ពលរដ្ឋ ៧០គ្រួសារ នៅស្រុក កែវសីមា បារម្ភ ខ្លាច អាជ្ញាធរ ដុតផ្ទះ អ្នកភូមិ
RFA / វិទ្យុ អាស៊ី សេរី | ២០ កុម្ភៈ ២០១៦
ប្រជាពលរដ្ឋព្នងភូមិចក់ចារ ឃុំស្រែឈូក ស្រុកកែវសីមា
ខេត្តមណ្ឌលគិរី លើកគ្នាមកតវ៉ាប្រឆាំងក្រុមហ៊ុន ប៊ិញ ភឿក១
ដែលនាំគ្រឿងចក្រឈូសឆាយដីសហគមន៍កាលពីថ្ងទី១៧ ខែធ្នូ ២០១៤។
Adhoc Photo
អាជ្ញាធរ ស្រុក កែវសីមា ខេត្ត មណ្ឌលគិរី
កំណត់ពេល ឲ្យអ្នកភូមិ ប្រមាណ ៧០គ្រួសារ
រុះរើផ្ទះ ចេញ ពីដី សាធារណៈ របស់រដ្ឋ នៅតំបន់ អភិរក្ស ជីវចម្រុះ
កែវសីមា ត្រឹមថ្ងៃ ទី២០ ខែកុម្ភៈ។
ប្រសិនបើ អ្នកភូមិ មិនរុះរើ ដោយខ្លួនឯង ទេ,
អាជ្ញាធរ នឹងអនុវត្ត វិធានការច្បាប់ ជាថ្មីទៀត។ ចំណែក មន្ត្រី ឃ្លាំមើល សិទ្ធិមនុស្ស អំពាវនាវ ឲ្យអាជ្ញាធរ ស្វែងរក
ដំណោះស្រាយ សន្តិវិធី កុំប្រើ អំពើហិង្សា ក្នុងការ អនុវត្តច្បាប់។
៣០ ភាគរយ នៃប្រជាពលរដ្ឋ ជាង៧០ គ្រួសារ ដែលបានមក តាំងទៅលំនៅ ចំណុច អូររយ៉ង់ និងអូរគគីរ ភូមិ ចក់ចារ ឃុំ ស្រែឈូក ស្រុក កែវសីមា ខេត្ត មណ្ឌលគិរី បានចាកចេញ ពីលំនៅឋាន ជាបណ្ដោះអាសន្ន ទៅរស់នៅ កន្លែង មានសុវត្ថិភាព ដោយភ័យខ្លាចអាជ្ញាធរមករុះរើដុតបំផ្លាញផ្ទះពួកគាត់កំពុងរស់នៅ និងចាប់ខ្លួនពួកគាត់។
កាលពីថ្ងៃទី៩ ខែកុម្ភៈ នាយផ្នែករដ្ឋបាលព្រៃឈើកែវសីមា បានចេញលិខិតជូនដំណឹងឲ្យប្រជាពលរដ្ឋដែលមកតាំងទីលំនៅលើដីព្រៃ សាធារណៈរបស់រដ្ឋ ហើយកាប់ឆ្ការព្រៃយកដីតាំងលំនៅឋានឲ្យរុះរើផ្ទះចេញចាប់ពីថ្ងៃ ជូនដំណឹងរហូតដល់ថ្ងៃទី២០ ខែកុម្ភៈ។ លិខិតជូនដំណឹងនេះមានចុះហត្ថលេខា និងបោះត្រាដោយអភិបាលស្រុក និងជាគណៈបញ្ជាការឯកភាពស្រុកកែវសីមា លោក ស៊ិន វណ្ណវុឌ្ឍ ឯកភាពឲ្យអនុវត្តសេចក្ដីជូនដំណឹងនេះ។
