[Demographic Vietnamization: Trang Tayeung] ក្រុមប្រឹក្សា​ ធម្មនុញ្ញ ច្រាន​ចោល​ បណ្ដឹង​ បក្ស​ប្រឆាំង ​លើ​ការ ​លុប​ឈ្មោះ​ បរទេស​ ពី​បញ្ជី​ បោះឆ្នោត | Constitutional Council dismisses opposition party's case to delete names of foreigners from voter registration

[Related / Background]

Trang Tayeung district, Kampong Speu (photo: Theary C. Seng)

...

 

ក្រុមប្រឹក្សា​ធម្មនុញ្ញ។ រូប​ថត​ថ្ងៃ​ទី​០២ ខែ​កុម្ភៈ ឆ្នាំ​២០១៧។ RFA/Rann Samnang

ក្រុមប្រឹក្សា​ ធម្មនុញ្ញ ច្រាន​ចោល​ បណ្ដឹង​ បក្ស​ប្រឆាំង ​លើ​ការ ​លុប​ឈ្មោះ​ បរទេស​ ពី​បញ្ជី​ បោះឆ្នោត

RFA / វិទ្យុ អាស៊ី សេរី | ៣១ មករា ២០១៧

ក្រុមប្រឹក្សា​ ធម្មនុញ្ញ សម្រេច ​ច្រាន​ចោល​ បណ្ដឹង របស់​ គណបក្ស​ សង្គ្រោះ​ជាតិ ដែល​ប្ដឹង​ លុប​ឈ្មោះ ​ជនជាតិ​ វៀតណាម ១៤​នាក់ ចេញ ​ពី​បញ្ជី​ បោះឆ្នោត ​ថ្មី ដែល​បក្ស​នេះ​ រក​ឃើញ​ នៅ​ក្នុង​ ឃុំ​ត្រែងត្រយឹង ស្រុក​​ភ្នំស្រួច ខេត្ត​កំពង់ស្ពឺ និង​សង្កាត់​ ចោមចៅ រាជធានី​ ភ្នំពេញ។

ការ​សម្រេច​ បិទ​ផ្លូវ​ តវ៉ា​នេះ ប្រធាន​ ក្រុមប្រឹក្សា​ ធម្មនុញ្ញ លោក អ៊ឹម ឈុនលឹម លើក​ឡើង​ ថា.  ក្រុម​ប្រឹក្សា​ ធម្មនុញ្ញ ​គ្មាន​ សមត្ថកិច្ច​ ត្រួត​ពិនិត្យ​ អត្តសញ្ញាណប័ណ្ណ​ ដែល​ចេញ​ ដោយ​ក្រសួង​ មហាផ្ទៃ និង​ថា. សេចក្ដី​សម្រេច ​របស់​ គណៈកម្មាធិការ​ ជាតិ​ រៀបចំ ការ​បោះឆ្នោត មាន​មូលដ្ឋាន​ គតិយុត្តិ ​ត្រឹមត្រូវ។


សំណុំរឿង​ ដែល​ក្រុមប្រឹក្សា​ ធម្មនុញ្ញ លើក​យក​ មក​ធ្វើ​ សវនាការ​ នៅ​ថ្ងៃ​ទី​១ កុម្ភៈ មាន៣​ សំណុំរឿង, គឺ​ ពី​ខេត្ត​ កំពង់ស្ពឺ​ មាន២​ សំណុំរឿង ដែល​មាន​ឈ្មោះ​ ជនជាតិ ​វៀតណាម ៤​នាក់ និង ១ សំណុំរឿង ​ពី​សង្កាត់​ ចោមចៅ រាជ​ធានី ​ភ្នំពេញ មាន​ឈ្មោះ​ ជនជាតិ ​វៀតណាម ១០​នាក់។