 |
| លោកនាយករដ្ឋមន្ត្រី ហ៊ុន សែន (ឆ្វេង) និងនាយករដ្ឋមន្ត្រីប្រទេសឡាវ លោក ថងលួង ស៊ីស៊ូលីត (Thongloun Sisoulith) (ស្ដាំ) ក្នុងជំនួបផ្លូវការ នាវិមានសន្តិភាព រាជធានីភ្នំពេញ នៅថ្ងៃទី២៧ ខែមិថុនា ឆ្នាំ២០១៦។ Photo AFP |
នាយករដ្ឋមន្ត្រី នៃប្រទេស ៣ នឹងជួប ប្រជុំគ្នា ពីការអភិវឌ្ឍ តំបន់ ត្រីកោណ នៅខេត្ត សៀមរាប
RFA / វិទ្យុ អាស៊ី សេរី | ១៩ វិច្ឆិកា ២០១៦
នាយករដ្ឋមន្ត្រី នៃប្រទេស កម្ពុជា, ឡាវ, និងវៀតណាម ដែលហៅកាត់ តាមភាសា អង់គ្លេស ថា ស៊ី អិល វី (CLV) នឹងជួប ប្រជុំគ្នា នៅក្នុងខេត្ត សៀមរាប នៅថ្ងៃ ទី២២ និងទី២៣ ខែវិច្ឆិកា។
សេចក្ដីប្រកាស ព័ត៌មាន របស់ ក្រសួង ការបរទេស ផ្សព្វផ្សាយ នៅថ្ងៃ ទី១៩ ខែវិច្ឆិកា ឲ្យដឹង ថា, កិច្ចប្រជុំនេះ ស្ដីពី ការអភិវឌ្ឍ តំបន់ ត្រីកោណ ដោយផ្ដោត ទៅលើ ការរីកចំរើន និងបញ្ហា ប្រឈម ចំពោះមុខ។
សេចក្ដីប្រកាស ដដែល បន្តថា, រដ្ឋមន្ត្រី នៃសាធារណរដ្ឋ ប្រជាធិបតេយ្យ ប្រជាមានិត ឡាវ លោក ថងលួង ស៊ីស៊ូលីត (Thongloun Sisoulith) និងនាយករដ្ឋមន្ត្រី សាធារណរដ្ឋ សង្គមនិយម វៀតណាម លោក ង្វៀន ស៊ុងហ៊្វុក (Nguyen Xuan Phuc) នឹងចូលរួម កិច្ចប្រជុំនេះ តបតាម ការអញ្ជើញ របស់លោក នាយករដ្ឋមន្ត្រី ហ៊ុន សែន។
នេះ ជាកិច្ចប្រជុំ លើកទី៩, ហើយ នៅចុងក្រោយ នៃកិច្ចប្រជុំ, ភាគី ទាំង៣ នឹងចុះ ហត្ថលេខា លើកិច្ចព្រមព្រៀង មួយចំនួន បន្ថែមទៀត លើការអភិវឌ្ឍ តំបន់ ត្រីកោណ ដែលឋិត នៅជាប់ ព្រំដែន រួម នៃប្រទេស ទាំង៣៕
Nice going there PHUC (sp?)!!!
ReplyDelete