ប្រជាពលរដ្ឋរស់នៅភូមិចក់ចារ មួយរូប គឺលោក វ៉ា ថន ថ្លែងបញ្ជាក់ថា អ្នកភូមិគ្មានជម្រើសរុះរើលំនៅឋានទៅកន្លែងណាទៀតឡើយ ពីព្រោះពួកគាត់ជាប្រជាពលរដ្ឋចំណាកស្រុកបានមកតាំងទីលំនៅនៅតំបន់ នោះ៤ ទៅ ៥ឆ្នាំកន្លងទៅ ដោយសារតែគ្មានដីប្រកបរបរចិញ្ចឹមជីវិតនៅស្រុកកំណើត។ លោកបន្តថា ពួកគាត់កំពុងរស់នៅដោយភ័យខ្លាចអាជ្ញាធរប្រើអំពើហិង្សាដុតបំផ្លាញ ផ្ទះជាថ្មីដើម្បីបង្ខំឲ្យអ្នកភូមិចាកចេញ៖ «គ្រាន់តែ ឮថា មានសេចក្ដី ជូនដំណឹង ថា រុះរើផ្ទះចេញ គាត់នាំគ្នាគេចវេះខ្លាចគេចាប់ចងដោយសារភ័យខ្លាច គេធ្វើបាបគាត់គេចនៅជិតៗហ្នឹងមួយរយៈ។»
កាលពីខែមិថុនា ឆ្នាំ២០១៥ កងកម្លាំងចម្រុះស្រុកកែវសីមា បានរុះរើនិងដុតបំផ្លាញផ្ទះអ្នកភូមិនៅតំបន់ទាំងពីរអស់ជាង ១០ខ្នង បន្ទាប់ពីកំណត់វេលាឲ្យអ្នកភូមិរុះរើផ្ទះដូចគ្នានេះ ក៏ប៉ុន្តែអ្នកភូមិមិនព្រមចាកចេញ ហើយបន្តសង់លំនៅឋានស្នាក់នៅឡើងវិញ។
អភិបាលស្រុកកែវសីមា លោក ស៊ិន វណ្ណវុឌ្ឍ បានឆ្លើយបំភ្លឺនៅរសៀលថ្ងៃទី២០ ខែកុម្ភៈ នេះថា ប្រជាពលរដ្ឋដែលអាជ្ញាធរតម្រូវឲ្យរុះរើលំនៅឋាននេះ គឺជាក្រុមអនាធិបតេយ្យ តាមរយៈមេខ្យល់ដែលជំរុញឲ្យពួកគេមកកាប់រានព្រៃរដ្ឋយកដី ហើយលក់ដូរពីម្នាក់ទៅម្នាក់ ក្នុងឆ្នាំ២០១៥ កន្លងទៅនេះ។ លោកថា សហគមន៍ជនជាតិដើមភាគតិច និងមន្ត្រីមូលដ្ឋានបានស្នើសុំមកអាជ្ញាធរឲ្យជួយចាត់វិធានការ បណ្ដេញប្រជាពលរដ្ឋចំណាកស្រុកដែលមកកាប់បំផ្លាញព្រៃឈើតំបន់នោះ ហេតុនេះលោកអំពាវនាវសុំឲ្យអង្គការសង្គមស៊ីវិលចុះទៅពិនិត្យមើល ទីតាំងជាក់ស្ដែង តើការបំផ្លាញព្រៃការពារនៅតំបន់នោះមានទំហំប៉ុណ្ណា?
ចំណែកអភិបាលខេត្តមណ្ឌលគិរី លោក ស្វាយ សំអ៊ាង ឲ្យដឹងនៅថ្ងៃទី២០ ខែកុម្ភៈ ថា នេះជាវិធានការច្បាប់ ពីព្រោះអ្នកភូមិបានចូលមកកាប់រានតំបន់ព្រៃអភិរក្ស ហើយចាប់យកដីព្រៃរបស់រដ្ឋដោយបំពានច្បាប់។ លោកថា នឹងពិនិត្យមើលលក្ខខណ្ឌនៃការស្នើសុំដីសម្បទានរបស់ប្រជាពលរដ្ឋ ដើម្បីកំណត់ថា តើប្រជាពលរដ្ឋទាំងនោះពិតជាគ្មានដីរស់នៅ ឬយ៉ាងណា៖ «បើយើងមិនចាត់វិធានការទេអាហ្នឹងវាកាន់តែ អនាធិបតេយ្យតទៅទៀត។ យើងចង់ថា ការពារដីព្រៃបើរំលោភទៅលើគោលការណ៍ច្បាប់វាត្រូវអនុវត្តវិធានការ ច្បាប់។»
