 |
| សង្គមស៊ីវិល និងគ្រួសារជនរងគ្រោះ ធ្វើពិធីរំឭកព្រឹត្តិការណ៍បាញ់សម្លាប់កម្មករនៅផ្លូវវ៉េងស្រេង កាលពី៣ឆ្នាំមុន នាផ្ទះសាមគ្គី ស្ថិតនៅភូមិត្រពាំងឈូក សង្កាត់ទឹកថ្លា ខណ្ឌសែនសុខ នៅថ្ងៃទី៣ ខែមករា ឆ្នាំ២០១៧។ RFA/Morm Moniroth |
សង្គមស៊ីវិល ធ្វើពិធី រំឭកខួប ៣ឆ្នាំ នៃព្រឹត្តិការណ៍ បាញ់សម្លាប់ កម្មករ នៅផ្លូវ វ៉េងស្រេង
RFA / វិទ្យុ អាស៊ី សេរី | ៣ មករា ២០១៧
សង្គមស៊ីវិល និងគ្រួសារ ជនរងគ្រោះ ធ្វើពិធី រំឭក ព្រឹត្តិការណ៍ បាញ់សម្លាប់ កម្មករ នៅផ្លូវ វ៉េងស្រេង កាលពី ៣ឆ្នាំ មុន នៅព្រឹកថ្ងៃ ទី៣ មករា នាផ្ទះ សាមគ្គី ស្ថិតនៅភូមិ ត្រពាំងឈូក សង្កាត់ ទឹកថ្លា ខណ្ឌ សែនសុខ។
ពិធីរំឭកនេះ ក្រុមអ្នកចូលរួម នៅតែ ទាមទារ យុត្តិធម៌ សម្រាប់ ពួកគេ និងជនរងគ្រោះ ដែលបាន បាត់បង់ ជីវិត ដោយសារ ការបាញ់ប្រហារ, ហើយ អះអាង ថា, ពួកគេ គ្មាន កំហុសឡើយ។
កាលពីថ្ងៃ២ និងទី៣ ខែមករា ឆ្នាំ២០១៤ មានព្រឹត្តិការណ៍បង្ក្រាបលើកម្មករនៅក្បែររោងចក្រយ៉ាកជីន (Yakjin) ស្ថិតនៅក្បែរតំបន់សេដ្ឋកិច្ចពិសេសភ្នំពេញ និងនៅលើកំណាត់ផ្លូវវ៉េងស្រេង ស្ថិតក្នុងខណ្ឌដង្កោ ក្នុងពេលកម្មករតវ៉ាទាមទារដំឡើងប្រាក់ឈ្នួល ១៦០ដុល្លារ។ ការបង្ក្រាបពេលនោះ បានបណ្ដាលឲ្យកម្មករចំនួន ៤នាក់ត្រូវបានគេបាញ់សម្លាប់ ម្នាក់បាត់ខ្លួន និងមនុស្សជិត ៤០នាក់របួស។
ក្រៅពីមានអ្នកស្លាប់ និងរបួស ក៏មានកម្មករ និងសកម្មជនសិទ្ធិមនុស្ស ២៣នាក់ផ្សេងទៀត ត្រូវបានអាជ្ញាធរចាប់ខ្លួន និងផ្ដន្ទាទោសដាក់ពន្ធនាគារមួយរយៈ។
ចំពោះការបាញ់សម្លាប់ និងការចាប់ខ្លួននេះ ត្រូវបានអង្គការសង្គមស៊ីវិលជាតិ និងអន្តរជាតិ រិះគន់យ៉ាងខ្លាំង ហើយជំរុញឲ្យរដ្ឋាភិបាលកម្ពុជា ស្វែងរកមុខជនទទួលខុសត្រូវលើការបាញ់សម្លាប់កម្មករតវ៉ាទាមទារដំឡើងប្រាក់ខែមកផ្ដន្ទាទោសតាមច្បាប់។
No comments:
Post a Comment