១១-សីហា-២០១៦៖ ប៉ុស្តិ៍ថ្មីដែលទាហានវៀតណាម រំលោភសង់នៅតំបន់ស ជិតបង្គោលព្រំដែនលេខ៣០ ចំណុចអូរកុមារ ឃុំប៉ក់ញ៉ៃ ស្រុកអូរយ៉ាដាវ ខេត្តរតនគិរី។ Photo ADHOC
វៀតណាម បន្ត សង់ប៉ុស្តិ៍ នៅតំបន់ ព្រំដែន ហាមឃាត់ ក្នុងខេត្ត រតនគិរី
RFA / វិទ្យុ អាស៊ី សេរី | ២៩ តុលា ២០១៦
ទាហាន វៀតណាម នៅតែ បន្ត សង់ប៉ុស្តិ៍ នៅតំបន់ ស ចំណុច អូរកុមារ ក្នុងឃុំ ប៉ក់ញ៉ៃ ស្រុក អូរយ៉ាដាវ ខេត្ត រតនគិរី ជិតរួចរាល់ហើយ គ្រា ដែលកំណត់ ទូតក្រសួង ការបរទេស កម្ពុជា បានផ្ញើ ទៅឲ្យ រដ្ឋាភិបាល វៀតណាម បញ្ឈប់ ការសង់ ប៉ុស្តិ៍ ខុសច្បាប់នេះ។ រហូតបច្ចុប្បន្ន មិន ទាន់មាន ប្រភព ផ្លូវការណា បញ្ជាក់ ថា, វៀតណាម បានឆ្លើយតប កំណត់ ទូតកម្ពុជា ស្ដីពី ការរំលោភ សង់ប៉ុស្តិ៍នេះ យ៉ាងណា នៅឡើយ។ [Vietnamese military continues to build stations at the White Area at O Koma...Ratanakiri Province, despite the diplomatic letters of the Cambodian foreign ministry sent to the Vietnamese government telling it to halt the illegal construction. Up until now, no source has been able to say whether Vietnam has responded to the diplomatic notes re the violation of building these stations.]
មន្ត្រី ឃ្លាំមើល សិទ្ធិមនុស្ស ចាត់ទុក ការបន្ត សង់ប៉ុស្តិ៍ នៅតំបន់ ស ហាមឃាត់ ជិតបង្គោល ព្រំដែន លេខ៣០ ក្នុងស្រុក អូរយ៉ាដាវ ខេត្ត រតនគិរី របស់ ភាគី វៀតណាម ថា, ជាចេតនា បំពាន ទៅលើ កំណត់ទូត របស់ រាជរដ្ឋាភិបាល កម្ពុជា ដែលបានស្នើ ឲ្យភាគី វៀតណាម បញ្ឈប់ ការសង់ប៉ុស្តិ៍ ខុសច្បាប់ នោះ។
មន្ត្រីសម្របសម្រួលសមាគមអាដហុក (ADHOC) ខេត្តរតនគិរី លោក ឆាយ ធី បញ្ជាក់នៅថ្ងៃទី២៩ ខែតុលា ថា ប្រជាពលរដ្ឋ និងតម្រួតព្រំដែនខ្មែរឲ្យដឹងថា ប៉ុស្តិ៍ដែលវៀតណាម សង់នៅលើតំបន់សហាមឃាត់រួចរាល់បានប្រមាណ ៨០ភាគរយហើយ បើទោះបីតម្រួតព្រំដែនខ្មែរស្នើសុំឲ្យភាគីវៀតណាម ផ្អាកការសាងសង់ក្តី។ លោកថា ជញ្ជាំងនិងដំបូលស័ង្កសីបានប្រក់រួចរាល់ក្រោយពេលប៉ុស្តិ៍នេះបានចាក់សសរ និងរៀបជញ្ជាំងកាលពីខែកក្កដា៖ «យើង នៅតែ តាមដាន មើល ស្ថានភាព សង់ប៉ុស្តិ៍ហ្នឹង, នៅតែ សាងសង់ រហូត ឈានដល់ ប្រក់ដំបូល។ តាមព័ត៌មាន យើង ទទួលបាន។ យើង កត់សំគាល់ ថា, ខាងភាគី វៀតណាម មិន ដែលយក ដំណោះស្រាយ ផ្លូវច្បាប់ ដោះស្រាយ នៅឡើយទេ។»
