 |
| លោកនាយករដ្ឋមន្ត្រី ហ៊ុន សែន ថ្លែងក្នុងកិច្ចប្រជុំសភា នៅថ្ងៃទី៣១ ខែមករា ឆ្នាំ២០១៧។ Photo courtesy of National Assembly |
លោក ហ៊ុន សែន ស្នើ បន្ថែមច្បាប់ ដើម្បី រារាំង មិនឲ្យ អ្នកជាប់ទោស ធ្វើជាប្រធាន គណបក្ស
RFA / វិទ្យុ អាស៊ី សេរី | ៣១ មករា ២០១៧
លោក នាយករដ្ឋមន្ត្រី ហ៊ុន សែន ថ្លែង ក្នុងកិច្ចប្រជុំ សភា ថ្ងៃទី៣១ ខែមករា ដោយស្នើ សភា ធ្វើវិសោធនកម្ម ច្បាប់ ដើម្បី រារាំង មិនឲ្យ អ្នកជាប់ទោស អាចធ្វើ ប្រធាន គណបក្ស នយោបាយ។
ការស្នើបែបនេះរបស់លោក ហ៊ុន សែន ដោយសំអាងថា អ្នកជាប់ទោស មិនអាចបោះឆ្នោតបានផង រឿងអីអាចធ្វើជាប្រធានគណបក្សនយោបាយបាននោះ។
នៅព្រឹកដដែរនេះ តំណាងរាស្ត្រគណបក្សប្រជាជនកម្ពុជា ចំនួន ៦៧រូប បានលើកដៃបោះឆ្នោតលុបចោលតួនាទី លោក កឹម សុខា និងលោក ស ខេង ពីប្រធានក្រុមភាគតិចភាគច្រើន ដោយធ្វើវិសោធនកម្មជំពូក១២ ប្រកាស ៤៨ថ្មី (បី)។ តំណាងរាស្ត្រគណបក្សសង្គ្រោះជាតិ មិនបានចូលរួមក្នុងកិច្ចប្រជុំនេះទេ។
លោក ហ៊ុន សែន ថ្លែងអះអាងថា ការសម្រេចលុបប្រការនេះ ដោយសារតែដៃគូសន្ទនាក្រុមសំឡេងភាគច្រើនក្លាយជាចំណាប់ខ្មាំងរបស់ក្រុមសំឡេងភាគតិច ដែលទាមទារអោយដោះលែងអ្នកជាប់ឃុំ ជាការរំលោភគោលការណ៍បែងចែកអំណាច។
ប្រការ ៤៨ថ្មី (បី) ដែលតំណាងរាស្ត្រគណបក្សប្រជាជនកម្ពុជា សម្រេចកែប្រែនេះ កំណត់ថា ប្រធានក្រុមតំណាងរាស្ត្រក្រៅរដ្ឋាភិបាលមានអាសនៈនៅក្នុងសភា ចាប់ពី ២៥ភាគរយឡើងទៅ មានឈ្មោះថា ប្រធានក្រុមភាគតិច និងមានឋានៈស្មើនាយករដ្ឋមន្ត្រី ដែលជាដៃគូសន្ទនាជាមួយប្រមុខរដ្ឋាភិបាលដើម្បីដោះស្រាយបញ្ហាជាតិ។ ប្រការ ៤៨ថ្មី (បី) នេះ ត្រូវបានកែទៅជាប្រការ ៤៨ថ្មី (បួន) ដែលចែងថា ក្រុមពិភាក្សាដែលមួយក្រុមៗមានតំណាងរាស្ត្រ ១០រូប ក្នុងនោះមានប្រធានម្នាក់ និងអនុប្រធានម្នាក់។ ក្រុមនេះអាចនិយាយបាន ២០នាទីពេលប្រជុំ ប៉ុន្តែមុននឹងនិយាយបាន លុះត្រាមានការអនុញ្ញាតពីប្រធានសភាជាមុនសិន។
Acts of a desperate man !!!
ReplyDeleteHow low will Hun go !!!