២៤ វិច្ឆិកា ២០១៦ / 24 November 2016
បទឧក្រិដ្ឋ ហ្វេសប៊ុក? A Facebook crime?
ថ្ងៃ ២៥ វិច្ឆិកា ២០១៦ នេះ សាលាដំបូង រាជធានីភ្នំពេញ នឹងបើក សវការ ជំនុំជម្រះ ដើម្បី ផ្តន្ទាទោស មកលើរូបខ្ញុំ (សម រង្ស៊ី) និងយុវជន ២ នាក់, គឺ លោក អ៊ឹង ជុងលាង (អាយុ ២១ ឆ្នាំ) និងលោក សម្បត្តិ សត្យា (អាយុ ២៦ ឆ្នាំ) ជាជំនួយការ ក្នុងក្រុមការងារ ដែលគ្រប់គ្រង ទំព័រ Facebook របស់ខ្ញុំ។ សូម បញ្ជាក់ថា, ខ្ញុំ មានសហការី ជាច្រើននាក់ទៀត ដែលជួយ រៀបចំ ទំព័រ Facebook របស់ខ្ញុំ នេះ។
បន្ទាប់ ពីតុលាការ អាយ៉ង នៅទីក្រុង ភ្នំពេញ បានកាត់ទោស លោកសមាជិក ព្រឹទ្ធសភា ហុង សុខហួរ កាលពីថ្ងៃ ៧ វិច្ឆិកា ២០១៦ ឲ្យជាប់ ពន្ធនាគារ ៧ ឆ្នាំ ពីបទក្លែងបន្លំ ឯកសារ សាធារណៈ, បទប្រើប្រាស់ ឯកសារ សាធារណៈ ក្លែង, និង បទញុះញង់ បង្ក ឲ្យមាន ភាពវឹកវរ ធ្ងន់ធ្ងរ ដល់សន្តិសុខ សង្គម (គួរ ឲ្យអស់ សំណើច!), តុលាការ ដដែលនេះ ក៏បាន ធ្វើការ ចោទប្រកាន់ មកលើ ពួកយើង ទាំង ៣នាក់ -- សម រង្ស៊ី, អ៊ឹង ជុងលាង, និង សម្បត្តិ សត្យា -- ពីបទសមគំនិត ក្នុងអ្វី ដែលគេ ចាត់ទុកថា ជាបទល្មើស ទាំង ៣ មុខ ខាងលើនេះ។
តុលាការ អាយ៉ងនេះ ចាំតែ ធ្វើការ ចោទប្រកាន់ តាមបញ្ជា អ្នកដឹកនាំ នយោបាយ ដែលចង់ កម្ចាត់គូប្រកួត របស់ខ្លួន។ រឿងនេះ ជារឿង នយោបាយ សុទ្ធសាធ, ហើយ អ្នក ដែលធ្វើការ ចោទប្រកាន់នោះ មិនសំអាង លើការពិត មួយ ដ៏សំខាន់ ដែលគេ ធ្វើ មិនដឹង មិនលឺ។ ការពិតនោះ គឺ អ្វី ដែលលោក ហុង សុខហួរ បានយកមក បង្ហាញ តាមទំព័រ Facebook របស់ខ្ញុំ កាលពីថ្ងៃ ១១ សីហា ២០១៥ នោះ គឺជាឯកសារ ដែលមាន ការបកប្រែ ខុសមួយពាក្យ ពីភាសា ខ្មែរ ទៅភាសា អង់គ្លេស, ហើយ ពីភាសា អង់គ្លេស ត្រឡប់មក ភាសាខ្មែរ វិញ។ ពាក្យនោះ គឺ ពាក្យ «កំណត់ ឡើងវិញ» ឬ "Redefine" ដែលគេ បានបកប្រែ ត្រឡប់ត្រឡិន ទៅជាពាក្យ «រំលាយ» ឬ «Dissolve»។ ឯកសារ ដែលមាន ការបកប្រែ ខុស មួយពាក្យនេះ មិនមែន លោក ហុង សុខហួរ បានប្រឌិត ឬកែច្នៃ ខ្លួនគាត់ទេ, តែ ឯកសារនេះ ត្រូវ បានគេ ផ្សព្វផ្សាយ ទាំងស្រុង តាមប្រព័ន្ធ អុីនធើណេត (Internet) តាំងពីយូរឆ្នាំ មុនលោក ហុង សុខហួរ ទៅទៀត។ www.worldkhmerradioonline.com, http://www.worldkhmerradioonline.com/…/03/traity-197918feb.…
