[Background / related]
Illegal Viet Rice Floods Cambodia Market
Vietnam Halts Rice Exports to US After Shipments Rejected Over Pesticide Levels
Vietnam fears US ban on rice exports: govt official
The Vietnamization of Kampuchea: A New Model of Colonialism (Indochina Report, October 1984)
Part
II: Vietnamization of the Economic Framework (continued)
The
Unequal Exchange
...
មានសារធាតុ ផ្សំពីប្លាស្ទិក
ជាប្រភេទ អង្ករ ដែលគេ នាំចូល ពីប្រទេស វៀតណាម និងចិន
 |
| ស្រូវ និងអង្ករផ្ការំដួល
ត្រូវបានគេដាក់តាំងបង្ហាញក្នុងវេទិកាស្រូវអង្ករកម្ពុជា លើកទី៥
នារាជធានីភ្នំពេញ កាលពីថ្ងៃទី២៥ ខែមករា ឆ្នាំ២០១៦។ RFA/Tha Kitya |
ក្រសួង ពាណិជ្ជកម្ម ស្នើពលរដ្ឋ ផ្ដល់ភស្តុតាង ជាក់លាក់ ជុំវិញ វត្តមាន អង្ករប្លាស្ទិក នៅកម្ពុជា
RFA / វិទ្យុ អាស៊ី សេរី | ២៧ តុលា ២០១៦
ស្ដាប់ ឬ ទាញយកសំឡេង
ក្រសួង ពាណិជ្ជកម្ម នៅថ្ងៃ ទី២៧ ខែតុលា បានបដិសេធ ជាថ្មីទៀត នឹងព័ត៌មាន ដែលថា, មាន វត្តមាន អង្ករ ប្លាស្ទិក ចរាចរ ក្នុងទីផ្សារ កម្ពុជា។ ទន្ទឹមគ្នានេះ ក្រសួង ពាណិជ្ជកម្ម ក៏បាន អំពាវនាវ ដល់ប្រជាពលរដ្ឋ ឲ្យផ្ដល់ ភស្តុតាង ជាក់លាក់ ជុំវិញ វត្តមាន អង្ករ ប្លាស្ទិក នៅកម្ពុជា។
ក្រសួង ពាណិជ្ជកម្ម ស្នើឲ្យ ប្រជាពលរដ្ឋ ផ្ដល់ភស្តុតាង ជាក់លាក់ ជុំវិញ វត្តមាន អង្ករប្លាស្ទិក នៅកម្ពុជា មកកាន់ មន្ទីរពាណិជ្ជកម្ម និងសាខា កាំកុងត្រូល ដើម្បី ពិនិត្យ និងពិសោធន៍ឲ្យបានជាក់លាក់ចៀសវាងគ្រាន់តែចែកចាយព័ត៌មានចចាមអារ៉ាមតៗគ្នា ដោយគ្មានមូលដ្ឋានច្បាស់លាស់។
ការលើកឡើងរបស់ក្រសួងពាណិជ្ជកម្មនៅពេលនេះ ធ្វើឡើងបន្ទាប់ពីមានព័ត៌មានតាមបណ្ដាញសង្គមហ្វេសប៊ុក (Facebook) ដែលបានចែករំលែកតៗគ្នាពីការបារម្ភថា អង្ករនេះកំពុងត្រូវគេចរាចរក្នុងទីផ្សារ និងអាចប៉ះពាល់ដល់សុខភាពអ្នកបរិភោគ។
អ្នកនាំពាក្យក្រសួងពាណិជ្ជកម្ម កញ្ញា សឹង សុផារី បានប្រាប់អាស៊ីសេរី នៅថ្ងៃទី២៧ ខែតុលា ថា ក្រសួងពាណិជ្ជកម្ម និងសាខាកាំកុងត្រូលដែលមានតួនាទីត្រួតពិនិត្យលើសុវត្ថិភាពចំណីអាហារ បានសិក្សារកប្រភពព័ត៌មានដែលផ្សព្វផ្សាយ និងយកអង្ករដែលគេសង្ស័យនោះ ធ្វើពិសោធន៍ដោយអ្នកជំនាញ ហើយលទ្ធផលបញ្ជាក់ថា អង្ករនោះមិនមែនជាអង្ករប្លាស្ទិក ឡើយ៖ «យោងតាមកាំកុងត្រូល មិនទាន់រកឃើញវត្តមានអង្ករប្លាស្ទិកនោះទេ។»
