អ្នកនាំពាក្យ ក្រសួង ការបរទេស វៀតណាម លោក Le Hai Binh (រូបថត ដោយVNA)
វៀតណាម អះអាង ថា, មានឯកសារ គ្រប់គ្រាន់ ក្នុងការ គ្រប់គ្រងដី នៅតំបន់ ដាក់ដាំ ដែលកំពុង ចម្រូងចម្រាស
VOD / វីអូឌី |២ វិច្ឆិកា ២០១៥
អ្នកនាំពាក្យ
ក្រសួង ការបរទេស វៀតណាម លោក Le Hai Binh
បានអះអាង កាលពីថ្ងៃចន្ទ ថា, ភាគី វៀតណាម មានឯកសារ គ្រប់គ្រាន់ ក្នុងការ
គ្រប់គ្រងដី នៅដាក់ដាំ ក្នុងខេត្ត មណ្ឌលគិរី
ដែលរដ្ឋាភិបាល កម្ពុជា កំពុង តែ បារម្ភថា នឹងបាត់បង់ ដី នៅតំបន់នោះ។
លោក Le Hai Binh
ប្រាប់អ្នកសារព័ត៌មានក្នុងប្រទេសវៀតណាមបែបនេះ ជាការឆ្លើយតបនឹងលោក
នាយករដ្ឋមន្រ្តី ហ៊ុន សែន ដែលបានទម្លាយកាលពីថ្ងៃទី២៥ ខែតុលា
ឆ្នាំ២០១៥
ថាភាគីវៀតណាមបានសុំចែកទឹកដីនៅតំបន់ដាក់ដាំដាក់ហ៊ូត៥១គីឡូម៉ែត្រ
ការ៉េ។ លោក ហ៊ុន សែន បានថ្លែងថា៖ «វៀតណាមដំបូង គេបន្ថយជំហរ
ឥឡូវសុំចែកគ្នា អាហ្នឹងក្រៅផ្លូវការទេ គេថាសុំចែកគ្នា គេឲ្យយើង៤០ភាគរយ
គេយក៦០ភាគរយ ខ្ញុំថាអត់ទេ ខ្ញុំត្រូវការទាំងអស់ហ្មង
ព្រោះដីដូនតាខ្ញុំ។»
សារព័ត៌មានវៀតណាម www.vietnamplus.vn បានដកស្រង់សម្តីរបស់លោក Le Hai Binh ថា, ប្រទេស វៀតណាមមាន «អធិបតេយ្យភាព ពេញលេញ» ទៅលើដីនៅតំបន់ព្រំដែន
ដាក់ដាំក្នុងខេត្តដាក់ណងនៃប្រទេសវៀតណាម
ដែលជាប់នឹងព្រំដែនខេត្តមណ្ឌលគិរីនៃប្រទេសកម្ពុជា។
នៅពេលអ្នកសារព័ត៌មានសួរពីការលើកឡើងរបស់លោក ហ៊ុន សែន លោក Le Hai Binh
បានឆ្លើយតបថាភាគីវៀតណាមកំពុងតែផ្ទៀងផ្ទាត់នូវការអះអាងនេះ។
បើតាមការដកស្រង់សម្តីរបស់សារព័ត៌មានវៀតណាម លោក Le Hai Binh បានសង្កត់ធ្ងន់ ថា, ប្រទេស វៀតណាម មាន
«មូលដ្ឋាន ប្រវត្តិសាស្រ្ត និងច្បាប់ គ្រប់គ្រាន់ និងការគ្រប់គ្រង
ជាក់ស្តែង ក្នុងការបង្ហាញ ថា, វៀតណាម គ្រប់គ្រង អធិបតេយ្យភាព ពេញលេញ
ទៅលើដី នៅតំបន់ ដាក់ដាំ។»
ប្រធាន គណៈកម្មាធិការ ព្រំដែន កម្ពុជា លោក
វ៉ា គឹមហុង
ប្រាប់ វីអូឌី (VOD) នៅថ្ងៃអង្គារនេះ ថា, បើ តាមឯកសារ របស់ អគ្គទេសសាភិបាល បារំាង
ដី នៅតំបន់នោះ ជារបស់ កម្ពុជា។
លោក មានប្រសាសន៍ ថា៖ «យើង មានសេចក្តី សម្រេច របស់ អគ្គទេសាភិបាល បារំាង ឆ្នាំ១៩១៤
ដែលបញ្ជាក់ ថា, ខ្សែព្រំដែន នៅតំបន់នោះ ដើរតាម តំបន់ ព្រែក ដាក់ហ៊ូត
រហូត ដល់ព្រែក នេះទៀតផង។ ដូច្នេះ វាច្បាស់ ហើយ។
រួច សេចក្តីសម្រេច របស់ ទេសាភិបាល បារំាង នៅជំនាន់នោះ ជំនាន់ អាណានិគម, វា ជាច្បាប់
ដល់មានច្បាប់ ពីប្រទេស បារំាង យកទៅសម្រេច កាត់ដី តំបន់ ដាក់ដំា។
