លោក សម រង្ស៊ី ចាត់ទុក ទង្វើ បក្សប្រជាជន ថា, ធ្វើរដ្ឋប្រហារ រដ្ឋធម្មនុញ្ញ
ប្រធាន គណបក្ស ប្រឆាំង រូបនេះ បានប្រដូច ទង្វើនេះ ទៅ នឹងព្រឹត្តិការណ៍ ថ្ងៃ៥-៦ ខែកក្កដា ឆ្នាំ១៩៩៧។
VOA / វីអូអេ | ១៩ វិច្ឆិកា ២០១៥
ភ្នំពេញ— លោក សម រង្ស៊ី
ប្រធាន គណបក្ស សង្គ្រោះជាតិ ថ្លែង នៅថ្ងៃពុធនេះ ថា, ទង្វើ គាបសង្កត់
មកលើ គណបក្ស ជំទាស់
រួមទាំង ការដក សមាជិកភាព របស់លោក ពីរដ្ឋសភា គឺ
«ជារដ្ឋប្រហារ រដ្ឋធម្មនុញ្ញ» ពីសំណាក់ គណបក្ស កាន់អំណាច
របស់លោក នាយករដ្ឋមន្ត្រី ហ៊ុន សែន។
លោក សម រង្ស៊ី សរសេរ ក្នុងទំព័រ ហ្វេសប៊ុក ផ្ទាល់ខ្លួន របស់លោក ថា, ការចាប់ខ្លួន សមាជិក ព្រឹទ្ធសភា ការវាយដំ លើអ្នក តំណាងរាស្ត្រ ពីររូប របស់ គណបក្ស ជំទាស់ នាំមុខ ស្ថាប័ន របស់ខ្លួន ការទម្លាក់ លោក កឹម សុខា ចេញ ពីតំណែង អនុប្រធាន រដ្ឋសភា និងការដក សមាជិកភាព រដ្ឋសភា របស់ រូបលោក កាលពីថ្ងៃច័ន្ទ គឺ ជា «ទង្វើ យ៉ាងយង់ឃ្នង» របស់ គណបក្ស ប្រជាជន កម្ពុជា មកលើ គណបក្ស ជំទាស់ របស់លោក ដែលរំលោភ កិច្ចព្រមព្រៀង នៃទីក្រុង ប៉ារីស ឆ្នាំ១៩៩១ និងរំលោភ លើរដ្ឋធម្មនុញ្ញ របស់ ប្រទេស កម្ពុជា។
លោក សម រង្ស៊ី សរសេរ ក្នុងទំព័រ ហ្វេសប៊ុក ផ្ទាល់ខ្លួន របស់លោក យ៉ាងដូច្នេះ ថា៖ «ទង្វើ ទាំងអស់នេះ ពីសំណាក់គណបក្សប្រជាជនកម្ពុជា គឺជារដ្ឋប្រហាររដ្ឋធម្មនុញ្ញ ដែលនាំមកនូវផលប៉ះពាល់ផ្លូវច្បាប់ និងផ្លូវនយោបាយ ដូចរដ្ឋប្រហារយោធា ដែលពួកគេបានធ្វើនៅថ្ងៃ ៥-៦ ខែកក្កដា ឆ្នាំ១៩៩៧ អញ្ចឹងដែរ។ ផលប៉ះពាល់ចម្បង គឺបំផ្លាញដំណើរការប្រជាធិបតេយ្យ ដែលមានធានាក្នុងកិច្ចព្រមព្រៀងសន្តិភាពទីក្រុងប៉ារីស ចុះហត្ថលេខាដោយ ១៨ ប្រទេសជាមិត្ត ដោយមានការគាំទ្រពីអង្គការសហប្រជាជាតិ ផងដែរ។ កិច្ចព្រមព្រៀងទីក្រុងប៉ារីស តម្រូវឲ្យប្រទេសកម្ពុជាប្រកាន់នូវរបបនយោបាយប្រជាធិបតេយ្យ សេរី ពហុបក្ស។»
