លោក សម រង្ស៊ី ថា, តុលាការ បារាំង សម្រេច ឲ្យលោក ឈ្នះក្ដី លោក ហោ ណាំហុង ជាថ្មីទៀត
RFA / វិទ្យុ អាស៊ី សេរី | ៩ កក្កដា ២០១៦
ប្រធានគណបក្សសង្គ្រោះជាប់ថ្ងៃទី៥ កុម្ភៈ ឆ្នាំ២០១៦។ Photo: RFA
លោក សម រង្ស៊ី បានសរសេរ នៅលើទំព័រ ហ្វេសប៊ុក (Facebook) របស់លោក នៅថ្ងៃ ទី៩ ខែកក្កដា ថា, តុលាការ នៅប្រទេស បារាំង បានកាត់ក្ដី ឲ្យលោក ហោ ណាំហុង ចាញ់លោក ម្ដងទៀត កាលពីថ្ងៃ ទី៨ ខែកក្កដា ឆ្នាំ២០១៦។
កាលពីដើមឆ្នាំ២០១១ តុលាការប្រទេសបារាំង បានសម្រេច ឲ្យលោក សម រង្ស៊ី ឈ្នះក្ដីនេះម្ដងរួចហើយ ប៉ុន្តែសំណុំរឿងរឿងត្រូវលោក ហោ ណាំហុង ប្ដឹងទៅតុលាការបារាំង ម្ដងទៀត។
លោក ហោ ណាំហុង បានប្ដឹងលោក សម រង្ស៊ី ពីបទបរិហារកេរ្តិ៍ក្រោយពីលោក សម រង្ស៊ី បាននិយាយថា អតីតរដ្ឋមន្ត្រីការបរទេសរូបនេះ គឺជាអ្នកទទួលខុសត្រូវ ឬមេជំរំ (គុក) បឹងត្របែក នៅក្នុងរបបកម្ពុជាប្រជាធិបតេយ្យ ឬខ្មែរក្រហម។ លោក សម រង្ស៊ី ធ្លាប់សរសេរដែរថា លោក ហោ ណាំហុង និងភរិយា ធ្លាប់បានសហការជាមួយខ្មែរក្រហមក្នុងការសម្លាប់មនុស្សជាច្រើនដែល ជាប់ ឃុំឃាំងនៅទីនោះ។
បើទោះជាយ៉ាងណា លោក ហោ ណាំងហុង អះអាងថា លោក និងសាច់ញាតិរបស់លោកក៏ជាជនរងគ្រោះក្នុងរបបខ្មែរក្រហមនោះដែរ៕
No comments:
Post a Comment