 |
| រូបភាពបង្ហាញពីទិដ្ឋភាពព្រៃឈើដែលគ្របដណ្ដប់នៅប្រទេសកម្ពុជា នៅឆ្នាំ២០០០ និងឆ្នាំ២០១៤។ Photo courtesy of NASA |
អង្គការ [Agency of US gov't] ណាសា [NASA or National Aeronautics and Space Administration] បង្ហាញ ទិន្នន័យ ថា, ព្រៃឈើ នៅកម្ពុជា កំពុង ហិនហោច លឿនខ្លាំង
RFA / វិទ្យុ អាស៊ី សេរី | ១១ មករា ២០១៧
ទិន្នន័យ របស់ អង្គការ ណាសា (NASA) ដែលទើប ចេញផ្សាយ បង្ហាញ ថា, ព្រៃឈើ នៅប្រទេស កម្ពុជា កំពុង បាត់បង់ លឿនខ្លាំង, ហើយ កម្ពុជា ស្ថិតក្នុង ក្រុមប្រទេស ដែលមាន អត្រា ការកាប់ ព្រៃឈើ លឿន ជាងគេ បំផុត ក្នុងពិភពលោក។ ទោះ ជាយ៉ាងណា ក្រសួង បរិស្ថាន កម្ពុជា ថ្លែង ថា, រដ្ឋាភិបាល កំពុង ទប់ស្កាត់ ការកាប់ ព្រៃឈើ ដោយយន្តការ ម៉ឺងម៉ាត់។
អង្គការ ណាសា នៅសហរដ្ឋ អាមេរិក ដែលជំនាញ ខាងផ្នែក លំហអាកាស បានបោះពុម្ព ផ្សាយ រូបភាព ដែលថត ដោយផ្កាយរណប ដោយបច្ចេកវិទ្យា លែនសាដ (Landsat)។ រូបភាព បានបង្ហាញ ពីទិដ្ឋភាព ព្រៃឈើ ដែលគ្របដណ្ដប់ នៅប្រទេស កម្ពុជា នៅឆ្នាំ ២០០០ និងឆ្នាំ ២០១៥។
តាមរយៈ រូបភាពនេះ កម្ពុជា បានបាត់បង់ ព្រៃឈើ ចំនួន ១៤,៤% ឬ ១,៤៤លាន ហិកតារ ក្នុងមួយឆ្នាំៗ។ [According to these images, Cambodia lost 14.4% of its forest or 1.44 M hectares every year.]
ណាសា ឲ្យដឹងថា ព្រៃការពារក៏ត្រូវបានគេកាប់បំផ្លាញដែរក្នុងរយៈពេលជាងមួយទសវត្សមកនេះ។ ព្រៃឈើភាគច្រើន ត្រូវគេកាប់ដើម្បីរានធ្វើចម្ការកៅស៊ូ និងដើម្បីយកឈើប្រណិត។
អ្នកស្រាវជ្រាវដែលបានប្រើទិន្នន័យពីរូបភាពផ្កាយរណប និងទិន្នន័យវិភាគផ្នែកសេដ្ឋកិច្ចដទៃទៀតគូសបញ្ជាក់ថា បម្រែបម្រួលតម្លៃជ័រកៅស៊ូលើទីផ្សារអន្តរជាតិ និងការកើនឡើងឆាប់រហ័សនៃការផ្តល់ដីសម្បទាន ជាមូលហេតុចម្បងពន្លឿនការបាត់បង់ព្រៃឈើនៅកម្ពុជា។
រដ្ឋាភិបាលកម្ពុជា ផ្តល់ដីសម្បទានឲ្យក្រុមហ៊ុនក្នុងស្រុក និងបរទេស ដើម្បីធ្វើចម្ការកសិកម្មការផលិតឈើប្រណិត ជាដើម។ អ្នកស្រាវជ្រាវបានរកឃើញថា ព្រៃឈើនៅក្នុងដីសម្បទានបាត់បង់លឿនជាងព្រៃឈើដែលនៅក្រៅដីសម្បទាន ចន្លោះពី ២៩ ទៅ ១០៥ភាគរយ។
របាយការណ៍ស្រាវជ្រាវរបស់អង្គការសង្គមស៊ីវិលកម្ពុជា បានរកឃើញថា គិតត្រឹមចុងឆ្នាំ២០១៥ ផ្ទៃដីទំហំជាង ១លាន ៥សែនហិកតារ (១.៥៣២.៧៨៣ហិកតារ) នៅទូទាំងប្រទេសកម្ពុជា ត្រូវបានផ្តល់ទៅឲ្យក្រុមហ៊ុនដីសម្បទានសេដ្ឋកិច្ចចំនួន ២៦៧ ដោយលាតសន្ធឹងលើខេត្តចំនួន១៨។
ក្រុមហ៊ុន១២៨ ទទួលបានដីសម្បទានសេដ្ឋកិច្ចដែលមានទីតាំងត្រួតស៊ីគ្នាលើតំបន់ព្រៃស្រោង និងព្រៃពាក់កណ្ដាលស្រោង ហើយក្រុមហ៊ុន៧២ ទទួលបានដីសម្បទានដែលត្រួតលើតំបន់ការពារ និងព្រៃការពារ។
អ្នកនាំពាក្យក្រសួងបរិស្ថាន លោក សៅ សុភាព ឲ្យដឹងថា លោកមិនទាន់បានឃើញទិន្នន័យរបស់ណាសានេះទេ។ ក៏ប៉ុន្តែលោកថា រដ្ឋាភិបាលកម្ពុជា កំពុងទប់ស្កាត់ការកាប់បំផ្លាញព្រៃឈើដោយម៉ឺងម៉ាត់។ លោក សៅ សុភាព លើកពីការទប់ស្កាត់បទល្មើសព្រៃឈើ ដូចជាការដកហូតដីសម្បទាន ការចេញបទបញ្ជាលេខ០១ សារាចរលេខ៥ ការបង្កើតគណៈកម្មការបង្ក្រាបបទល្មើសព្រៃឈើ ការរៀបចំវេទិកាថ្នាក់ជាតិ និងការដាក់ពង្រាយមន្ត្រីបរិស្ថាន ដើរល្បាតព្រៃ និងអនុវត្តច្បាប់ព្រៃឈើ៖ «យើងមានគោលការណ៍ច្បាប់។ អ្នកណាប្រព្រឹត្តខុសច្បាប់ នឹងត្រូវទទួលទោសតាមច្បាប់។ ដូច្នេះយើងមានច្បាប់ត្រូវតែពង្រឹង។ ធ្វើសកម្មភាពការពារ និងអភិរក្ស។ អនុវត្តច្បាប់ដោយម៉ឺងម៉ាត់»។
អង្គការណាសា បញ្ជាក់ថា បើទោះជាប្រទេសជាច្រើនទៀតកំពុងបាត់បង់ព្រៃឈើជាច្រើនហិកតារជាងកម្ពុជា ក្នុងរយៈពេលប៉ុន្មានឆ្នាំចុងក្រោយនេះក្តី ក៏ប៉ុន្តែការកាប់ព្រៃឈើនៅកម្ពុជា មានសភាពខ្លាំងក្លាជាង។
ក្នុងមួយឆ្នាំៗ ប្រទេសសេរ៉ាឡេអូន បាត់បង់ព្រៃឈើ ១២,៦ភាគរយ ម៉ាដាហ្គាស្កា ៨,៣ភាគរយ អ៊ុយរ៉ាហ្គាយ ៨,១ភាគរយ និងប៉ារ៉ាហ្គាយ ៧,៧ភាគរយ៕
No comments:
Post a Comment