 |
| លោក សម រង្ស៊ី ដែលកំពុងស្ថិតនៅឯបរទេស @Sam Rainsy Facebook |
លោក សម រង្ស៊ី ថា, លោក ហ៊ុន សែន ស្លន់ស្លោ ខ្លាចចាញ់ ការបោះឆ្នោត នាពេល ខាងមុខ
RFI / វិទ្យុ បារាំង អន្តរជាតិ | ៣១ មករា ២០១៧
លោក សម រង្ស៊ី បានប្រតិកម្ម ថា, លោក ហ៊ុន សែន កំពុង តែស្លន់ស្លោ ខ្លាចចាញ់ ការបោះឆ្នោត ឃុំ-សង្កាត់ និងបោះឆ្នោត ជាតិ នាពេល ខាងមុខ។ នេះ គឺ ជាការឆ្លើយតប ចំពោះ សេចក្តី ព្រមាន របស់លោក នាយករដ្ឋមន្ត្រី និងសេចក្តីសម្រេចរបស់ រដ្ឋសភា កាលពីព្រឹកមិញ។ ប្រមុខ បក្សប្រឆាំង បន្ថែម ថា, យូរឆ្នាំ មកហើយ ដែលលោក ហ៊ុន សែន ប្រើប្រាស់ តុលាការ ដើម្បី ផាត់ ឬកម្ចាត់ រូបលោក ឲ្យចេញ ពីឆាក នយោបាយ នៅកម្ពុជា។
ពីក្រៅប្រទេស លោក សម រង្ស៊ី បានចាត់ទុកការព្រមានរបស់លោកនាយករដ្ឋមន្ត្រី ថាជាការគំរាមកំហែង ហើយបង្ហាញពីភាពស្លន់ស្លោរបស់លោក ហ៊ុន សែន នៅពេលដែលការបោះឆ្នោតឃុំ-សង្កាត់ ក្នុងខែមិថុនា ឆ្នាំ ២០១៧ និងការបោះឆ្នោតរដ្ឋសភា ក្នុងខែកក្កដា ឆ្នាំ ២០១៨ កាន់តែឈានចូលមកជិត។ នេះបើតាមសំបុត្ររបស់លោក សម រង្ស៊ី ដែលបានផ្ញើសារអេឡិចត្រូនិកមកវិទ្យុបារាំង RFI និងដែលត្រូវផ្សព្វផ្សាយក្នុងទំព័រ Facebook ផ្លូវការរបស់លោក។
លោក សម រង្ស៊ី គូសបញ្ជាក់ថាការគំរាមកំហែងរបស់លោក ហ៊ុន សែន នៅពេលនេះ គឺ គ្មានប្រសិទ្ធភាពទេ ប៉ុន្តែវានឹងនាំមកនូវភាពបរាជ័យកាន់តែឆាប់ឡើង ចំពោះគណបក្សកាន់អំណាចសព្វថ្ងៃ ដែលកំពុងតែជ្រួលច្របល់ពីការខ្លាចចាញ់ឆ្នោត នាពេលខាងមុខ។
សូមបញ្ជាក់ថា លោក ហ៊ុន សែន នៅព្រឹកថ្ងៃទី៣១មករាក្នុងរដ្ឋសភា បានព្រមានថារឹបអូស និងលក់ឡាយឡុង ទ្រព្យសម្បតិ្តរបស់លោក សម រង្ស៊ី រួមទាំង ស្នាក់ការបក្សសង្គ្រោះជាតិ នៅសង្កាត់ចាក់អង្រែដែលដាក់ឈ្មោះលោក សម រង្ស៊ី ដើម្បីទាមទារសំណងជំងឺចិត្ត ១លានដុល្លារ នៅពេលសាលក្រមតុលាការចូលជាស្ថាពរ ហើយយកលុយនោះទៅសង់ផ្ទះឲ្យជនពិការ។ការប្តឹងបរិហាកេរ្តិ៍ជាសាធារណៈនេះ គឺទាក់ទងនឹងសម្តីរបស់លោក សម រង្ស៊ី ដែលចោទថា លោក ហ៊ុន សែន បានសូកនាង ធី សុវណ្ណថា ១លានដុល្លារ ដើម្បីវាយប្រហារបក្សសង្គ្រោះជាតិ។