កាលពី១៨ឆ្នាំមុន ភាពចម្រូងចម្រាសរវាង អ្នកគាំទ្រ ព្រះអង្គមា្ចស់នរោត្តមរណឫទ្ធិ អតីតនាយករដ្ឋមន្រ្តីទីមួយ នឹងលោកនាយករដ្ឋមន្រ្តីហ៊ុន សែន អតីតនាយករដ្ឋមន្រ្តីទីពីរ ក្នុងជួរដ្ឋាភិបាល អាណត្តិទី១ បានឈានដល់ ព្រឹត្តិការណ៍បង្ហូរឈាមគ្នាមួយកណ្តាលទីក្រុងភ្នំពេញ កាលពីថ្ងៃទី៥-៦ខែកក្កដាឆ្នាំ១៩៩៧។ ក្នុងនោះកងទ័ពនិងអ្នកដែលស្មោះត្រង់នឹងព្រះអង្គមា្ចស់នរោត្តម រណឫទ្ធិ ត្រូវបានបណ្តេញចេញពីជួររដ្ឋាភិបាល។ ក្រោយពីបានសាកកម្លាំងប្រដាប់អាវុធចំនួនពីរថ្ងៃ យ៉ាងតិចមានកងទ័ពដែលស្មោះត្រង់នឹងព្រះអង្គម្ចាស់ នរោត្តម រណឫទ្ធិ ចាប់ពីថ្នាក់ឧត្តមសេនីយ៍រហូតដល់ពលទាហានប្រមាណជាង១០០នាក់បាន ស្លាប់បាត់បង់ជីវិតនិងបានបាត់ខ្លួន។
លោក សម រង្ស៊ី ប្រធានគណបក្សជំទាស់ក៏បានចោទទង្វើរបស់គណបក្សកាន់អំណាចនាពេលថ្មីៗ នេះ គឺ «ឈានទៅដល់ការបញ្ចប់តួនាទីរបស់គណបក្សប្រឆាំងតែមួយគត់ ដែលមានអាសនៈក្នុងរដ្ឋសភា ហើយបង្ហាញថាប្រទេសកម្ពុជា បានវិលត្រឡប់ទៅរកប្រព័ន្ធបក្សតែមួយ ដូចមុនថ្ងៃចុះហត្ថលេខាលើកិច្ចព្រមព្រៀងសន្តិភាពទីក្រុង ប៉ារីសឆ្នាំ១៩៩១» ពេលដែលគណបក្ស កាន់អំណាចរបស់លោក ហ៊ុន សែនគ្រប់គ្រងប្រទេសក្រោយពេលការដួលរលំរបស់ ពួកខ្មែរក្រហម។
លោក សុខ ឦសាន្ត អ្នកនាំពាក្យរបស់គណបក្សកាន់របស់ របស់លោកនាយរដ្ឋមន្ត្រី ហ៊ុន សែន បានច្រានចោលការលើកឡើងនេះ ដោយថាការចាប់សមាជិកព្រឹទ្ធសភារបស់គណបក្សជំទាស់ គឺជារឿងក្លែងបន្លំឯកសារ តាមច្បាប់កម្ពុជា ការប្រើអំពើហិង្សាលើតំណាងរាស្ត្រគណបក្សសង្គ្រោះជាតិគឺមិនទាក់ ទងនឹងរឿងនយោបាយឬការធ្វើបាតុកម្មប្រឆាំងនឹងលោក កឹម សុខា នោះទេ។ ឯការទម្លាក់លោក កឹម សុខាអនុប្រធានគណបក្សជំទាស់គឺស្របតាមច្បាប់ និងការប្រព្រឹត្តិខុសរបស់លោកដែលយកតួនាទីរបស់រដ្ឋសភាទៅញុះញង់ ឲ្យមានការផ្តួលរំលំរដ្ឋាភិបាលលោក ហ៊ុន សែន។
លោក សុខ ឦសាន្ តបន្តថា៖ «រដ្ឋប្រហារហ្នឹងទាល់តែយើងប្រព្រឹត្តខុសពីរដ្ឋធម្មនុញ្ញ ដូចជាបញ្ហាប្រកាសផ្សាយ ពីការបញ្ចប់សិទ្ធិនិងបុព្វសិទ្ធ ក៏ដូចជាសមាជិកភាពរបស់គាត់ពីរដ្ឋសភារបស់គាត់ពីតំណាងរាស្ត្រហ្នឹង គឺថាគណៈកម្មាធិការអចិន្ត្រៃយ៍ដែលជាអង្គការកំពូលរបស់រដ្ឋសភាហ្នឹង លោកបានធ្វើការប្រជុំពិភាក្សាគ្នាត្រឹមត្រូវ ទី១ផ្អែកលើរដ្ឋធម្មនុញ្ញ ទី២ផ្អែកលើបទបញ្ជាផ្ទៃក្នុងរបស់រដ្ឋសភា និងទី៣ផ្អែកទៅលើច្បាប់ស្តីពីលក្ខខណ្ឌនៃតំណាងរាស្ត្រ។»
