[Vietnamization, voter registration] គ.ជ.ប. ឲ្យបរទេស មិនចេះ ភាសាខ្មែរ បោះឆ្នោត ​បើ មានឯកសារ គ្រប់គ្រាន់​ | NEC permits foreigners without Khmer language knowledge to vote if they have adequate documentation

សិក្ខាសាលាស្តីពីការចុះឈ្មោះដើម្បីរៀបចំបញ្ជីបោះឆ្នោតថ្មី

គ.ជ.ប. ឲ្យបរទេស មិនចេះ ភាសាខ្មែរ បោះឆ្នោត ​បើ មានឯកសារ គ្រប់គ្រាន់​

VOD / វីអូឌី | ១២ សីហា ២០១៦

មន្ត្រីជាន់ខ្ពស់ គណៈកម្មាធិការ ជាតិ រៀបចំ ការបោះឆ្នោត (គ.ជ.ប.) ថ្លែងថា, ជនបរទេស ទោះ មិនចេះ និយាយ ភាសាខ្មែរ ក៏មានសិទ្ ធិបោះឆ្នោត បានដែរ ឲ្យតែ ជននោះ មានឯកសារ គ្រប់គ្រាន់ តាមច្បាប់ តម្រូវ។

នៅក្នុងសិក្ខាសាលា ស្តីពី ការចុះឈ្មោះ ដើម្បី រៀបចំ បញ្ជីបោះឆ្នោត ថ្មី នៅព្រឹកនេះ,  លោក សោម សូរីដា អគ្គលេខាធិការរង គ.ជ.ប. ថ្លែងថា, ជនបរទេស ដែលមាន សញ្ជាតិខ្មែរ មានអត្តសញ្ញាណប័ណ្ណ ខ្មែរ គឺ អាចចុះឈ្មោះ និងបោះឆ្នោតបាន, ហើយ ទោះ មិនចេះ ភាសាខ្មែរ ក៏ដោយ។

ការបោះឆ្នោត អាណត្តិទី៥ ឆ្នាំ២០១៣, គណបក្សប្រឆាំង និងមន្ត្រី អង្គការ សង្គមស៊ីវិល ធ្វើការងារ លើកិច្ចការ បោះឆ្នោត លើកឡើង ថា, មានប្រក្រតី ជាច្រើន ដូចជា បញ្ហា ទឹកថ្នាំ ជ្រលក់ដៃ លប់ជ្រះ, បញ្ជីឈ្មោះ ហើមប៉ោង,  ហើយ ក៏មាន ជនជាតិ វៀតណាម ចូលបោះឆ្នោត ដែរ។  មណ្ឌល បោះឆ្នោត មួយចំនួន ដូចជា នៅស្ទឹង មានជ័យ នៅក្រុង តាខ្មៅ និងនៅស្រុកស្អាង ខេត្តកណ្តាល បានបិទ មុនម៉ោង កំណត់ ដោយសារ មានពលរដ្ឋ ខ្មែរ ចេញមុខ រារាំង ពលរដ្ឋ វៀតណាម មិនឲ្យបោះឆ្នោត, ហើយ កើតជម្លោះ តានតឹងឡើង៕