លោក សម រង្ស៊ី ថា, ទាល់តែ កម្ពុជា មានប្រជាធិបតេយ្យ ពិត ទើប រកអ្នក គប់គ្រាប់បែក ឃើញ
VOD / វីអូឌី |
ប្រធានគណបក្សសង្រ្គោះជាតិ លោក សម រង្ស៊ី កាលពីកន្លងទៅ
មេដឹកនាំ បក្សប្រឆាំង អំពាវនាវ ឲ្យយុវជន បង្កើនភាពក្លាហាន ក្នុងការជំរុញ កម្ពុជា ឲ្យមាន លទ្ធិប្រជាធិបតេយ្យ ពិតប្រាកដ តាមរយៈ ការបោះឆ្នោត នៅពេល ខាងមុខ ដែលលោក ថា, ទើប អាចរកឃើញ ជនល្មើស ដែលគប់គ្រាប់បែក លើក្រុមបាតុករ កាលពីជិត ២០ឆ្នាំ មុន។
ក្នុងពិធី រំឭកខួប នៃព្រឹត្តិការណ៍ គប់គ្រាប់បែក សម្លាប់ បាតុករ មុខរដ្ឋសភា កាលពី១៩ឆ្នាំ មុន ដែលធ្វើឡើង នៅថ្ងៃ ទី៣០ ខែមីនានេះ, ប្រធាន គណបក្ស សង្គ្រោះជាតិ លោក សម រង្ស៊ី ដែលកំពុង នីរទេសខ្លួន ថ្លែងតាម វីដេអូ ខន់ហ្វឺរិន ពីក្រៅប្រទេស មកថា, លោក នូវតែ ចាត់ទុក ថា ការស្លាប់ របស់ ក្រុមអ្នក តវ៉ា ពេលនោះ លោក ថាប្រវត្តិសាស្ត្រ និងជាវីរភាព សម្រាប់ យុវជន ជំនាន់ក្រោយ ក្នុងការជំរុញ ឲ្យមាន កំណែទម្រង់រដ្ឋ។
លោក សម រង្ស៊ី បន្តទៀត ថា, ការដែលរដ្ឋាភិបាលមិនទាន់អាចវែកមុខជនដៃដល់និងអ្នកពាក់ព័ន្ធក្នុង ព្រឹត្តិការណ៍គប់គ្រាប់បែក សម្លាប់បាតុករនោះបាន លោកថាដោយសារតែការដឹកនាំបច្ចុប្បន្ននេះជាប្រជាធិបតេយ្យក្លែងក្លាយ យុត្តិធម៌ក្លែងក្លាយ និងការអភិវឌ្ឍក្លែងក្លាយធ្វើឲ្យពលរដ្ឋទឹកភ្នែកនិងបាត់ប ង់ទ្រព្យសម្បត្តិនៅពេលគម្រោងអភិវឌ្ឍចូលទៅដល់។
លោក សម រង្ស៊ី រំឭកដល់យុវជនឲ្យបង្កើនភាពក្លាហានជំរុញឲ្យការបោះឆ្នោតនៅឆ្នាំ២០១៧និង២០ ១៨ខាងមុខ ជ្រើសរើសបានមេដឹកនាំប្រជាធិបតេយ្យពិតប្រាកដដែលលោកថាពេលនោះនឹងធ្វើឲ្យក ម្ពុជាក្លាយជាប្រទេសនីតិរដ្ឋមានយុត្តិធម៌ សង្គមនិងដោះស្រាយបានរាល់បញ្ហារបស់ប្រជាពលរដ្ឋបាន។
លោកបន្តថា៖ «សូមក្មួយៗកូនចៅទាំងអស់ចង់ចាំអំពីយុវជនដូចគ្នា ទាំងសិស្ស ទាំងនិស្សិត ទាំងកម្មករដែលបានតស៊ូ ដើម្បីយុត្តិធម៌ពេលនោះយើងនឹងសម្រេចទាំងប្រជាធិបតេយ្យចាប់ពីឆ្នាំ២០១៧និង២០១៨។ ដូច្នេះខ្ញុំសុំអំពាវនាវឲ្យយុវជន ទាំងអស់មានស្មារតីរឹងមាំនឹងដល់ការលះបង់ពលីកម្មរបស់យុវជនថ្ងៃ៣០មីនាឆ្នាំ១៩៩៧។»អ្នកនាំពាក្យគណបក្សសង្គ្រោះជាតិលោក យឹម សុវណ្ណ លើកឡើងក្នុងពិធីរំឭកវិញ្ញាណក្ខន្ធអ្នកដែលបានស្លាប់ក្នុង ព្រឹត្តិការណ៍បោកគ្រាប់បែកនោះដែរថា ការដែលរដ្ឋាភិបាលមិនទាន់រកឃើញឧក្រិដ្ឋជននិងអ្នកពា ក់ព័ន្ធមកផ្តន្ទាទោស លោកគិតថាគឺជាលើកទឹកចិត្តឲ្យមានបទឧក្រិដ្ឋកាន់តែច្រើននៅកម្ពុជា។