លោកបញ្ជាក់យ៉ាងដូច្នេះថា៖ «អញ្ចឹងហើយ ខ្ញុំយល់ថាហ្អាហ្នឹងជាចរិតធម្មតារបស់ឯកឧត្ដម សម រង្ស៊ីទៅហើយ។ យើងមិនគួរចាប់អារម្មណ៍អីខ្លាំងក្លានោះទេ ចរិតគាត់តែប៉ុណ្ណឹង។ អញ្ចឹងបានសម្តេចតេជោ ហ៊ុន សែន ថា ស្លឹកឈើជ្រុះមិនឆ្ងាយពីគល់ មិនឆ្ងាយពីគល់ហ្នឹងគឺមិនជ្រុះឆ្ងាយពីលោក សម សារីដែលជាឪពុកគាត់ហ្នឹង។»
លោក បណ្ឌិត Paul Chambers សាស្ត្រាចារ្យ ផ្នែកនយោបាយ នៃប្រទេស អាស៊ីអាគ្នេយ៍ របស់ សាកលវិទ្យាល័យ ឈៀងម៉ៃ ប្រទេស ថៃ យល់ទង្វើ ថ្មីៗ របស់ រដ្ឋបាល លោក ហ៊ុន សែន មុនពេល បោះឆ្នោត ឃុំ-សង្កាត់ នាឆ្នាំ២០១៧ និងការ បោះឆ្នោត ជ្រើសតាំង តំណាងរាស្ត្រ នាឆ្នាំ២០១៨ ខាងមុខ គឺ ជាដំណើរ ទៅរក ឯកបក្ស របស់ ប្រទេស កម្ពុជា ដែលលោក ហ៊ុន សែន និងក្លាយ ដូចជាលោក Robert Mugabe ប្រធានាធិបតី នៃប្រទេស Zimbabwe ក្នុងទ្វីប អាហ្រ្វិក ដែលកាន់ អំណាច ចាប់តាំង ពីឆ្នាំ១៩៨៧ មកនោះ។
លោក Paul Chambers បានសរសេរក្នុងសារអេឡិកត្រូឡិកឬអ៊ីមែលមកកាន់ VOA យ៉ាងដូច្នេះថា៖ «ខ្ញុំយល់ស្របដែរថា ប្រសិនបើ គណបក្សប្រជាជនកម្ពុជា ចង់បំបែកគណបក្សសង្គ្រោះជាតិ និង កម្ទេចថ្នាក់ដឹកនាំ ដើម្បីធានាឲ្យបាននូវជ័យជម្នះរបស់គណបក្សប្រជាជនកម្ពុជានាការ បោះឆ្នោត២០១៨។ វារឹតតែច្បាស់ថា លោក ហ៊ុន សែន ដូចជាលោក Robert Mugabe ក្នុងទ្វីបអាស៊ីអាគ្នេយ៍ យ៉ាងដូច្នេះដែរ។»
នយោបាយក្នុងប្រទេសកម្ពុជាបានប្រឈមនឹងភាពតានតឹងសារថ្មីបន្ទាប់ ពីមានការចាប់ឃុំខ្លួននិងកាត់ទោសសកម្មជននិងសមាជិកព្រឹទ្ធសភាមក ពីគណបក្សជំទាស់ការវាយប្រហារលើតំណាងរាស្ត្របក្សសង្គ្រោះជាតិ និង ការបោះឆ្នោតទម្លាក់លោក កឹម សុខា ចេញពីអនុប្រធានទី១នៃរដ្ឋសភា ការចេញដីកាចាប់ខ្លួន លោក សម រង្ស៊ី ប្រធានគណបក្សសង្គ្រោះជាតិនិងដករូបលោក ចេញពីរដ្ឋសភាជាដើម។ ដែលធ្វើឲ្យមានការរិះគន់ខ្លាំងៗនិងក្តីបារម្ភពីអង្គការសង្គម ស៊ីវិល ស្ថានទូតនានាក្នុងប្រទេសកម្ពុជា និងអង្គការសហប្រជាជាតិ អំពីដំណើរការប្រជាធិបតេយ្យក្នុងប្រទេសដ៏ក្រីក្រនេះ៕
