការណ៍ លទ្ធិប្រជាធិបតេយ្យ និងសិទ្ធិមនុស្ស ជាមូលដ្ឋាន ឲ្យបាន ត្រឹមត្រូវ ដែលជាធាតុផ្សំ ដ៏សំខាន់ នៃកិច្ច សហប្រតិបត្តិការ រវាង រដ្ឋាភិបាល កម្ពុជា និងសហភាព អឺរ៉ុប។
សភា សហភាព
អឺរ៉ុប បើកកិច្ចប្រជុំពេញអង្គទាក់ទងករណីប្រទេសកម្ពុជាក៏ចំពេលលោក សម រង្ស៊ី
បានសរសេរ
លើហ្វេសប៊ុករបស់លោកថាបានទៅដល់ប្រទេសបារាំងហើយបានទៅកាន់ទីក្រុងស្ត្រាសបួរ
(Strasbourg ) ទី
ដែលសភាសហភាពអឺរ៉ុបជួបប្រជុំគ្នានៅទីនោះនិយាយពីបញ្ហាកម្ពុជា៕
No comments:
Post a Comment