ទាក់ទិនករណីនេះ មន្ត្រីសម្របសម្រួលសមាគមអាដហុក (ADHOC) ខេត្តមណ្ឌលគិរី លោក សុក រដ្ឋា អំពាវនាវឲ្យអាជ្ញាធរព្យាយាមដោះស្រាយបញ្ហានេះដោយសន្តិវិធី ពោលគឺបញ្ចប់ការប្រើអំពើហិង្សាដុតផ្ទះប្រជាពលរដ្ឋបង្ខំឲ្យចាក ចេញ។ លោក ថា, ការផ្ដល់ដីសម្បទាន គឺជាជម្រើសល្អសម្រាប់ដោះស្រាយទុក្ខលំបាករបស់ពលរដ្ឋ៖ «សិទ្ធិ របស់ប្រជាពលរដ្ឋចាំបាច់ត្រូវមានលំនៅឋានសមរម្យ មានដីបង្កបង្កើនផលចិញ្ចឹមក្រុមគ្រួសារ បើទោះបីពួកគាត់មកពីតំបន់ណា ខេត្តណាក៏ដោយ សំខាន់ពួកគាត់ជាពលរដ្ឋខ្មែរជាមុខសញ្ញាប្រជាពលរដ្ឋក្រីក្រ។»
ប្រជាពលរដ្ឋរស់នៅភូមិចក់ចារ ៨គ្រួសារ កាលពីថ្ងៃទី១៩ ខែកុម្ភៈ បាននាំគ្នាមកសុំកិច្ចអន្តរាគមន៍ពីមន្ត្រីការពារសិទ្ធិ និងបានធ្វើលិខិតសុំអន្តរាគមន៍ទៅអភិបាលខេត្តមណ្ឌលគិរី ដែលទើបឡើងកាន់តំណែង ឲ្យជួយទប់ស្កាត់ការបណ្ដេញអ្នកភូមិចេញ ពីលំនៅឋាន និងទប់ស្កាត់ការដុតបំផ្លាញផ្ទះអ្នកភូមិជាថ្មីទៀត។ អ្នកភូមិអះអាងថា បានធ្វើលិខិតស្នើសុំដីសម្បទានសង្គមកិច្ចតាមរយៈអាជ្ញាធរភូមិឃុំ រួចហើយ ប៉ុន្តែមិនទាន់ឃើញដំណោះស្រាយបែបណានៅឡើយ៕
៣០ ភាគរយ នៃប្រជាពលរដ្ឋ ជាង៧០ គ្រួសារ ដែលបានមក តាំងទៅលំនៅ ចំណុច អូររយ៉ង់ និងអូរគគីរ ភូមិ ចក់ចារ ឃុំ ស្រែឈូក ស្រុក កែវសីមា ខេត្ត មណ្ឌលគិរី បានចាកចេញ ពីលំនៅឋាន ជាបណ្ដោះអាសន្ន ទៅរស់នៅ កន្លែង មានសុវត្ថិភាព ដោយភ័យខ្លាចអាជ្ញាធរមករុះរើដុតបំផ្លាញផ្ទះពួកគាត់កំពុងរស់នៅ និងចាប់ខ្លួនពួកគាត់។