លោក សម រង្ស៊ី សរសេរ ក្នុងទំព័រ ហ្វេសប៊ុក ផ្ទាល់ខ្លួន របស់លោក ថា, ការចាប់ខ្លួន សមាជិក ព្រឹទ្ធសភា ការវាយដំ លើអ្នក តំណាងរាស្ត្រ ពីររូប របស់ គណបក្ស ជំទាស់ នាំមុខ ស្ថាប័ន របស់ខ្លួន ការទម្លាក់ លោក កឹម សុខា ចេញ ពីតំណែង អនុប្រធាន រដ្ឋសភា និងការដក សមាជិកភាព រដ្ឋសភា របស់ រូបលោក កាលពីថ្ងៃច័ន្ទ គឺ ជា «ទង្វើ យ៉ាងយង់ឃ្នង» របស់ គណបក្ស ប្រជាជន កម្ពុជា មកលើ គណបក្ស ជំទាស់ របស់លោក ដែលរំលោភ កិច្ចព្រមព្រៀង នៃទីក្រុង ប៉ារីស ឆ្នាំ១៩៩១ និងរំលោភ លើរដ្ឋធម្មនុញ្ញ របស់ ប្រទេស កម្ពុជា។
លោក សម រង្ស៊ី សរសេរ ក្នុងទំព័រ ហ្វេសប៊ុក ផ្ទាល់ខ្លួន របស់លោក យ៉ាងដូច្នេះ ថា៖ «ទង្វើ ទាំងអស់នេះ ពីសំណាក់គណបក្សប្រជាជនកម្ពុជា គឺជារដ្ឋប្រហាររដ្ឋធម្មនុញ្ញ ដែលនាំមកនូវផលប៉ះពាល់ផ្លូវច្បាប់ និងផ្លូវនយោបាយ ដូចរដ្ឋប្រហារយោធា ដែលពួកគេបានធ្វើនៅថ្ងៃ ៥-៦ ខែកក្កដា ឆ្នាំ១៩៩៧ អញ្ចឹងដែរ។ ផលប៉ះពាល់ចម្បង គឺបំផ្លាញដំណើរការប្រជាធិបតេយ្យ ដែលមានធានាក្នុងកិច្ចព្រមព្រៀងសន្តិភាពទីក្រុងប៉ារីស ចុះហត្ថលេខាដោយ ១៨ ប្រទេសជាមិត្ត ដោយមានការគាំទ្រពីអង្គការសហប្រជាជាតិ ផងដែរ។ កិច្ចព្រមព្រៀងទីក្រុងប៉ារីស តម្រូវឲ្យប្រទេសកម្ពុជាប្រកាន់នូវរបបនយោបាយប្រជាធិបតេយ្យ សេរី ពហុបក្ស។»
កាលពី១៨ឆ្នាំមុន ភាពចម្រូងចម្រាសរវាង អ្នកគាំទ្រ ព្រះអង្គមា្ចស់នរោត្តមរណឫទ្ធិ អតីតនាយករដ្ឋមន្រ្តីទីមួយ នឹងលោកនាយករដ្ឋមន្រ្តីហ៊ុន សែន អតីតនាយករដ្ឋមន្រ្តីទីពីរ ក្នុងជួរដ្ឋាភិបាល អាណត្តិទី១ បានឈានដល់ ព្រឹត្តិការណ៍បង្ហូរឈាមគ្នាមួយកណ្តាលទីក្រុងភ្នំពេញ កាលពីថ្ងៃទី៥-៦ខែកក្កដាឆ្នាំ១៩៩៧។ ក្នុងនោះកងទ័ពនិងអ្នកដែលស្មោះត្រង់នឹងព្រះអង្គមា្ចស់នរោត្តម