លោក ហ៊ុន សែន ហៅលោក សម រង្ស៊ី ថា ជាកូន របស់ ជនក្បត់ជាតិ [sic!]
[TREASON defined in the Criminal Code fits nicely Mr. Hun Sen, puppet of Vietnam]
RFA / វិទ្យុ អាស៊ី សេរី | ១២ វិច្ឆិកា ២០១៥
លោកនាយករដ្ឋមន្ត្រី ហ៊ុន សែន (ឆ្វេង) លោក សម រង្ស៊ី (ស្ដាំ) ប្រធានគណបក្សសង្គ្រោះជាតិ។ RFA
ប្រមុខ រដ្ឋាភិបាល បានផ្ញើសារ នយោបាយ ចុងក្រោយ របស់លោក ទៅកាន់ មេបក្សជំទាស់ ដែលអ្នកវិភាគ ចាត់ទុក ថា ជាសារ អសីលធម៌ និងមិនគួរ ឲ្យកើតមាន ឡើយ។ សារ ដែលលោក នាយករដ្ឋមន្ត្រី បានហៅលោក សម រង្ស៊ី មេបក្សប្រឆាំង ដែលអ្នកវិភាគ យល់ថា គំរោះគំរើយនោះ គឺ លោក ហ៊ុន សែន ហៅថា ជាកូន អាក្បត់ជាតិ។
ប្រតិកម្ម ជាថ្មីទៀត របស់លោក នាយករដ្ឋមន្ត្រី នៅពេលនេះ បានធ្វើ ឲ្យកម្ដៅ នយោបាយ ដែលមិនទាន់ ទាំងបាន ត្រជាក់ ទៅវិញ ស្រួលបួល ផងនោះ កើនឡើង មួយកម្រិត ថែមទៀត។
កម្ដៅ នយោបាយ ដែលបាន ផ្ទុះឡើង ជាថ្មីទៀត រហូត ធ្វើឲ្យ ថ្នាក់ដឹកនាំ ប្រទេស ប្រើប្រាស់ វង្សត្រកូល មកធ្វើ ជាល្បែង ម្ដងវិញនេះ ខណៈ ដែលមេដឹកនាំ បក្សជំទាស់ អំពាវនាវ ឲ្យប្រទេស ជប៉ុន ជួយបញ្ចុះ កម្ដៅ នយោបាយ នៅកម្ពុជា ដែលកំពុង តែ ឡើងអង្សា កាន់តែខ្លាំង ក្នុងដំណាក់កាល ចុងក្រោយនេះ។
កាលពីរាត្រី ថ្ងៃទី១១ ខែវិច្ឆិកា លោក ហ៊ុន សែន បានបញ្ចេញ សារនយោបាយ យ៉ាងពិស្ដារ របស់លោក នៅលើបណ្ដាញ សង្គម ហ្វេសប៊ុក (Facebook) ដោយហៅលោក សម រង្ស៊ី, ថា ជាកូន អាក្បត់ជាតិ។ បន្ថែម លើនេះ លោក នាយករដ្ឋមន្ត្រី បានផ្សាយផ្ទាល់ សារ ទាំងនោះ តាមហ្វេសប៊ុក របស់លោក នៅរសៀល ថ្ងៃទី១២ ខែវិច្ឆិកា នេះទៀត។
បើ ទោះជា បែបណា សម្រាប់ អ្នកវិភាគ នយោបាយ យល់ឃើញ ថា, បញ្ហានេះ រឹតតែរុញច្រានឲ្យកម្ពុជា ធ្លាក់ក្នុងភាពអាម៉ាស់កាន់តែខ្លាំងនៅលើឆាកអន្តរជាតិថែមទៀត។
លោក អ៊ូ វីរៈ ប្រធានអង្គការនៃវេទិកាអនាគត បង្ហាញការសោកស្ដាយដែលមេដឹកនាំកំពូលរបស់ប្រទេស ប្រើប្រាស់មធ្យោបាយនេះដើម្បីហេតុផលនយោបាយរបស់ខ្លួន។ លោកបន្តថា នេះជាគំរូដ៏អាក្រក់សម្រាប់មនុស្សជំនាន់ក្រោយទៀត ដែលម្នាក់ៗបានចម្លងទុកដោយមិនដឹងខ្លួន ជាពិសេសបានធ្វើឲ្យសីលធម៌កាន់តែធ្លាក់ចុះថែមទៀតផង។ មិនតែប៉ុណ្ណោះ លោក អ៊ូ វីរៈ ចាត់ទុកថា មេដឹកនាំទាំងពីរ លោករកពុំទាន់ឃើញថា បានប្រើប្រាស់ឥរិយាបថក្នុងសេចក្ដីថ្លៃថ្នូរ និងអាចជឿទុកចិត្តបាននៅឡើយទេ សម្រាប់គំរូនៃការដឹកនាំប្រទេស។
លោក ហ៊ុន សែន បានព្រមាន និងបានសុំទោសប្រជាពលរដ្ឋខ្មែរគ្រប់រូបនៅក្នុងសារនយោបាយរបស់លោក និងស្នើឲ្យវិនិច្ឆ័យចុះ ថាតើនរណាបង្កហេតុ ហើយបើមានអ្វីកើតឡើង សូមកុំបន្ទោសលោកថាប្រើពាក្យអសុរោះ។
