អង្គការ មួយ របស់ អ.ស.ប. ទាមទារ ឱ្យដោះលែង មេបក្ស ប្រឆាំង នៅម៉ាឡេស៊ី ដោយគ្មាន លក្ខខណ្ឌ | A UN agency demand unconditional release of Malaysian opposition leader

អង្គការ មួយ របស់ អ.ស.ប. ទាមទារ ឱ្យដោះលែង មេបក្ស ប្រឆាំង នៅម៉ាឡេស៊ី ដោយគ្មាន លក្ខខណ្ឌ​

មេបក្សប្រឆាំង លោក អាន់វ៉ា អ៊ី​ប្រាហ៊ីម (រូបភាព ពីwww.cna.com)

VOD / វីអូឌី | ៥ វិច្ឆិកា ២០១៥

អង្គការ អន្ដរជាតិ មួយ ទាមទារ ឲ្យរដ្ឋាភិបាល ម៉ាឡេស៊ី ដោះលែង មេបក្សប្រឆាំង អាន់វ៉ា អ៊ី​ប្រាហ៊ីម ជាបន្ទាន់ និងគ្មាន លក្ខខណ្ឌ ព្រោះ​ អង្គការនេះ ចាត់ទុក ការឃុំខ្លួន និងការ កាត់ទោស មេបក្សប្រឆាំង រូបនេះ ថា, ការរំលោភ​ លើច្បាប់ អន្ដរជាតិ និងជារឿង នយោបាយ។

ការទទូច របស់ ក្រុមការងារ ដើម្បី ប្រឆាំង ការឃុំខ្លួន ដោយកំរោល ​ដែលជាសាខា មួយ របស់ ក្រុមប្រឹក្សា សិទ្ធិ​មនុស្ស​​​ អង្គ​ការ​ សហប្រជា​ជាតិ បានលើកឡើង ថា, គេ បានរកឃើញ ភស្តុតាង មួយចំនួន គឺ ពួកចៅក្រម​ និង​រដ្ឋអាជ្ញា​ របស់ ប្រទេស​ ម៉ាឡេស៊ី បានជំនុំ​ជម្រះ​ក្ដី ប្រឆាំងលោក អាន់វ៉ា អ៊ី​ប្រាហ៊ី​ម ដោយ​សារ​ តែ​ រឿង​នយោបាយ ​និងការគុំគួន ខាងនយោបាយ។

អង្គការ អន្ដរជាតិនេះ បានដាក់សំណើ ទៅកាន់ រដ្ឋាភិបាល របស់ នាយករដ្ឋមន្ដ្រី ណាជិព រ៉ាហ្សាក់ បានទាមទារ ឲ្យដោះលែង លោក អាន់វ៉ា អ៊ី​ប្រាហ៊ីម ជាបន្ទាន់, ហើយ ផ្ដល់សិទ្ធ នយោបាយ ទាំងអស់ ជូនមេ បក្សប្រឆាំងនេះ ឡើងវិញ។

អង្គការដដែលនេះបាននិយាយថាការធ្វើទុកបុកម្នេញទៅលើលោកអាន់វ៉ាអ៊ី ​ ប្រាហ៊ីមបានរំលោភលើបំរាមអន្ដរជាតិដែលប្រឆាំងនិងការធ្វើទារុណកម្មនិងអំពើអមនុស្សធម៌មួយចំនួនទៀត។

លោកអាន់វ៉ាអ៊ីប្រាហ៊ីមត្រូវបានកាត់ទោសឲ្យជាប់ពន្ធាគារ5ឆ្នាំពីបទស្រលាញ់ភេទដូចគ្នាជាមួយនិងអង្គរក្សម្នាក់របស់ខ្លួនកាលលោកជាឧបនាយករដ្ឋមន្ដ្រីម៉ាឡេស៊ីកាលពីឆ្នាំ២០០០។

បើទោះជាយ៉ាងនេះក្ដីគេពុំឃើញមានប្រតិកម្មណាមួយពីរដ្ឋាភិបាលម៉ាឡេស៊ីចំពោះការលើកឡើងរបស់ក្រុមការងារដើម្បីប្រឆាំងការឃុំខ្លួនដោយកំរោលរបស់អង្គការសហប្រជាជាតិនេះទេ៕