រណឫទ្ធិ ត្រូវបានបណ្តេញចេញពីជួររដ្ឋាភិបាល។ ក្រោយពីបានសាកកម្លាំងប្រដាប់អាវុធចំនួនពីរថ្ងៃ យ៉ាងតិចមានកងទ័ពដែលស្មោះត្រង់នឹងព្រះអង្គម្ចាស់ នរោត្តម រណឫទ្ធិ ចាប់ពីថ្នាក់ឧត្តមសេនីយ៍រហូតដល់ពលទាហានប្រមាណជាង១០០នាក់បាន ស្លាប់បាត់បង់ជីវិតនិងបានបាត់ខ្លួន។
លោក សម រង្ស៊ី ប្រធានគណបក្សជំទាស់ក៏បានចោទទង្វើរបស់គណបក្សកាន់អំណាចនាពេលថ្មីៗ នេះ គឺ «ឈានទៅដល់ការបញ្ចប់តួនាទីរបស់គណបក្សប្រឆាំងតែមួយគត់ ដែលមានអាសនៈក្នុងរដ្ឋសភា ហើយបង្ហាញថាប្រទេសកម្ពុជា បានវិលត្រឡប់ទៅរកប្រព័ន្ធបក្សតែមួយ ដូចមុនថ្ងៃចុះហត្ថលេខាលើកិច្ចព្រមព្រៀងសន្តិភាពទីក្រុង ប៉ារីសឆ្នាំ១៩៩១» ពេលដែលគណបក្ស កាន់អំណាចរបស់លោក ហ៊ុន សែនគ្រប់គ្រងប្រទេសក្រោយពេលការដួលរលំរបស់ ពួកខ្មែរក្រហម។
លោក សុខ ឦសាន្ត អ្នកនាំពាក្យរបស់គណបក្សកាន់របស់ របស់លោកនាយរដ្ឋមន្ត្រី ហ៊ុន សែន បានច្រានចោលការលើកឡើងនេះ ដោយថាការចាប់សមាជិកព្រឹទ្ធសភារបស់គណបក្សជំទាស់ គឺជារឿងក្លែងបន្លំឯកសារ តាមច្បាប់កម្ពុជា ការប្រើអំពើហិង្សាលើតំណាងរាស្ត្រគណបក្សសង្គ្រោះជាតិគឺមិនទាក់ ទងនឹងរឿងនយោបាយឬការធ្វើបាតុកម្មប្រឆាំងនឹងលោក កឹម សុខា នោះទេ។ ឯការទម្លាក់លោក កឹម សុខាអនុប្រធានគណបក្សជំទាស់គឺស្របតាមច្បាប់ និងការប្រព្រឹត្តិខុសរបស់លោកដែលយកតួនាទីរបស់រដ្ឋសភាទៅញុះញង់ ឲ្យមានការផ្តួលរំលំរដ្ឋាភិបាលលោក ហ៊ុន សែន។
លោក សុខ ឦសាន្ តបន្តថា៖ «រដ្ឋប្រហារហ្នឹងទាល់តែយើងប្រព្រឹត្តខុសពីរដ្ឋធម្មនុញ្ញ ដូចជាបញ្ហាប្រកាសផ្សាយ ពីការបញ្ចប់សិទ្ធិនិងបុព្វសិទ្ធ ក៏ដូចជាសមាជិកភាពរបស់គាត់ពីរដ្ឋសភារបស់គាត់ពីតំណាងរាស្ត្រហ្នឹង គឺថាគណៈកម្មាធិការអចិន្ត្រៃយ៍ដែលជាអង្គការកំពូលរបស់រដ្ឋសភាហ្នឹង លោកបានធ្វើការប្រជុំពិភាក្សាគ្នាត្រឹមត្រូវ ទី១ផ្អែកលើរដ្ឋធម្មនុញ្ញ ទី២ផ្អែកលើបទបញ្ជាផ្ទៃក្នុងរបស់រដ្ឋសភា និងទី៣ផ្អែកទៅលើច្បាប់ស្តីពីលក្ខខណ្ឌនៃតំណាងរាស្ត្រ។»
