Threat alert! Threat alert!
លោក នាយករដ្ឋមន្រ្តី ហ៊ុន សែន ថ្លែង កាលពីថ្ងៃ ព្រហស្បតិ៍
លោក ហ៊ុន សែន អំពាវនាវ ឲ្យអ្នក គាំទ្រ ត្រៀមខ្លួន ឆ្លើយតប ទៅនឹងសកម្មភាព របស់ បក្សប្រឆាំង
VOD / វីអូឌី | ១៣ វិច្ឆិកា ២០១៥
លោក
នាយករដ្ឋមន្ត្រី ហ៊ុន សែន
បានអំពាវនាវ ឲ្យអ្នកគាំទ្រ រដ្ឋាភិបាល ក៏ដូច ជាអ្នក គាំទ្រ គណបក្សប្រជាជន កម្ពុជា ត្រៀមខ្លួន តទល់ ជាមួយ សកម្មភាព គណបក្ស សង្រ្គោះជាតិ
ដែលលោក ចាត់ទុក ការត្រៀមខ្លួន តទល់ គ្នានេះ ថា ជាការ ប្រើសិទ្ធិ ទល់
នឹងសិទ្ធិ។
លោក ហ៊ុន សែន
បានថ្លែង បែបនេះ តាមរយៈ ការផ្សាយផ្ទាល់ នៅលើទំព័រ ហ្វេសប៊ុក របស់លោក
នៅរសៀល ថ្ងៃទី១២ ខែវិច្ឆិកា ឆ្នាំ២០១៥។
លោក បានចោទប្រកាន់ ថា, គណបក្ស ប្រឆាំង ជាអ្នក រៀបចំ បាតុកម្ម ប្រឆាំងរូបលោក នៅទីក្រុង ញ៉ូយ៉ក និងបារីស
គ្រា ដែលលោក បានទៅ ចូលរួម កិច្ចប្រជុំ អង្គការ សហប្រជាជាតិ និងទស្សនកិច្ច ផ្លូវការ នៅប្រទេស បារាំង នាពេល កន្លងមក។
លោក ឲ្យដឹងដែរ ថា, បើសិនជា គ្មាន បាតុកម្ម ប្រឆាំង នឹងរូបលោក នៅក្រៅប្រទេស នោះទេ លោក ថា ក៏មិនមាន បាតុកម្ម ទាមទារ ឲ្យរដ្ឋសភា ទម្លាក់លោក កឹម
សុខា ពីតំណែង អនុប្រធាន ទី១ នៃរដ្ឋសភា កាលពីថ្ងៃ ទី២៦ ខែតុលា
ឆ្នាំ២០១៥ នោះទេ។
លោក ហ៊ុន សែន បានថ្លែងថា៖ «...ហើយ សូម អ្នកគាំទ្រ គណបក្ស ប្រជាជន,
អ្នក គាំទ្រ រាជរដ្ឋាភិបាល ត្រៀមខ្លួន
ដើម្បី ឆ្លើយតប ចំពោះ ទង្វើអាក្រក់ របស់ បក្សប្រឆាំង និងអ្នក គាំទ្រ របស់គេ,
មិនមែន ជាការក្តិច ចង្អា ប្រជល់គ្នា ទេ, ក៏ប៉ុន្តែ យើង ឆ្លើយតប សិទ្ធិ ទល់ នឹងសិទ្ធិ,
ច្បាប់ ទល់ នឹងបទល្មើស,
ប្រដាប់អាវុធ ទល់ នឹងអំពើ ដែលមាន ចរិត ជាការ ផ្តួលរំលំ។
នេះហើយ ជារបៀប គ្រប់គ្រង អំណាច។»
មន្ត្រីជាន់ខ្ពស់របស់
គណបក្សសង្រ្គោះជាតិ លោក អេង ឆៃអ៊ាង
មានប្រសាសន៍ថាសាររបស់លោកនាយករដ្ឋមន្ត្រីនេះជាសារចម្លែកមួយ
ដោយលោកបញ្ជាក់ថានៅពេលលោក ហ៊ុន សែន ថ្លែងសារនយោបាយអ្វីមួយនោះ
បើតាមលោកកត់សម្គាល់តែងតែមានហេតុការណ៍អាក្រក់ណាមួយកើតមានឡើងដូច
គ្នា។ លោកបានលើកជាឧទាហរណ៍ជាក់ស្តែងថាក្រោយពីលោក ហ៊ុន សែន
ថ្លែងសារមួយនៅទីក្រុងបារីស ក៏កើតមានបាតុកម្មមួយប្រឆាំងលោក កឹម
សុខា និងធ្វើឲ្យអ្នកតំណាងរាស្រ្តពីររូបរងអំពើហិង្សា។