ចំពោះបណ្តឹងទាំងឡាយទៀត តាមប្រព័ន្ធតុលាការក្នុងស្រុកខ្មែរ ដែលរុំស្ទើរតែវណ្ឌកលោក សម រង្ស៊ី, ប្រមុខបក្សប្រឆាំងរូបនេះ បានគូសបង្ហាញថា តាំងពីយូរឆ្នាំមកហើយ ដែលលោក ហ៊ុន សែន បានប្រើប្រាស់តុលាការក្រោមបញ្ជារបស់គាត់ ឲ្យផាត់រូបលោកចេញពីឆាកនយោបាយ នៅកម្ពុជា។ លោក សម រង្ស៊ី សង្កត់ធ្ងន់ថា ប្រធានបក្សកាន់អំណាច បានប៉ុនប៉ងកម្ចាត់ ឬបំបែកគណបក្សសង្គ្រោះជាតិ បន្ទាប់ពីគណបក្ស សម រង្ស៊ី។ តាមការយល់ឃើញរបស់លោក សម រង្ស៊ី ទាំងអស់នេះ គឺគ្មានអ្វីប្លែកទេ។
លោក សម រង្ស៊ី គូសបង្ហាញដែរថា លោក ហ៊ុន សែន នឹងទទួលបរាជ័យយ៉ាងអាម៉ាស និងជាស្ថាពរ ក្នុងពេលឆាប់ៗខាងមុខនេះ ពីព្រោះគណបក្សសង្គ្រោះជាតិ នៅតែរួបរួមគ្នា ហើយកាន់តែរឹងមាំឡើង រហូតដល់ទទួលជ័យជម្នះយ៉ាងត្រចះត្រចង់ ក្នុងការបោះឆ្នោតនៅពេលខាងមុខ។
ទន្ទឹមនេះ ប្រមុខបក្សប្រឆាំងដែលកំពុងនៅបរទេស បានអះអាងថា ដោយសារតែលោក ហ៊ុន សែន យល់ច្បាស់ថា គាត់មិនអាចរារាំងឆន្ទៈពលរដ្ឋខ្មែរ ដែលចង់ឲ្យមានការផ្លាស់ប្តូរ! គាត់បែរជាមករករឿងកាន់តែសាហាវឡើង ចំពោះរូបលោក ពីព្រោះលោក គឺជានិមិត្តរូបនៃការតស៊ូប្រឆាំងអំណាចផ្តាច់ការ និងប្រឆាំងនឹងអំពើពុករលួយ របស់លោក ហ៊ុន សែន និងក្រុមគ្រួសារគាត់។
ដោយឡែក ក្នុងសេចក្តីប្រកាសរបស់ខ្លួន លោក សម រង្ស៊ី បានបង្ហាញជំនឿយ៉ាងមុះមុត ជាថ្មីថា លោកនឹងអាចវិលត្រឡប់ចូលស្រុកខ្មែរវិញ មិនយូរប៉ុន្មានទេ ដើម្បីដឹកនាំគណបក្សសង្គ្រោះជាតិ ឆ្ពោះទៅជ័យជម្នះផ្តាច់ព្រាត់ នៅខែកក្កដា ឆ្នាំ ២០១។
ក៏ប៉ុន្តែជាការកត់សម្គាល់ ការប្រកាសចូលស្រុកវិញរបស់លោក សម រង្ស៊ី ជាច្រើនលើកច្រើនមកនេះ គឺនៅតែគ្មានភាពជាក់លាក់នោះទេ។ ចំណែកលោក ហ៊ុន សែន បានថ្លែងនៅក្នុងរដ្ឋសភាកាលពីព្រឹកថ្ងៃទី៣១មករាវិញ ថាឲ្យតែលោក សម រង្ស៊ី ឈានជើងចូលស្រុក គឺត្រូវវាយខ្នោះភ្លាម៕
លោក សម រង្ស៊ី គូសបញ្ជាក់ថាការគំរាមកំហែងរបស់លោក ហ៊ុន សែន នៅពេលនេះ គឺ គ្មានប្រសិទ្ធភាពទេ ប៉ុន្តែវានឹងនាំមកនូវភាពបរាជ័យកាន់តែឆាប់ឡើង ចំពោះគណបក្សកាន់អំណាចសព្វថ្ងៃ ដែលកំពុងតែជ្រួលច្របល់ពីការខ្លាចចាញ់ឆ្នោត នាពេលខាងមុខ។