តើ ហេតុអ្វី បានជាតុលាការ អាយ៉ង និងអ្នកដឹកនាំ នយោបាយ នៅប្រទេស កម្ពុជា សព្វថ្ងៃ មិន ទៅរករឿង អង្គការ និងក្រុម ផ្សេងៗ នៅក្រៅប្រទេស ដែលគេ បានបង្ហោះ ទូទាំង ពិភពលោក តាំងពីយូរយារណាស់ មកហើយ នូវឯកសារ ដែលលោក ហុង សុខហួរ ទើបតែ បានយកមក បង្ហោះ តាមក្រោយគេនេះ? តុលាការ អាយ៉ង គួរដឹង ថា, ទំព័រ Facebook នីមួយៗ ដូចជាទំព័រ Facebook របស់ខ្ញុំ មានអ្នក គ្រប់គ្រង និងអ្នក ចាត់ចែង ជាច្រើនរូប ដែលមានសិទ្ធិ បង្ហោះព័ត៌មាន និងយោបល់ ផ្សេងៗ។ នៅថ្ងៃ ១១ សីហា ២០១៥ នៅពេល ដែលលោក ហុង សុខហួរ បង្ហោះ ឯកសារ ដូចបានបញ្ជាក់ ពីខាងលើ, ខ្ញុំ កំពុងតែ ធ្វើទស្សនកិច្ច នៅសហរដ្ឋ អាមេរិក ឯណោះ, ហើយ ទាល់តែ ថ្ងៃ ១៦ សីហា ២០១៥ ទើបខ្ញុំ បានវិលត្រឡប់ មកប្រទេស កម្ពុជាវិញ ដោយមិនបាន ពាក់ព័ន្ធអ្វី ក្នុងការបង្ហោះ ឯកសារនេះ៕
On 25 November 2016 the Kangaroo
Court in Phnom Penh will prosecute two young colleagues of mine: Ueng
Chong Leang, 21, and Sombath Satya, 25, and myself for an alleged
Facebook crime. On 7 November 2016, opposition Senator Hong Sok Hour was
sentenced to seven years in prison by the same Court for posting on my
Facebook page on 11 August 2015 a border-related document that had one
word mistranslated from Khmer to English and from English back to Khmer,
with the verb "redefine" becoming "dissolve". Only because of this
mistranslated word, Hong Sok Hour was accused of "forging a public
document," "making use of a forged public document" and "inciting the
public so as to create troubles and threaten public order." Now, my two
young colleagues -- who are members of my Facebook team -- and myself
are accused of being "accomplices" of Senator Hong Sok Hour.
The Phnom Penh Kangaroo Court doesn't want to know and to take into account the fact that the very document posted by Hong Sok Hour on 11 August 2015 with its mistranslated word had circulated on the Internet since March 2013 and the Cambodian authorities had not said anything about it and the US-based website that had posted it first.
The Kangaroo Court should also know that any Facebook pages targeting a
vast audience generally have many administrators and editors who have
the right to post news and views like what Hong Sok Hour did on my page.
When Hong Sok Hour's incriminated document was posted -- and deleted a
few hours later -- on 11 August 2015, I was traveling in the USA and
came back to Cambodia only five days later without having been involved
in the incident.
សម រង្ស៊ី / Sam Rainsy
No comments:
Post a Comment