រាជរដ្ឋាភិបាលកម្ពុជា បានផ្ញើកំណត់ទូតទៅភាគីវៀតណាម ភ្លាមៗបន្ទាប់ពីអាជ្ញាធរខេត្តរតនគិរី ផ្តល់របាយការណ៍អំពីវៀតណាម រំលោភសង់ប៉ុស្តិ៍នេះ។ រ្ហូតមកទល់នឹងបច្ចុប្បន្នមិនទាន់មានប្រភពផ្លូវការណាបញ្ជាក់ថា វៀតណាម ឆ្លើយតប កំណត់ទូតកម្ពុជា យ៉ាងណានោះទេ។
អ្នកនាំពាក្យ និងជាអភិបាលរងខេត្តរតនគិរី លោក ញ៉ែម សំអឿន បញ្ជាក់ថា លោកមិនមានព័ត៌មានទាក់ទិនការឆ្លើយតបណាមួយពីអាជ្ញាធរខេត្តយ៉ាឡាយ ប្រទេសវៀតណាម ទាក់ទិនការតវ៉ារបស់អាជ្ញាធរខេត្តរតនគិរី នោះទេ។
អ្នកនាំពាក្យក្រសួងការបរទេស លោក ជុំ សុន្ទរី បញ្ជាក់ដែរថា លោកក៏គ្មានព័ត៌មានទាក់ទិនកំណត់ទូតឆ្លើយតបរបស់ភាគីវៀតណាម នោះដែរ៖ «ខ្ញុំ អត់មាន ព័ត៌មាន រឿងហ្នឹង ទេ, ហើយ ថ្ងៃហ្នឹង ថ្ងៃឈប់ មិនដឹងសួរ អ្នកណា។»
ក្នុងកិច្ចប្រជុំទ្វេភាគីរវាងគណៈកម្មការចម្រុះកិច្ចការព្រំដែនកម្ពុជា-វៀតណាម ស្ដីពីការដោះស្រាយវិវាទតាមព្រំដែនប្រទេសទាំងពីរនាទីក្រុងភ្នំពេញ កាលពីថ្ងៃទី២៩ ខែសីហា វៀតណាមយល់ព្រមទទួលយកការតវ៉ារបស់កម្ពុជា ទាក់ទិននឹងការរំលោភចូលអធិបតេយ្យភាពទឹកដីកម្ពុជា ទៅជជែកពិភាក្សាជាមួយអន្តរក្រសួងពាក់ព័ន្ធរបស់វៀតណាម។ ប្រធានគណៈកម្មការចម្រុះកិច្ចការព្រំដែន លោក វ៉ា គឹមហុង ទទួលស្គាល់ថា វៀតណាមមិនទាន់ឆ្លើយតបកំណត់ទូតកម្ពុជា ស្ដីពីការរំលោភលើអធិបតេយ្យភាពទឹកដីកម្ពុជា នៅឡើយ ក៏ប៉ុន្តែបានទទួលយកការតវ៉ារបស់ភាគីកម្ពុជា ទៅពិភាក្សាជាមួយអាជ្ញាធរដែនដីរបស់វៀតណាម។
យ៉ាងណាក៏ដោយ លោកថា ថ្នាក់ដឹកនាំកំពូលនៃប្រទេសទាំងពីរបានសម្រេច និងកំពុងធ្វើលិខិតរួមគ្នាមួយសុំទៅរដ្ឋាភិបាលប្រទេសបារាំងរៀបចំចម្លងផែនទីនៅតំបន់មានជម្លោះដើម្បីឈានទៅរកការឯកភាពគ្នាបោះបង្គោលព្រំដែននៅសេសសល់៖ «សព្វថ្ងៃ នេះ យើង កំពុង ធ្វើលិខិត រួមគ្នា មួយ ឲ្យនាយករដ្ឋមន្ត្រី ទាំងពីរ ចុះហត្ថលេខា ដើម្បី ផ្ញើទៅ ប្រធានាធិបតី បារាំង។ យើង មិនទាន់ ធ្វើចប់ នៅឡើយទេ។ យើងកំពុងធ្វើលិខិតរួមហ្នឹងជាមួយគ្នា។»
នៅតំបន់ភាគឦសានចាប់ពីបង្គោលព្រំដែនលេខ៣០ ទៅទល់នឹងបង្គោលព្រំដែនលេខ៣៩ ពីច្រកទ្វារព្រំដែនស្រុកអូរយ៉ាដាវ ទៅទល់នឹងខេត្តមណ្ឌលគិរី ភាគីទាំងពីរមិនទាន់ឯកភាពគ្នាបោះបង្គោលកំណត់ខ្សែបន្ទាត់ខណ្ឌសីមានៅឡើយ៕
Traitor Hun Sen,
ReplyDeleteThe Khmer people dare you to
take your Hanoi boss to the ICJ !!!