បើទោះជាបែបនេះក៏ដោយចុះ អតីតសមាជិកក្រុមប្រឹក្សាធម្មនុញ្ញ លោក សឺន ស៊ូប៊ែរ្តិ៍ យល់ឃើញថា លោកនាយករដ្ឋមន្ត្រីហាក់ដូចជាអំនួតសម្បើមណាស់ ដែលលោក ហ៊ុន សែន ទំនងជាឆាប់ភ្លេចប្រវត្តិសាស្ត្រខ្លួនឯង ដែលទើបតែចប់ទៅកាលពីជាង ២០ឆ្នាំមុន ក្រោយចាញ់ឆ្នោតឆ្នាំ១៩៩៣។ លោកបន្ថែមថា លោក ហ៊ុន សែន នៅពេលនោះព្យាយាមបង្កើតតំបន់អបគមន៍ប្រឆាំងលទ្ធផលឆ្នោតនៅតាមបណ្ដា ខេត្តមួយចំនួននៃភាគខាងកើតប្រទេសកម្ពុជា។
លោក សឺន ស៊ូប៊ែរ្តិ៍ ឲ្យដឹងទៀតថា អ្នកដែលក្បត់ជាតិនោះ គួរជាមេដឹកនាំបច្ចុប្បន្នវិញ ព្រោះមានបទល្មើសជាច្រើនសំណុំរឿង ដូចជាបន្តបង្ហូរជនអន្តោប្រវេសន៍ខុសច្បាប់មកកម្ពុជា និងព្រមានលុបចោលរបបរាជានិយមជាដើម។
វិទ្យុអាស៊ីសេរី ពុំទាន់អាចទាក់ទងលោក សម រង្ស៊ី ដើម្បីឆ្លើយតបការចោទប្រកាន់នេះបានភ្លាមៗទេ នៅថ្ងៃទី១២ ខែវិច្ឆិកា។
ជុំវិញរឿងនេះ លោក សឺន ស៊ូប៊ែរ្តិ៍ ថ្លែងថា ថ្វីបើពុំមានឯកសារដែលបញ្ជាក់ពីសាវតាររបស់លោក សម សារី ឪពុករបស់លោក សម រង្ស៊ី ឲ្យបានច្បាស់លាស់ក្ដី រឿងនេះវាពុំមានជាប់ពាក់ព័ន្ធនឹងទោសក្បត់ជាតិដូចការចោទប្រកាន់ ទេ។ បន្ថែមពីលើនេះ លោកអះអាងថា ហេតុផលដែលនាំឲ្យមានការសង្ស័យលោក សម សារី ក្បត់ជាតិ វាជានយោបាយសុទ្ធសាធ ដោយសារឥទ្ធិពលមហាអំណាចពីរធំៗកាលណោះ គឺប្លុកកុម្មុយនិស្ត និងប្លុកលោកសេរី។ ម្យ៉ាងវិញទៀត លោក សម សារី ត្រូវគេរកឃើញថា មាននិន្នាការទៅរកលោកសេរីច្រើនជាង ហេតុនេះទើបជាប់សង្ស័យថា ជាមនុស្សក្បត់ជាតិ។
យ៉ាងណាអត្ថបទដែលលោក ហ៊ុន សែន បានបង្ហោះដោយពេបជ្រាយឲ្យលោក សម រង្ស៊ី ថា មិនគួរប្រៀបធៀបជោគជ័យនៃលទ្ធផលឆ្នោតនៅមីយ៉ាន់ម៉ា ឬ ភូមា ព្រោះភូមា មិនដែលបោះឆ្នោត រីឯកម្ពុជា បោះ ៥ដងរួចមកហើយ។ ម្យ៉ាងវិញទៀត បោះឆ្នោតនៅភូមា ឆ្នាំ២០១៥ រីឯកម្ពុជា បោះឆ្នោតឆ្នាំ២០១៨។ លើសពីនេះទៀត មានអត្ថបទប្រៀបធៀបមួយដែលលោក ហ៊ុន សែន អះអាងថា មិនទាន់ពេញលេញចេញពីប្រភពណា ប៉ុន្តែអាចជាមូលដ្ឋានឲ្យយល់ពី អ៊ុង សាន សូជី (Aung San Suu Kyi) និង សម រង្ស៊ី។ អត្ថបទប្រៀបធៀបនោះដាក់ថា «អ៊ុង សាន សូជី មានឪពុកជាអ្នកស្នេហាជាតិ រំដោះជាតិពីអាណានិគមនិយម ដោយឡែកលោក សម រង្ស៊ី វិញមានឪពុកជាជនក្បត់ជាតិ ទោសប្រហារជីវិត និងរត់ចោលស្រុកជាដើម៕»
តើឪ សំ រង្ស៊ី ក្បត់ជាតិមែនឬ? នេះបានន័យថា សំរង្ស៊ី ក៍ក្បត់ជាតិដែរឬ? បានជាលើកមកនិយាយនោះ? ចុះ ហ៊ុន សែន វាដូចម្តេច? វារីកចម្រើនហ៊ួសេពីការស្មាន ចំពោះយួន តាំងពីគ្មានរហូតដល់រាប់លានតែក្នុងរយកាល ហ៊ុន សែន កាន់អំណាច ទឹកដីយួនសៀមយក តែស្ងាត់ឈឹង ចយដឹកអើយ ម្តងនេះសំ រង្ស៊ី រកពាក្យនិយាយគ្មានទេ ចយដឺកអើយ ហ៊ុន សែនគឺចង់ថា កូនក៍ដូចឪដែរ ចយដឹកអើយ ព្រោះ សំ រង្ស៊ីថាចង់ធ្វើដូច ភូមា តែមិនទានើបានធ្វើផង វដល់កទៅហើយ តែបើសង្រ្គោះជាតិឈ្នះឆ្នៅត មិនដឺងយ់ាងណាទេ ចយដឹកហើយមើលទៅ ថាហើយយួនគេចាក់អាខ្វាក់ឲ្យវាលោតអញ្ចឹងណា រឿងអីក៍វាធ្វើដែរ ម្តងនេះច្បាស់ ជា ចយដឺកមែនទានហើយមើលទៅ ។
ReplyDelete