កាលពីថ្ងៃទី៩ ខែកុម្ភៈ នាយផ្នែករដ្ឋបាលព្រៃឈើកែវសីមា បានចេញលិខិតជូនដំណឹងឲ្យប្រជាពលរដ្ឋដែលមកតាំងទីលំនៅលើដីព្រៃ សាធារណៈរបស់រដ្ឋ ហើយកាប់ឆ្ការព្រៃយកដីតាំងលំនៅឋានឲ្យរុះរើផ្ទះចេញចាប់ពីថ្ងៃ ជូនដំណឹងរហូតដល់ថ្ងៃទី២០ ខែកុម្ភៈ។ លិខិតជូនដំណឹងនេះមានចុះហត្ថលេខា និងបោះត្រាដោយអភិបាលស្រុក និងជាគណៈបញ្ជាការឯកភាពស្រុកកែវសីមា លោក ស៊ិន វណ្ណវុឌ្ឍ ឯកភាពឲ្យអនុវត្តសេចក្ដីជូនដំណឹងនេះ។
ប្រជាពលរដ្ឋរស់នៅភូមិចក់ចារ មួយរូប គឺលោក វ៉ា ថន ថ្លែងបញ្ជាក់ថា អ្នកភូមិគ្មានជម្រើសរុះរើលំនៅឋានទៅកន្លែងណាទៀតឡើយ ពីព្រោះពួកគាត់ជាប្រជាពលរដ្ឋចំណាកស្រុកបានមកតាំងទីលំនៅនៅតំបន់ នោះ៤ ទៅ ៥ឆ្នាំកន្លងទៅ ដោយសារតែគ្មានដីប្រកបរបរចិញ្ចឹមជីវិតនៅស្រុកកំណើត។ លោកបន្តថា ពួកគាត់កំពុងរស់នៅដោយភ័យខ្លាចអាជ្ញាធរប្រើអំពើហិង្សាដុតបំផ្លាញ ផ្ទះជាថ្មីដើម្បីបង្ខំឲ្យអ្នកភូមិចាកចេញ៖ «គ្រាន់តែ ឮថា មានសេចក្ដី ជូនដំណឹង ថា រុះរើផ្ទះចេញ គាត់នាំគ្នាគេចវេះខ្លាចគេចាប់ចងដោយសារភ័យខ្លាច គេធ្វើបាបគាត់គេចនៅជិតៗហ្នឹងមួយរយៈ។»
កាលពីខែមិថុនា ឆ្នាំ២០១៥ កងកម្លាំងចម្រុះស្រុកកែវសីមា បានរុះរើនិងដុតបំផ្លាញផ្ទះអ្នកភូមិនៅតំបន់ទាំងពីរអស់ជាង ១០ខ្នង បន្ទាប់ពីកំណត់វេលាឲ្យអ្នកភូមិរុះរើផ្ទះដូចគ្នានេះ ក៏ប៉ុន្តែអ្នកភូមិមិនព្រមចាកចេញ ហើយបន្តសង់លំនៅឋានស្នាក់នៅឡើងវិញ។
អភិបាលស្រុកកែវសីមា លោក ស៊ិន វណ្ណវុឌ្ឍ បានឆ្លើយបំភ្លឺនៅរសៀលថ្ងៃទី២០ ខែកុម្ភៈ នេះថា ប្រជាពលរដ្ឋដែលអាជ្ញាធរតម្រូវឲ្យរុះរើលំនៅឋាននេះ គឺជាក្រុមអនាធិបតេយ្យ តាមរយៈមេខ្យល់ដែលជំរុញឲ្យពួកគេមកកាប់រានព្រៃរដ្ឋយកដី ហើយលក់ដូរពីម្នាក់ទៅម្នាក់ ក្នុងឆ្នាំ២០១៥ កន្លងទៅនេះ។ លោកថា សហគមន៍ជនជាតិដើមភាគតិច និងមន្ត្រីមូលដ្ឋានបានស្នើសុំមកអាជ្ញាធរឲ្យជួយចាត់វិធានការ បណ្ដេញប្រជាពលរដ្ឋចំណាកស្រុកដែលមកកាប់បំផ្លាញព្រៃឈើតំបន់នោះ ហេតុនេះលោកអំពាវនាវសុំឲ្យអង្គការសង្គមស៊ីវិលចុះទៅពិនិត្យមើល ទីតាំងជាក់ស្ដែង តើការបំផ្លាញព្រៃការពារនៅតំបន់នោះមានទំហំប៉ុណ្ណា?