សូមបញ្ជាក់ថា លោក ហ៊ុន សែន នៅព្រឹកថ្ងៃទី៣១មករាក្នុងរដ្ឋសភា បានព្រមានថារឹបអូស និងលក់ឡាយឡុង ទ្រព្យសម្បតិ្តរបស់លោក សម រង្ស៊ី រួមទាំង ស្នាក់ការបក្សសង្គ្រោះជាតិ នៅសង្កាត់ចាក់អង្រែដែលដាក់ឈ្មោះលោក សម រង្ស៊ី ដើម្បីទាមទារសំណងជំងឺចិត្ត ១លានដុល្លារ នៅពេលសាលក្រមតុលាការចូលជាស្ថាពរ ហើយយកលុយនោះទៅសង់ផ្ទះឲ្យជនពិការ។ការប្តឹងបរិហាកេរ្តិ៍ជាសាធារណៈនេះ គឺទាក់ទងនឹងសម្តីរបស់លោក សម រង្ស៊ី ដែលចោទថា លោក ហ៊ុន សែន បានសូកនាង ធី សុវណ្ណថា ១លានដុល្លារ ដើម្បីវាយប្រហារបក្សសង្គ្រោះជាតិ។
ចំពោះបណ្តឹងទាំងឡាយទៀត តាមប្រព័ន្ធតុលាការក្នុងស្រុកខ្មែរ ដែលរុំស្ទើរតែវណ្ឌកលោក សម រង្ស៊ី, ប្រមុខបក្សប្រឆាំងរូបនេះ បានគូសបង្ហាញថា តាំងពីយូរឆ្នាំមកហើយ ដែលលោក ហ៊ុន សែន បានប្រើប្រាស់តុលាការក្រោមបញ្ជារបស់គាត់ ឲ្យផាត់រូបលោកចេញពីឆាកនយោបាយ នៅកម្ពុជា។ លោក សម រង្ស៊ី សង្កត់ធ្ងន់ថា ប្រធានបក្សកាន់អំណាច បានប៉ុនប៉ងកម្ចាត់ ឬបំបែកគណបក្សសង្គ្រោះជាតិ បន្ទាប់ពីគណបក្ស សម រង្ស៊ី។ តាមការយល់ឃើញរបស់លោក សម រង្ស៊ី ទាំងអស់នេះ គឺគ្មានអ្វីប្លែកទេ។
លោក សម រង្ស៊ី គូសបង្ហាញដែរថា លោក ហ៊ុន សែន នឹងទទួលបរាជ័យយ៉ាងអាម៉ាស និងជាស្ថាពរ ក្នុងពេលឆាប់ៗខាងមុខនេះ ពីព្រោះគណបក្សសង្គ្រោះជាតិ នៅតែរួបរួមគ្នា ហើយកាន់តែរឹងមាំឡើង រហូតដល់ទទួលជ័យជម្នះយ៉ាងត្រចះត្រចង់ ក្នុងការបោះឆ្នោតនៅពេលខាងមុខ។
ទន្ទឹមនេះ ប្រមុខបក្សប្រឆាំងដែលកំពុងនៅបរទេស បានអះអាងថា ដោយសារតែលោក ហ៊ុន សែន យល់ច្បាស់ថា គាត់មិនអាចរារាំងឆន្ទៈពលរដ្ឋខ្មែរ ដែលចង់ឲ្យមានការផ្លាស់ប្តូរ! គាត់បែរជាមករករឿងកាន់តែសាហាវឡើង ចំពោះរូបលោក ពីព្រោះលោក គឺជានិមិត្តរូបនៃការតស៊ូប្រឆាំងអំណាចផ្តាច់ការ និងប្រឆាំងនឹងអំពើពុករលួយ របស់លោក ហ៊ុន សែន និងក្រុមគ្រួសារគាត់។
ដោយឡែក ក្នុងសេចក្តីប្រកាសរបស់ខ្លួន លោក សម រង្ស៊ី បានបង្ហាញជំនឿយ៉ាងមុះមុត ជាថ្មីថា លោកនឹងអាចវិលត្រឡប់ចូលស្រុកខ្មែរវិញ មិនយូរប៉ុន្មានទេ ដើម្បីដឹកនាំគណបក្សសង្គ្រោះជាតិ ឆ្ពោះទៅជ័យជម្នះផ្តាច់ព្រាត់ នៅខែកក្កដា ឆ្នាំ ២០១។
ក៏ប៉ុន្តែជាការកត់សម្គាល់ ការប្រកាសចូលស្រុកវិញរបស់លោក សម រង្ស៊ី ជាច្រើនលើកច្រើនមកនេះ គឺនៅតែគ្មានភាពជាក់លាក់នោះទេ។ ចំណែកលោក ហ៊ុន សែន បានថ្លែងនៅក្នុងរដ្ឋសភាកាលពីព្រឹកថ្ងៃទី៣១មករាវិញ ថាឲ្យតែលោក សម រង្ស៊ី ឈានជើងចូលស្រុក គឺត្រូវវាយខ្នោះភ្លាម៕
No comments:
Post a Comment