លោកបញ្ជាក់យ៉ាងដូច្នេះថា៖ «អញ្ចឹងហើយ ខ្ញុំយល់ថាហ្អាហ្នឹងជាចរិតធម្មតារបស់ឯកឧត្ដម សម រង្ស៊ីទៅហើយ។ យើងមិនគួរចាប់អារម្មណ៍អីខ្លាំងក្លានោះទេ ចរិតគាត់តែប៉ុណ្ណឹង។ អញ្ចឹងបានសម្តេចតេជោ ហ៊ុន សែន ថា ស្លឹកឈើជ្រុះមិនឆ្ងាយពីគល់ មិនឆ្ងាយពីគល់ហ្នឹងគឺមិនជ្រុះឆ្ងាយពីលោក សម សារីដែលជាឪពុកគាត់ហ្នឹង។»
លោក បណ្ឌិត Paul Chambers សាស្ត្រាចារ្យ ផ្នែកនយោបាយ នៃប្រទេស អាស៊ីអាគ្នេយ៍ របស់ សាកលវិទ្យាល័យ ឈៀងម៉ៃ ប្រទេស ថៃ យល់ទង្វើ ថ្មីៗ របស់ រដ្ឋបាល លោក ហ៊ុន សែន មុនពេល បោះឆ្នោត ឃុំ-សង្កាត់ នាឆ្នាំ២០១៧ និងការ បោះឆ្នោត ជ្រើសតាំង តំណាងរាស្ត្រ នាឆ្នាំ២០១៨ ខាងមុខ គឺ ជាដំណើរ ទៅរក ឯកបក្ស របស់ ប្រទេស កម្ពុជា ដែលលោក ហ៊ុន សែន និងក្លាយ ដូចជាលោក Robert Mugabe ប្រធានាធិបតី នៃប្រទេស Zimbabwe ក្នុងទ្វីប អាហ្រ្វិក ដែលកាន់ អំណាច ចាប់តាំង ពីឆ្នាំ១៩៨៧ មកនោះ។
លោក Paul Chambers បានសរសេរក្នុងសារអេឡិកត្រូឡិកឬអ៊ីមែលមកកាន់ VOA យ៉ាងដូច្នេះថា៖ «ខ្ញុំយល់ស្របដែរថា ប្រសិនបើ គណបក្សប្រជាជនកម្ពុជា ចង់បំបែកគណបក្សសង្គ្រោះជាតិ និង កម្ទេចថ្នាក់ដឹកនាំ ដើម្បីធានាឲ្យបាននូវជ័យជម្នះរបស់គណបក្សប្រជាជនកម្ពុជានាការ បោះឆ្នោត២០១៨។ វារឹតតែច្បាស់ថា លោក ហ៊ុន សែន ដូចជាលោក Robert Mugabe ក្នុងទ្វីបអាស៊ីអាគ្នេយ៍ យ៉ាងដូច្នេះដែរ។»
នយោបាយក្នុងប្រទេសកម្ពុជាបានប្រឈមនឹងភាពតានតឹងសារថ្មីបន្ទាប់ ពីមានការចាប់ឃុំខ្លួននិងកាត់ទោសសកម្មជននិងសមាជិកព្រឹទ្ធសភាមក ពីគណបក្សជំទាស់ការវាយប្រហារលើតំណាងរាស្ត្របក្សសង្គ្រោះជាតិ និង ការបោះឆ្នោតទម្លាក់លោក កឹម សុខា ចេញពីអនុប្រធានទី១នៃរដ្ឋសភា ការចេញដីកាចាប់ខ្លួន លោក សម រង្ស៊ី ប្រធានគណបក្សសង្គ្រោះជាតិនិងដករូបលោក ចេញពីរដ្ឋសភាជាដើម។ ដែលធ្វើឲ្យមានការរិះគន់ខ្លាំងៗនិងក្តីបារម្ភពីអង្គការសង្គម ស៊ីវិល ស្ថានទូតនានាក្នុងប្រទេសកម្ពុជា និងអង្គការសហប្រជាជាតិ អំពីដំណើរការប្រជាធិបតេយ្យក្នុងប្រទេសដ៏ក្រីក្រនេះ៕
No comments:
Post a Comment