បក្សប្រឆាំង ថ្កោលទោស ចំពោះ ក្រុមយុវជន ស្រី ចំរើន រឿងប្រើ សញ្ញាសម្គាល់ គណបក្ស
RFA / វិទ្យុ អាស៊ី សេរី | ២៩ មីនា ២០១៦
សកម្មភាពដង្ហែក្បួនរបស់ក្រុមយុវជនដែលដឹកនាំលោក ស្រី
ចំរើន តវ៉ាទាមទារឲ្យលោក កឹម សុខា បកស្រាយខ្សែ អាត់សំឡេង
នារាជធានីភ្នំពេញ នៅថ្ងៃទី២៩ ខែមីនា ឆ្នាំ២០១៦។ RFA/Sorn Chanratha
អ្នកនាំពាក្យ បក្សសង្គ្រោះជាតិ លោក យឹម សុវណ្ណ ថ្លែងប្រាប់ វិទ្យុ អាស៊ី សេរី នៅល្ងាច ថ្ងៃទី២៩ មីនា ថា, លិខិត ថ្កោលទោស របស់ បក្សប្រឆាំង ចំពោះ ក្រុមយុវជន ទាំងនេះ ធ្វើឡើង ក្រោយ ពីក្រុម យុវជន ដែលអះអាង ថា, ខ្លួន ជានិស្សិត មកពី សាកលវិទ្យាល័យនានា ក្នុងរាជធានី ភ្នំពេញ ដឹកនាំ ដោយលោក ស្រី ចំរើន ប្រមាណ ១រយនាក់ តវ៉ា ទាមទារ ឲ្យលោក កឹម សុខា បកស្រាយ ខ្សែ អាត់សម្លេង ដោយប្រើ ស្លាកសញ្ញា គណបក្ស សង្រ្គោះជាតិ។
លិខិត គណបក្ស សង្រ្គោះជាតិ លើកឡើង ថា, សកម្មភាព ប្រមូលផ្ដុំ និងហែក្បួន របស់ ក្រុមយុវជន ដែលយកទង់, អាវ, និងមួក ប្រើសញ្ញាសម្គាល់ គណបក្ស ដោយគ្មាន ការអនុញ្ញាតនេះ គឺ ជាអំពើ ក្លែងបន្លំ ដោយចេតនា ក្នុងបំណង បង្កាច់បង្ខូច កិត្តិយសបក្ស និងសមាជិក បក្សសង្គ្រោះជាតិ, ហើយ ក៏ជាការរំលោភ ច្បាប់ ស្ដីពី កម្មសិទ្ធិបញ្ញា និងក្រមព្រហ្មទណ្ឌ។
លើសពីនេះទៀត គណបក្ស សង្គ្រោះជាតិ ស្នើដល់អាជ្ញាធរ មាន សមត្ថកិច្ច ដកហូតទង់, អាវ, និងមួក ទាំងនោះ ជាបន្ទាន់, ហើយ គណបក្ស ក៏នឹងរៀបចំ ឯកសារប្ដឹង ទៅតុលាការ ជុំវិញ រឿងរ៉ាវនេះ ផងដែរ។
នៅរសៀល ថ្ងៃទី២៩ មីនា នេះ យុវជន ទាំងនោះ បានដាក់ញត្តិ ជូនរដ្ឋសភា, ការិយាល័យ អង្គការ សហប្រជាជាតិ, ទីស្នាក់ការ គណបក្ស សង្គ្រោះជាតិ, និងផ្ទះ លោក កឹម សុខា ទាមទារ ឲ្យប្រធាន ស្ដីទី គណបក្ស សង្គ្រោះជាតិ លោក កឹម សុខា បកស្រាយ ខ្សែអាត់ សំឡេង។
សូមស្ដាប់ លោក ម៉ម មុនីរតន៍ រាយការណ៍ អំពី រឿងនេះ៖
No comments:
Post a Comment