លោកបន្ថែមថា៖ «សូម អំពាវនាវ ឲ្យក្រសួងមានសមត្ថកិច្ចរាជរដ្ឋាភិបាលដែលជាអ្នកទទួលខុសត្រូវចំពោះបទ ឧក្រិដ្ឋនៅក្នុង ប្រទេសកម្ពុជាបន្តធ្វើការស៊ើបអង្កេតប្រកបដោយឯករាជ្យនិងអព្យាក្រិតតាមចាប់ជ នដៃដល់និងអ្នកពីក្រោយខ្នងមក ផ្តន្ទាទោសដើម្បីរកយុត្តិធម៌ជូនជនរងគ្រោះឲ្យទាល់តែបាន។»
ប៉ុន្តែអ្នកនាំពាក្យក្រសួងមហាផ្ទៃលោក ខៀវ សុភ័គ អះអាងថាសមត្ថកិច្ចមិនបានព្រងើយកន្តើយក្នុងការស្វែងរកជនដៃដល់ មកផ្តន្ទាទោស។ ប៉ុន្តែលោកថាការស៊ើបអង្កេតហាក់បាត់តម្រុយទៅវិញក្រោយពីមានពន្លឺខ្លះរួច មក។
លោក ថា៖ «យើងស្វែងរកឃើញមិនមែនថាអត់ទេ យើងរកឃើញរហូតស្រាវជ្រាវទៅស្វែងរកឃើញជនដៃដល់ដែលបោកគ្រាប់បែកហ្នឹង ហើយក៏បានគូររូបទៅរកឃើញថាឈ្មោះ អាប្រេហ្វីល ហើយកន្លងមកដោយសារតែស្រុកទេសយើងនៅឆ្នាំ៩៧ហ្នឹង យើងដឹងហើយយើងមិនចង់រំឭកទេ អាហ្វ្រេស៊ីល ហ្នឹងវាបានរត់គេចទៅសុំជ្រកកោនក្រោមកិច្ចការពាររបស់គណបក្សនយោបាយមួយ ហើយតាំងពីពេលនោះមកបាត់ខ្លួនរហូត។»
លោក ខៀវ សុភ័គ អះអាងថាបើទោះបីការស៊ើបអង្កេតករណីនេះគ្មានតម្រុយថ្មីក៏ដោយតែលោកថាសមត្ថ កិច្ចនៅតែបន្តស្វែងរកឧក្រិដ្ឋជនមកផ្តន្ទាទោសដដែល។
ស្ត្រីពិការជិះលើរទេះរុញម្នាក់ឈ្នោះ អ៊ីម ម៉ាឡែន អាយុ៧៤ឆ្នាំដែលបានចូលរួមពិធីរំឭកខួបនោះដែរអះអាងថាគាត់ហាក់គ្មានជំនឿទៅ លើរដ្ឋាភិបាលថាពួកគេអាចស្វែងរកចាប់ជនដៃដល់មកប្រឈមមុខ ច្បាប់ទេដោយស្រីរូបនោះយល់ថាព្រឹត្តិការណ៍បោកគ្រាប់បែក នោះអាចជាប់ពាក់ព័ន្ធនឹងរដ្ឋាភិបាល។
ស្ត្រីនោះថា៖ «គ្មានទេ បើ វា ចេះរកឲ្យយើងវារកហើយវាអត់រកទេព្រោះវាក្បត់វាម៉េចនឹងរកឲ្យយើងបើវាក្បត់ចំហើយ។»
ស្តី្រជាជនរងគ្រោះរូបនោះអំពាវនាវឲ្យសហគមន៍អន្តរជាតិជួយអន្តរាគមន៍រកយុត្តិធម៌ករណីនេះជូនពួកគេ។
កាលពីឆ្នាំ១៩៩៧ លោក សម រង្ស៊ី បានដឹកនាំធ្វើបាតុកម្មទាមទារឲ្យរដ្ឋាភិបាលធ្វើកំណែទម្រង់ប្រព័ន្ធតុលាការ។
ប៉ុន្តែនៅពេលក្បួនបាតុករមកដល់ជិតមន្ទីររដ្ឋសភាត្រៀមនឹងដាក់ញត្តិ ពេលនោះមានជនមិនស្គាល់មុខបានគប់គ្រាប់បែកដៃ ចំនួន៤គ្រាប់ចូលក្នុងហ្វូងបាតុករបង្កឲ្យអ្នកតវ៉ាជាង១០នាក់ស្លាប់និងជាង១០០ នាក់ផ្សេងទៀតរងរបួសរួមទាំងលោក សម រង្ស៊ី ផងដែរ។
មកដល់ពេលនេះរដ្ឋាភិបាលមិនទាន់បង្ហាញថាមានឧក្រិដ្ឋជនប៉ុន្មាននាក់ជាប់ពាក់ព័ន្ធនឹងព្រឹ ត្តិការណ៍បោកគ្រាប់បែកសម្លាប់ក្រុមអ្នកតវ៉ានោះនៅឡើយទេ។ ប៉ុន្តែលោក សម រង្ស៊ី ថាតុលាការនៅទីក្រុងប៉ារីសប្រទេសបារាំងបានបើកការ ស៊ើបអង្កេតករណីនេះឡើងវិញហើយ៕
No comments:
Post a Comment