 |
| លោក សម រង្ស៊ី ប្រធានគណបក្សសង្រ្គោះជាតិ ថ្លែងនៅអាកាសយានដ្ឋានអន្តរជាតិភ្នំពេញ ពេលត្រឡប់ពីប្រទេសម៉ាឡេស៊ី នៅថ្ងៃទី២៧ ខែមេសា ឆ្នាំ២០១៥។ RFA/Tin Zakariya |
តុលាការ ជំនុំជម្រះ ករណី លោក សម រង្ស៊ី តាមបណ្ដឹង បរិហារកេរ្តិ៍ លោក ហេង សំរិន នៅថ្ងៃស្អែក
RFA / វិទ្យុ អាស៊ី សេរី | ២៧ កក្កដា ២០១៦
តុលាការ ក្រុងភ្នំពេញ បើកសវនាការ ជំនុំជម្រះ ប្រធាន គណបក្ស
ប្រឆាំង លោក សម រង្ស៊ី តាមបណ្ដឹង បរិហារកេរ្តិ៍ របស់ ប្រធាន រដ្ឋសភា លោក ហេង
សំរិន នៅព្រឹកថ្ងៃ ទី២៨ កក្កដា។ នេះ បើតាម ការបញ្ជាក់ របស់ អ្នកនាំពាក្យ សាលាដំបូង រាជធានីភ្នំពេញ
លោក លី សុផាណា នៅថ្ងៃ ទី២៧ កក្កដា។
បណ្ដឹងបរិហារកេរ្តិ៍នេះ ធ្វើឡើង ក្រោយពេល លោក សម រង្ស៊ី បានសរសេរ នៅលើទំព័រ ហ្វេសប៊ុក (Facebook) របស់លោក កាលពីថ្ងៃ ទី១៧ ខែវិច្ឆិកា ២០១៥ ថា, របប កើតឡើង ក្រោយថ្ងៃ ៧ មករា ១៩៧៩
បានឲ្យ តុលាការ របស់គេ កាត់ទោស ប្រហារជីវិត សម្ដេចព្រះ នរោត្ដម សីហនុ
ដោយចោទព្រះអង្គ ថា ជាជនក្បត់ជាតិ។
បណ្ដឹងបរិហារកេរ្តិ៍ របស់លោក
ហេង សំរិន ប្ដឹងលោក សម រង្ស៊ី ករណីអតីត ព្រះមហាវីរក្សត្រ នរោត្ដម សីហនុ នេះ
ត្រូវ បានអ្នកច្បាប់ ធ្លាប់លើកឡើង ថា, បើ មានការ កាត់ទោសទ្រង់
ក្នុងរបប គ្រប់គ្រង របស់លោក ហេង សំរិន មែន, លោក សម រង្ស៊ី និយាយមិនខុសទេ។ តែ បើ គ្មាន ការកាត់ទោសទេ, លោក សម រង្ស៊ី គួរ ពន្យល់ ឲ្យបានច្បាស់ ថា, លោក បានពាក្យសម្ដីនេះ មកពីណា។ ទោះជាយ៉ាងណា លោក សម រង្ស៊ី ធ្លាប់អះអាង ថា, លោក គ្រាន់តែ និយាយ តាមសម្តេចព្រះ នរោត្តម សីហនុ។
ក្រៅពីបណ្ដឹង បរិហារកេរ្តិ៍នេះ លោក
សម រង្ស៊ី ដែលកំពុង ស្ថិតនៅក្រៅប្រទេសនោះ ក៏កំពុង ជាប់ចោទបរិហារកេរ្តិ៍
លោក ហោ ណាំហុង កាលពីជាង ៧ឆ្នាំមុន រួម នឹងបទចោទប្រកាន់
ពីការសម គំនិត ក្នុងអំពើ ក្លែងបន្លំ ឯកសារ សាធារណៈ, ប្រើប្រាស់ ឯកសារសាធារណៈក្លែង, និងញុះញង់ បង្ក ឲ្យមាន ភាពវឹកវរ ធ្ងន់ធ្ងរ ដល់សន្តិសុខសង្គម
ជាដើម៕
No comments:
Post a Comment