សមត្ថកិច្ច ថា, កម្មករ យ៉ាងតិច ៤នាក់ ស្លាប់ និងរងរបួស ៦៧នាក់ ករណី រថយន្ត ដឹកកម្មករ ជែងគ្នា
(រូបថតពីហ្វេសប៊ុក)
សមត្ថកិច្ច ឲ្យដឹង ថា, កម្មករ កាត់ដេរ យ៉ាងតិច ៤នាក់ ស្លាប់ និង៦៧នាក់ ផ្សេងទៀត រងរបួស
ធ្ងន់ និងស្រាល
ក្នុងហេតុការណ៍ រថយន្ត ដឹកកម្មករ ប៉ះគ្នា ជាមួយ រថយន្ត ដឹកកម្មករ ដូចគ្នា
នៅលើកំណាត់ ផ្លូវលេខ៤១ ក្នុងស្រុក គងពិសី ខេត្ត កំពង់ស្ពឺ។
អធិការស្រុកគងពិសី លោក ឃឹម សុផាន់រ៉ា ប្រាប់វីអូឌី(VOD)នៅព្រឹកថ្ងៃអង្គារនេះថាហេតុការណ៍នេះកើតឡើងនៅម៉ោង ប្រហែលជា៦និង៣០នាទីព្រឹក នៅលើកំណាត់ផ្លូវជាតិលេខ៤១ ចន្លោះគីឡូម៉ែត្រលេខ៩ និងលេខ១០ ក្នុងឃុំរកាកោះ ស្រុកគងពិសី ខេត្តកំពង់ស្ពឺ។ លោកបញ្ជាក់ថាគ្រោះថ្នាក់ចរាចរណ៍នេះកើតឡើងដោយថាការបើកជែងគ្នា រវាងរថយន្តដឹកកម្មករទាំងពីរ។
លោកឲ្យដឹងទៀតថាកម្មការិនី៤នាក់បាន
ស្លាប់នៅនឹងកន្លែងកើតហេតុនិងកម្មករប្រុសស្រី៦៧នាក់ផ្សេងទៀតរងរបួស
ធ្ងន់និងស្រាល ហើយត្រូវបានដឹកបញ្ជូនទៅកាន់មន្ទីរពេទ្យ។
លោកបន្តថាសាកសពជនរងគ្រោះត្រូវបញ្ជូនទៅឲ្យក្រុមគ្រួសារដែល
ពីរនាក់នៅក្នុងស្រុកបសេដ្ឋនិងពីរនាក់នៅក្នុងស្រុកគងពិសី។
លោក ឃឹម សុផាន់រ៉ា
បញ្ជាក់ថាអ្នកបើកបរបានគេចខ្លួនក្រោយមានហេតុការណ៍កើតឡើង
ហើយលោកថាសមត្ថកិច្ចកំពុងស្វែងរកអ្នកបើកបរទាំងពីរនាក់នោះ។
ប្រធានសហព័ន្ធសហជីពមិត្តភាពកម្មករ
លោក សៀង សម្បត្តិ
ឲ្យដឹងថាកម្មករដែលធ្វើដំណើរលើរថយន្តទាំងពីរធ្វើការនៅក្នុងរោង
ចក្រណៅខប(Now Corp)។
លោកបន្តថាកម្មករដែលរងរបួសត្រូវបញ្ជូនទៅសង្គ្រោះនៅមន្ទីរពេទ្យ
ផ្សារថ្នល់ទទឹងនិងទីរួមខេត្តកំពង់ស្ពឺ។ ទោះយ៉ាងណា
លោកថាព័ត៌មានបឋមដែលលោកទទួលបានពីក្រុមការងាររបស់លោកនៅបម្រើ
ការនៅក្នុងរោងចក្រនោះឲ្យដឹងថាចំនួនអ្នករបួសធ្ងន់
និងស្រាលមានចំនួជិត៦៧នាក់។
លោក សៀង ពុទ្ធី