អ្នកនាំពាក្យក្រសួងពាណិជ្ជកម្ម កញ្ញា សឹង សុផារី បញ្ជាក់ដែរថា ករណីប្រជាពលរដ្ឋ ឬស្ថាប័នពាក់ព័ន្ធរកឃើញវត្តមាន ឬមានការសង្ស័យថា មានអង្ករប្លាស្ទិកនៅកម្ពុជា សូមរាយការណ៍ ឬផ្ដល់ភស្តុតាងជាក់លាក់ពីប្រភពអង្ករមកមន្ទីរពាណិជ្ជកម្ម និងសាខាកាំកុងត្រូលដើម្បីសិក្សារកឲ្យឃើញឫសគល់បកស្រាយជូនសាធារណជន៖ «ខ្ញុំសំណូមពរ បើសិនជាឃើញមានអ៊ីចឹងមែន សូមអញ្ជើញយកភស្តុតាងមកដល់ដៃក្រសួង មន្ទីរពាណិជ្ជកម្ម និងកាំកុងត្រូលផ្ទាល់ ហើយក្រសួងនឹងយកចូលមន្ទីរពិសោធន៍ (LAB) ពិនិត្យ ហើយរកប្រភពឲ្យច្បាស់លាស់ថា ចេញពីអ្នកណា? ជួយផ្ដល់ជាភស្តុតាងតាមលទ្ធភាពដែលខ្លួនអាចធ្វើបាន តែជាភស្តុតាងពិត មិនមែនក្លែងបន្លំនោះទេ ព្រោះក្រសួងមិនមែនចេះ តែធ្វើដោយគ្មានមូលដ្ឋានច្បាស់លាស់នោះទេ មិនមែនមូលដ្ឋានដោយគ្រាន់តែឮតាមខ្យល់តៗគ្នានោះទេ។»
អ្នកនាំពាក្យក្រសួងពាណិជ្ជកម្មរូបនេះ អះអាងថា ករណីរកឃើញមានបន្លំ និងនាំចូលអង្ករប្លាស្ទិកមែន ក្រសួងនឹងសហការជាមួយអាជ្ញាធរសាខាកាំកុងត្រូល និងការិយាល័យច្រកចេញចូលតែមួយដើម្បីដាក់ទោសជននោះទៅតាមច្បាប់ ព្រោះនេះជាបទឧក្រិដ្ឋពាណិជ្ជកម្ម ធ្វើឲ្យខូចកេរ្តិ៍ឈ្មោះអង្ករកម្ពុជា។
ទាក់ទិននឹងព័ត៌មានតាមបណ្ដាញសង្គមហ្វេសប៊ុក ដែលបានចែករំលែកតៗគ្នាពីការបារម្ភថា អង្ករប្លាស្ទិកនេះដែរ នៅក្នុងសេចក្ដីថ្លែងការណ៍របស់សហព័ន្ធស្រូវអង្ករកម្ពុជា ដែលបានផ្សព្វផ្សាយនៅថ្ងៃទី២៦ ខែតុលា ឲ្យដឹងដែរថា សហព័ន្ធស្រូវអង្ករកម្ពុជា បានតាមដាននូវសកម្មភាពនេះយ៉ាងយកចិត្តទុកដាក់ ដោយមានការសហការពីសំណាក់អគ្គនាយកដ្ឋានកម្ពុជា ត្រួតពិនិត្យទំនិញអាហរ័ណ-នីហរ័ណ និងបង្ក្រាបការក្លែងបន្លំ (កាំកុងត្រូល) ដោយធ្វើតេស្តបញ្ជាក់តាមបច្ចេកទេសច្បាស់លាស់។
សហព័ន្ធស្រូវអង្ករកម្ពុជា ក៏អំពាវនាវ ឲ្យសាធារណជន និងបណ្ដាក្រុមហ៊ុននានា ចូលរួមសហការដោះស្រាយបញ្ហានេះ ជាមួយ អាជ្ញាធរ ប្រកប ដោយស្មារតី ទទួលខុសត្រូវ ខ្ពស់។ បន្ថែមពីនេះ សហព័ន្ធស្រូវអង្ករកម្ពុជា នឹងធ្វើការរៀបចំប្រព័ន្ធការពារគុណភាពជាមួយស្ថាប័នពាក់ព័ន្ធទាំងអស់ដើម្បីពង្រឹង និងការពារគុណភាពអង្ករកម្ពុជា។
កន្លងមក នៅលើបណ្ដាញ សង្គម ហ្វេសប៊ុក បានផ្សព្វផ្សាយ នូវការ ផលិត អង្ករ តាមរយៈ សកម្មភាព ពិសោធន៍ ជាលក្ខណៈ ផ្ទាល់ខ្លួន ដូចជា លីង, ដុត ជាដើម, ព្រមទាំង បានបង្ហាញ នូវឈ្មោះ រោងម៉ាស៊ីន និងក្រុមហ៊ុន ផ្គត់ផ្គង់ អង្ករ នោះ ផងដែរ ដែលគេ អះអាងថា, មានសារធាតុ ផ្សំពីប្លាស្ទិក ជាប្រភេទ អង្ករ ដែលគេ នាំចូល ពីប្រទេស វៀតណាម និងចិន, ហើយមើលទៅដូចជាអង្ករធម្មជាតិ។ ការបង្ហាញផលិតផលនូវអង្ករប្លាស្ទិកតាមបណ្ដាញសង្គមនេះ បានធ្វើឲ្យប្រជាពលរដ្ឋខ្មែរជាច្រើនព្រួយបារម្ភ និងភ័យខ្លាចថាអាចបង្កឲ្យប៉ះពាល់ដល់សុខភាពចំពោះអ្នកប្រើប្រាស់៕
No comments:
Post a Comment