លោក ហ៊ុន ម៉ាណែត បើកយុទ្ធនាការ ផ្សព្វផ្សាយ ពីកម្ពុជា នៅអឺរ៉ុប បន្ទាប់ ពីសភា អឺរ៉ុប ដាក់សម្ពាធ
លោក ហ៊ុន ម៉ាណែត ផ្ដល់បទសម្ភាស ដល់ទូរទស្សន៍ អូស្ត្រាលី
កូនប្រុស ច្បង របស់លោក នាយករដ្ឋមន្ត្រី ហ៊ុន សែន បានដឹកនាំ ប្រតិភូយុវជន មួយក្រុម ទៅកាន់ ប្រទេស អឺរ៉ុប ចំនួន៤ ដើម្បី ធ្វើយុទ្ធនាការ ពន្យល់ ផ្សព្វផ្សាយ ដល់ប្រជាជនខ្មែរ នៅឯនាយសមុទ្រ និងជួបមន្ត្រី ប្រទេស ទាំងនោះ ពីស្ថានភាព ពិត របស់ ប្រទេស កម្ពុជា បច្ចុប្បន្ន។ ការធ្វើដំណើរ ទៅកាន់ ទ្វីបអឺរ៉ុប របស់ លោក ហ៊ុន ម៉ាណែត បានធ្វើឡើង បន្ទាប់ ពីសភា អឺរ៉ុប ស្នើ ឲ្យមាន ការលើកទោស លោក សម រង្សី និងសកម្មជន, ព្រមទាំង គំរាម កាត់ជំនួយ ពីប្រទេស កម្ពុជា។
មួយថ្ងៃ បន្ទាប់ ពីសភា សហភាព អឺរ៉ុប ដាក់សម្ពាធ មកលើប្រទេស កម្ពុជា លើករណីលោក សម រង្សី ប្រធានគណបក្សសង្គ្រោះជាតិ ដែលថាសហគមន៍ប្រទេសជឿនលឿនចំនួន២៨ប្រទេសនេះនឹងដកហូតជំនួយដល់ ប្រទេសកម្ពុជាជាង៤០០លានដុល្លារនោះ កូនប្រុសច្បងលោកនាយករដ្ឋមន្ត្រី ហ៊ុន សែន គឺលោកហ៊ុន ម៉ាណែត បានចាកចេញពីប្រទេសកម្ពុជាទៅកាន់ប្រទេសអឺរ៉ុបចំនួន៤។
ការធ្វើដំណើររបស់លោក ហ៊ុន ម៉ាណែត អមដោយប្រតិភូយុវជនមួយក្រុម កាលពីល្ងាចថ្ងៃសុក្រម្សិលមិញ ទៅកាន់ប្រទេសបារាំង ប៊ែលហ្សិក អាឡឺម៉ង់ និងស្វីស នៅពេលនេះ ត្រូវគេមើលឃើញថាជាផ្នែកមួយនៃការឆ្លើយតបទៅវិញពីសកម្មភាព របស់មេដឹកនាំគណបក្សប្រឆាំងលោក សម រង្សី ដែលបានស្វះស្វែងរកអន្តរាគមន៍ពីប្រទេសទាំងនោះ ដើម្បីឲ្យប្រព័ន្ធច្បាប់រដ្ឋាភិបាលក្រុងភ្នំពេញលើកលែងការចាប់ ខ្លួនលោក និងសកម្មជន និងបើកផ្លូវឲ្យលោកចូលមកប្រទេសកម្ពុជាដើម្បីធ្វើសកម្មភាពនយោបាយ ឡើងវិញ។
ដោយមិនបានលើកឡើងចំៗលោក ហ៊ុន ម៉ាណែត បានប្រាប់អ្នកសារព័ត៌មាននៅព្រលានយន្តហោះអន្តរជាតិភ្នំពេញថាគោល បំណងរបស់លោកគឺដើម្បីជួបជាមួយពលរដ្ឋខ្មែរនៅប្រទេសទាំងនោះ ជួបជាមួយសមាជិកគាំទ្រគណបក្សប្រជាជន និងជួបជាមួយមន្ត្រីអឺរ៉ុប ដែលធ្វើការងារទាក់ទងទៅនឹងសមាគមខ្មែរនៅទីនោះ។មួយវិញទៀត ទស្សនកិច្ចចំនួន១១ថ្ងៃនេះ នឹងពិនិត្យមើលផងដែរពីលទ្ធភាពនៃការភ្ជាប់ទំនាក់ទំនងទីក្រុងមួយ ចំនួនពីប្រទេសផ្សេងៗតាមរូបភាពវប្បធម៌និងអប់រំជាមួយនឹងយុវជន។ នេះបើតាមលោក ហ៊ុន ម៉ាណែត។
បើទោះណាជាលោក ម៉ាណែត មិនបានបញ្ជាក់ចំៗយ៉ាងណាក៏ដោយទាក់ទងទៅនឹងគោលបំណងធំនៃការទៅ កាន់ប្រទេសដែលជាក្បាលម៉ាស៊ីនអឺរ៉ុបនោះ ក៏ប៉ុន្តែលោក សុខ ឥសាន អ្នកនាំពាក្យគណបក្សប្រជាជនកម្ពុជាបានបញ្ជាក់ប្រាប់វិទ្យុបារាំង RFI ថាដំណើររបស់លោក ហ៊ុន ម៉ាណែត ទៅប៉ែកអឺរ៉ុបអាចចាត់ទុកថាជាយុទ្ធនាការឃោសនាស្តីពីនយោបាយ សេដ្ឋកិច្ច និងសង្គម ពិតប្រាកដរបស់កម្ពុជាដល់ពលរដ្ឋខ្មែរដែលរស់នៅឯនាយសមុទ្រ។
មិនច្បាស់ថាក្រុមប្រតិភូយុវជនដែលដឹកនាំដោយកូនប្រុសលោកនាយករដ្ឋ មន្ត្រី នឹងមានជំនួបជាមួយមន្ត្រីផ្លូវការនៃបណ្តាប្រទេសសហភាពអឺរ៉ុបទាំង នោះទេ ក៏ប៉ុន្តែលោក សុខ ឥសាន មើលឃើញថា អាចនឹងមានជំនួបដោយផ្ទាល់ប្រសិនបើមានការអនុញ្ញាតនិងមានពេលវេលា សមស្រប។
សូមបញ្ជាក់ថាសភាសហភាពអឺរ៉ុបកាលពីថ្ងៃព្រហស្បតិ៍ បានបោះឆ្នោតលើសេចក្តីសម្រេចមួយ ដោយជំរុញឲ្យរដ្ឋាភិបាលកម្ពុជាលុបចោលបទចោទប្រកាន់នានាលើលោក សម រង្សី និងសកម្មជនបក្សប្រឆាំងដទៃទៀត ព្រមទាំងព្រមានថានឹងអាចលុបចោលជំនួយជាច្រើនលានដុល្លារសម្រាប់ ប្រទេសកម្ពុជាផងដែរ។ ក៏ប៉ុន្តែមន្ត្រីនៃរាជរដ្ឋាភិបាលកម្ពុជាប្រតិកម្មថានឹងមិនលក់ អធិតេយ្យ និងឯករាជ្យភាពរបស់ខ្លួនដើម្បីដោះដូរនឹងជំនួយបរទេសនោះទេ៕
Politizing over millions of the Khmer people's life [in favor of the few Viet's in Cambodia]? You tell us!
ReplyDelete