ដាក់ហ៊ូត វាជារបស់ កម្ពុជា រួចទៅហើយ។ ដូច្នេះ យក តែ សេចក្តី សម្រេច ឆ្នាំ១៩១៤
យកមក ជាអំណះអំណាង ច្បាប់រឹងមំា របស់យើង។»
នៅពេលសួរថាតើរដ្ឋាភិបាលកម្ពុជាមានគម្រោងប្តឹងទៅតុលាការអន្តរជាតិករណីនេះ
លោក វ៉ា គឹមហុង បានឆ្លើយថាកម្ពុជាមិនមានគម្រោងប្តឹងនោះទេ
ដោយថានឹងយកករណីនេះបន្តជជែកជាមួយភាគីវៀតណាមនៅពេលឆាប់ៗនេះ។
បើតាមលោក ហ៊ុន សែន
សេចក្តីសម្រេចរបស់អគ្គទេសាភិបាលបារាំងឆ្នាំ១៩១៤
បានចែងថាព្រំដែនកម្ពុជាវៀតណាមត្រូវដើរតាមព្រែកដាក់ហ៊ូត
ប៉ុន្តែលោកថាផែនទីដែលបារាំងគូសឲ្យ ដើរតាមព្រែកដាក់ដាំ
ដែលលោកថានឹងនាំឲ្យកម្ពុជាបាត់បង់ទឹកដី៥១គីឡូម៉ែត្រ។
ប៉ុន្តែលោកថាលោកនឹងតស៊ូ ដើម្បីបានទឹកដីទាំងនោះ។ លោក ហ៊ុន សែន
បន្តថាការប្តឹងទៅតុលាការយុត្តិធម៌អន្តរជាតិនឹងមិនអាចឲ្យកម្ពុជា
ឈ្នះនោះទេ។ លោកបានថ្លែងថា៖ «សុខចិត្តឈឺចាប់ខ្លួនឯង
ដើម្បីការពារទឹកដី ឲ្យគេជេរអីជេរទៅ។
ប៉ុន្តែ ឥឡូវ ខ្ញុំ លែងទូល ផែនដីនេះ ខ្លួនឯង, លែងរួចហើយ។
បក្សប្រឆាំង អ្នកបំផ្លាញ។»
តំណាងរាស្រ្តគណបក្សសង្រ្គោះជាតិ លោក
អ៊ុំ សំអាន ដែលអះអាងថាកម្ពុជាបាត់បង់ដីទៅវៀតណាម
មានប្រសាសន៍ថាបើតាមផែនទីដែលលោកទទួលបានពីអង្គការសហប្រជាជាតិ
ខ្សែបន្ទាត់ព្រំដែនខ្លះដើរតាមព្រែកដាក់ដាំនិងខ្លះទៀត
ដើរតាមព្រែកដាក់ហ៊ូត
ប៉ុន្តែលោកថាកម្ពុជាអាចប្រើសេចក្តីសម្រេចរបស់អគ្គទេសាភិ
បាលឥណ្ឌូចិនឆ្នាំ១៩១៤ មកដោះស្រាយជាមួយភាគីវៀតណាម
ដែលសម្រេចថាខ្សែបន្ទាត់ព្រំដែនទាំងអស់ត្រូវដើរតាមព្រែកដាក់ហ៊ូត។
លោកបន្តថាត្រូវតែមានការគូសផែនទីឬកំណត់ព្រំដែនឡើងវិញ
ឲ្យដើរតាមព្រែកដាក់ហ៊ូត តាមសេចក្តីសម្រេច របស់ អគ្គទេសាភិបាល បារាំង។
លោកមានប្រសាសន៍ថា៖ «ដោយសារអ្នក
បច្ចេកទេសបារាំង
គាត់គូសផែនទីហ្នឹងមិនបានមើលទៅតាមសេចក្តីសម្រេចរបស់អគ្គទេសាភិបាលបារាំង
ប្រចាំនៅឥណ្ឌូចិន ដូច្នេះត្រូវគូសផែនទីឬកំណត់ព្រំដែនសាឡើងវិញ
ទៅតាមព្រែកដាក់ហ៊ូត មិនមែនដើរព្រែកដាក់ដាំទេ។
អញ្ចឹងការទាមទាររបស់រដ្ឋាភិបាគឺការត្រឹមត្រូវហើយ
ដែលយើងមិនត្រូវចែកដីហ្នឹងជាមួយយួនហ្នឹង។»
លោក អ៊ុំ សំអាន បន្ថែមថា៖ «ប្រសិនបើអត់មានដំណោះស្រាយ លោក ហ៊ុន សែន ត្រូវប្តឹងករណីហ្នឹងទៅតុលាការយុត្តិធម៌អន្តរជាតិ(ICJ)នៅទីក្រុងឡាអេ។»
លោក បន្តថា, ភាគី កម្ពុជា ក៏អាច ប្តឹងទៅ ប្រទេស ហត្ថលេខី
នៃកិច្ចព្រមព្រៀងទីក្រុងប៉ារីសឆ្នាំ១៩៩១ផងដែរ
ដោយសារវៀតណាមជាហត្ថលេខីមួយនៃកិច្ចព្រមព្រៀងនេះ៕
Bravo ah HUN SEN...now you are undoubtedly VIET/YUON 's slave to the eternity!!!
ReplyDelete