កម្មករដែលឃើញហេតុការណ៍នោះ
ប្រាប់វីអូឌី(VOD)ថារថយន្តដែលលោកជិះទៅធ្វើការ
មានគ្នាប្រហែលជា៤០នាក់និងរថយន្តមួយទៀតមានគ្នាប្រហែលជា៧០ទៅ
៨០នាក់។
លោកបន្តថារថយន្តដែលដឹកកម្មករច្រើននោះបានបើកជែងរថយន្តដែល
លោកកំពុងជិះ
តែលោកថានៅពេលកំពុងបើកជែងក៏មានរថយន្តកូរ៉េផ្សេងមួយទៀតនៅខាង
មុខទិសដៅបញ្ច្រាសគ្នា ទើបធ្វើឲ្យម្ចាស់រថយន្តដែលបើកជែងនោះ
រេចង្កូតមកប៉ះជាមួយរថយន្តដែលលោកកំពុងជិះ។
លោកបញ្ជាក់ថារថយន្តដែលបើកជែងបានក្រឡាប់ធ្លាក់ប្រឡាយនិងបង្កឲ្យ
មានកម្មករស្លាប់។
លោកបន្ថែមថាកម្មការិនីក្នុងរថយន្តរបស់លោក២នាក់របួសធ្ងន់និង៨នាក់
របួសស្រាល។
លោកចាត់ទុកគ្រោះថ្នាក់ប៉ះគ្នានេះកើតឡើងពីការធ្វេសប្រហែសរបស់អ្នក
បើកបរ។
លោកបន្ថែមថា៖ "ហើយវាវ៉ាមកលើ
ផ្លូវឡើងទួល...ពេលវ៉ាអ៊ីចឹងថាអត់ឲ្យវាទៅលឿនទេ
ដ៏ពេលវ៉ាទៅវាគេចឡានមួយមកពីខាងជើងវ៉ាក់អើគ្នាទៅ
វាគេចមកទាក់កញ្ចក់ឡានខ្ញុំ ហើយទៅឡានជាប់គ្នាទៅ
អ៊ីចឹងទៅកាច់ចង្កូតទៅណាអត់រួច អានោះ(ឡាន)
បោកក្បាលទាញធ្លាក់ប្រឡាយទៅ...មកពីតៃកុង...វាវ៉ាអត់មើលថាគួរឡើង
វ៉ា មិនគួរឡើងវ៉ា”។
លោក សៀ ពុទ្ធី
ស្នើឲ្យរដ្ឋាភិបាលក៏ដូចជាក្រុមហ៊ុនចាត់ចែងឲ្យមានរថយន្តរបស់
ក្រុមហ៊ុនសម្រាប់ដឹកកម្មករពីផ្ទះមកកន្លែងធ្វើការនិងពីកន្លែង
ធ្វើការមកផ្ទះវិញនិងមានមនុស្សជិះយ៉ាងច្រើន៤០នាក់។
លោកថាធ្វើបែបនេះកម្មករអាចមានសុវត្ថិភាពក្នុងការធ្វើដំណើរ
ដែលលោកថាសព្វថ្ងៃកម្មករជួលរថយន្តជិះខ្លួនឯង
និងមានចំនួនអ្នកជិះច្រើន។
គួររំឭកថា កាលពីថ្ងៃទី១៩ ខែឧសភា ឆ្នាំ២០១៥ មានគ្រោះថ្នាក់ចរាចរណ៍មួយនៅខេត្តស្វាយរៀងដែលបង្កដោយរថយន្តក្រុងដឹកអ្នកដំណើរភ្នំពេញ-ហូជីមិញទៅលើរថយន្តតួរីស១៦កៅអីបណ្ដាលឲ្យកម្មករ១៨នាក់ស្លាប់ អ្នកបើករថយន្តទូរីសរបស់កម្មករស្លាប់និងកម្មករ២០នាក់ផ្សេងទៀតបានរងរបួស៕
No comments:
Post a Comment