ចំណែកអភិបាលខេត្តមណ្ឌលគិរី លោក ស្វាយ សំអ៊ាង ឲ្យដឹងនៅថ្ងៃទី២០ ខែកុម្ភៈ ថា នេះជាវិធានការច្បាប់ ពីព្រោះអ្នកភូមិបានចូលមកកាប់រានតំបន់ព្រៃអភិរក្ស ហើយចាប់យកដីព្រៃរបស់រដ្ឋដោយបំពានច្បាប់។ លោកថា នឹងពិនិត្យមើលលក្ខខណ្ឌនៃការស្នើសុំដីសម្បទានរបស់ប្រជាពលរដ្ឋ ដើម្បីកំណត់ថា តើប្រជាពលរដ្ឋទាំងនោះពិតជាគ្មានដីរស់នៅ ឬយ៉ាងណា៖ «បើយើងមិនចាត់វិធានការទេអាហ្នឹងវាកាន់តែ អនាធិបតេយ្យតទៅទៀត។ យើងចង់ថា ការពារដីព្រៃបើរំលោភទៅលើគោលការណ៍ច្បាប់វាត្រូវអនុវត្តវិធានការ ច្បាប់។»
ទាក់ទិនករណីនេះ មន្ត្រីសម្របសម្រួលសមាគមអាដហុក (ADHOC) ខេត្តមណ្ឌលគិរី លោក សុក រដ្ឋា អំពាវនាវឲ្យអាជ្ញាធរព្យាយាមដោះស្រាយបញ្ហានេះដោយសន្តិវិធី ពោលគឺបញ្ចប់ការប្រើអំពើហិង្សាដុតផ្ទះប្រជាពលរដ្ឋបង្ខំឲ្យចាក ចេញ។ លោក ថា, ការផ្ដល់ដីសម្បទាន គឺជាជម្រើសល្អសម្រាប់ដោះស្រាយទុក្ខលំបាករបស់ពលរដ្ឋ៖ «សិទ្ធិ របស់ប្រជាពលរដ្ឋចាំបាច់ត្រូវមានលំនៅឋានសមរម្យ មានដីបង្កបង្កើនផលចិញ្ចឹមក្រុមគ្រួសារ បើទោះបីពួកគាត់មកពីតំបន់ណា ខេត្តណាក៏ដោយ សំខាន់ពួកគាត់ជាពលរដ្ឋខ្មែរជាមុខសញ្ញាប្រជាពលរដ្ឋក្រីក្រ។»
ប្រជាពលរដ្ឋរស់នៅភូមិចក់ចារ ៨គ្រួសារ កាលពីថ្ងៃទី១៩ ខែកុម្ភៈ បាននាំគ្នាមកសុំកិច្ចអន្តរាគមន៍ពីមន្ត្រីការពារសិទ្ធិ និងបានធ្វើលិខិតសុំអន្តរាគមន៍ទៅអភិបាលខេត្តមណ្ឌលគិរី ដែលទើបឡើងកាន់តំណែង ឲ្យជួយទប់ស្កាត់ការបណ្ដេញអ្នកភូមិចេញ ពីលំនៅឋាន និងទប់ស្កាត់ការដុតបំផ្លាញផ្ទះអ្នកភូមិជាថ្មីទៀត។ អ្នកភូមិអះអាងថា បានធ្វើលិខិតស្នើសុំដីសម្បទានសង្គមកិច្ចតាមរយៈអាជ្ញាធរភូមិឃុំ រួចហើយ ប៉ុន្តែមិនទាន់ឃើញដំណោះស្រាយបែបណានៅឡើយ៕
អភិបាលស្រុក កែវសីមា លោក ស៊ិន វណ្ណវុឌ្ឍ បានឆ្លើយបំភ្លឺ នៅរសៀលថ្ងៃ ទី២០ ខែកុម្ភៈ នេះ
ថា, ប្រជាពលរដ្ឋ ដែលអាជ្ញាធរ តម្រូវ ឲ្យរុះរើ លំនៅឋាននេះ
គឺ ជាក្រុម អនាធិបតេយ្យ
តាមរយៈ មេខ្យល់ ដែលជំរុញ ឲ្យពួកគេ មកកាប់រានព្រៃរដ្ឋ យកដី,
ហើយ លក់ដូរ ពីម្នាក់ទៅម្នាក់ ក្នុងឆ្នាំ២០១៥ កន្លងទៅនេះ។ លោក ថា,
សហគមន៍ ជនជាតិដើម ភាគតិច
និងមន្ត្រី មូលដ្ឋាន បានស្នើសុំ មកអាជ្ញាធរ ឲ្យជួយ ចាត់វិធានការ
បណ្ដេញ ប្រជាពលរដ្ឋ ចំណាកស្រុក ដែលមកកាប់បំផ្លាញ ព្រៃឈើ តំបន់នោះ,
ហេតុនេះ លោក អំពាវនាវ សូម ឲ្យអង្គការ សង្គមស៊ីវិល ចុះទៅពិនិត្យ មើល
ទីតាំង ជាក់ស្ដែង,
តើ ការបំផ្លាញ ព្រៃ ការពារ នៅតំបន់នោះ មានទំហំ ប៉ុណ្ណា?
No comments:
Post a Comment