លោកចាត់ទុកថាមានតែវប្បធម៌សន្ទនាទេ
ដែលអាចបន្ថូរបន្ថយស្ថានភាពតានតឹងផ្នែកនយោបាយនេះបាន។
លោកថាអ្នកនយោបាយគួរតែជួបពិភាក្សាគ្នាជាជាងការឆ្លើយឆ្លងគ្នាទៅ
វិញទៅមកពីចម្ងាយដូចនេះ។
លោក អេង ឆៃអ៊ាង
ឲ្យដឹងទៀតថាបើសិនជាអ្នកនយោបាយយកចិត្តទុកដាក់ពីសុខ
ទុក្ខរបស់ប្រជាពលរដ្ឋ
គឺអ្នកនយោបាយត្រូវជួបពិភាក្សាគ្នាដើម្បីបន្ថូរបន្ថយភាពតានតឹង
ផ្នែកនយោបាយ។ លោកបន្ថែមថា៖ «បើយើងចង់គិតពីផលប្រយោជន៍ប្រទេស
ជាតិ ផលប្រយោជន៍ប្រជាពលរដ្ឋ
អ្នកនយោបាយគួរតែគិតមើលថាយើងត្រូវធ្វើអ្វី
ដើម្បីចម្រុងចម្រើនចំណេញ អ្នកនយោបាយត្រូវតែគិតបញ្ហាទាំងអស់ហ្នឹង
ព្រោះយើងធ្វើនយោបាយដើម្បីសេចក្តីសុខរបស់ប្រជាពលរដ្ឋ ប្រទេសជាតិ
បើធ្វើនយោបាយដើម្បីខ្លួនឯងអាហ្នឹងរឿងមួយផ្សេងទៀត។»
អ្នកវិភាគឯករាជ្យ លោក អ៊ូ វីរៈ
ចាត់ទុកសារនយោបាយរបស់នាយករដ្ឋមន្រ្តីជាសារនយោបាយគ្រោះថ្នាក់មួយ
ដែលលោកថាអាចធ្វើឲ្យមានការប៉ះទង្គិចគ្នារវាងអ្នកគាំទ្ររបស់គណបក្ស
ទាំងពីរ។ លោកបន្ថែមថា
សារនេះក៏ជាសារមួយព្រមានកុំឲ្យគណបក្សប្រឆាំងធ្វើបាតុកម្មផងដែរ។
លោកបន្តថាអ្នកនយោបាយគួរតែមានការជួបគ្នាដោះស្រាយបញ្ហានយោបាយ
ដើម្បីកុំឲ្យមានស្ថានភាពតានតឹងដូចសព្វថ្ងៃ។
លោកអះអាងថាបើស្ថានភាពនយោបាយនៅតែតានតឹងបែបនេះ
នឹងប៉ះពាល់ដល់បរិយាកាសវិនិយោគនៅកម្ពុជា។
លោកមានប្រសាសន៍ថា៖ «វាធ្វើឲ្យ
ប៉ះពាល់ខ្លាំងដល់ការវិនិយោគក្រៅប្រទេស ធ្វើឲ្យទំនិញថ្លៃខ្លាំង
មនុស្សទុកលុយ លែងហ៊ានចាយលុយ
...ប្រជាពលរដ្ឋខ្លះភ័យនាំគ្នាទុកលុយទៅ...ធ្វើឲ្យសេដ្ឋកិច្ច
ធ្លាក់ចុះ។»
សាររបស់លោកនាយករដ្ឋមន្ត្រីនេះ
ធ្វើឡើងបន្ទាប់ពីលោក សម រង្ស៊ីនិងលោក កឹម សុខា
កំពុងបំពេញទស្សនកិច្ចនៅប្រទេសជប៉ុន ដោយបានលើកឡើងពីបញ្ហានយោបាយនៅកម្ពុជា
ក្នុងនោះមានការបោះឆ្នោត
ហិង្សាលើតំណាងរាស្រ្តនិងការអំពាវនាវឲ្យសហគមន៍អន្តរជាតិដាក់សម្ពាធមកកម្ពុជាលើរបបដឹកនាំដោយលោកនាយករដ្ឋមន្រ្តី
ហ៊ុន សែន។
ប្រតិកម្មរបស់នាយករដ្ឋមន្រ្តីដែលធ្វើឲ្យការពង្រឹងវប្បធម៌សន្ទនាកាន់តែ
អាក្រក់ទៅ ធ្វើឡើងបន្ទាប់ពីមានការបោះឆ្នោតនៅប្រទេសមីយ៉ាន់ម៉ា
ដោយគណបក្សប្រឆាំងរបស់លោកស្រី អ៊ុង សានស៊ូជី បានទទួលជ័យជម្នះ៕
No comments:
Post a Comment