សមាជិក សភា អាមេរិក ជំរុញ ឲ្យរដ្ឋសភា កម្ពុជា កុំ អនុម័ត វិសោធនកម្ម ច្បាប់ បក្សនយោបាយ
RFA / វិទ្យុ អាស៊ី សេរី | ១៦ កុម្ភៈ ២០១៧
សមាជិក សភា អាមេរិក មកពី គណបក្ស ប្រជាធិបតេយ្យ តំណាង ក្រុងឡុងប៊ិច រដ្ឋ កាលីហ្វ័រញ៉ា លោក អាឡាន់ ឡូវ៉ិនថល (Alan Lowenthal) បានជំរុញ ឲ្យរដ្ឋសភា កម្ពុជា កុំ អនុម័ត ការធ្វើ វិសោធនកម្ម ច្បាប់ ស្ដីពី គណបក្ស នយោបាយ ដែលលោក ហៅថា ជាច្បាប់ ពុំមាន លក្ខណៈ ប្រជាធិបតេយ្យ, ហើយ អាចនាំ ឲ្យប្រទេស កម្ពុជា ក្លាយ ជាប្រទេសមួយ ដែលគ្រប់គ្រង ដោយគណបក្ស តែមួយ។
លោក អាឡាន់ ឡូវ៉ិនថល បានថ្លែង នៅក្នុង សម័យប្រជុំ សភា ជាន់ទាប អាមេរិក កាលពីថ្ងៃ ទី១៥ កុម្ភៈ ម្សិលមិញ ថា, សេចក្តី ព្រាង វិសោធនកម្ម ច្បាប់ ស្ដីពី គណបក្ស នយោបាយនេះ នឹងផ្តល់ នូវអំណាច យ៉ាងទូលំទូលាយ មួយ ដែលរដ្ឋាភិបាល អាចបញ្ឈប់ គណបក្ស នយោបាយ តាមស្រេច តែ ចិត្ត។ លោក ជំរុញ ឲ្យរដ្ឋសភា នៃប្រទេស កម្ពុជា កុំ អនុម័តច្បាប់ ដែលពុំ មានលក្ខណៈ ប្រជាធិបតេយ្យ មួយនេះ ដែលអាច ធ្វើឲ្យ ប្រទេសនេះ ធ្វើដំណើរ ប្រកប ដោយគ្រោះថ្នាក់ ក្លាយ ជារដ្ឋ ដែលគ្រប់គ្រង ដោយគណបក្ស តែមួយ។
លោក ក៏ជំរុញ ឲ្យរដ្ឋសភា នៃប្រទេសនេះ អនុញ្ញាត ឲ្យប្រជាជន របស់ខ្លួន ជ្រើសរើស មេដឹកនាំ របស់ ពួកគេ បាន ដោយខ្លួនឯង ផងដែរ។
កាលពីសប្ដាហ៍មុន លោក អាឡាន់ ឡូវ៉ិនថល និងសមាជិក សភា លោក ស្ទីវ ឆាបុត (Steve Chabot) ដែលជាសហប្រធាន ក្រុមសមាជិក សភា អាមេរិក ស្ដីពី បញ្ហាកម្ពុជា បានអំពាវនាវ ឲ្យរដ្ឋមន្ត្រី ក្រសួង ការបរទេស លោក រិច ធីល្លឺសុន (Rex W. Tillerson) និងរដ្ឋបាល ថ្មី ឲ្យកំណត់ យកបញ្ហា សិទ្ធិមនុស្ស, ប្រជាធិបតេយ្យ, និងនីតិរដ្ឋ ក្នុងប្រទេស កម្ពុជា ធ្វើជា អាទិភាព។ មិនបាន ប៉ុន្មាន ថ្ងៃផង ក្រោយមកទៀត លោក សម រង្ស៊ី មេដឹកនាំ គណបក្ស ប្រឆាំង ក្នុងប្រទេស កម្ពុជា បានលាឈប់ ពីមុខតំណែង ក្រោយពេល ដែលមាន សេចក្តីព្រាងច្បាប់ ដែលអាច ឈានទៅរក ការរំលាយ គណបក្ស ប្រឆាំង បាន ប្រសិនបើ លោក នៅតែ បន្តធ្វើ ជាមេដឹកនាំ គណបក្សនេះ។
រដ្ឋសភា នឹងកោះប្រជុំ វិសាមញ្ញ អនុម័ត វិសោធនកម្ម ច្បាប់ ស្ដីពី គណបក្ស នយោបាយ នៅថ្ងៃ ទី២០ ខែកុម្ភៈ សប្ដាហ៍ ក្រោយនេះ៕
On Friday, California judge Donna Ryu approved Rainsy’s right to seek “audio and video recordings from July 1 through 14, 2016 at the Caltex station”, among other documents.
ReplyDeleteEveryone does have the right to seek information. Basically the Judge did not grant Rainsy anything extra. Caltex can always decline to give the information, citing some reason to their liking.
A subpoena is a compelling demand from the court to supply information. Failure to comply would be faced with a charge "Contempt of the court".
At this moment, there is no subpoena against Caltex of Cambodia. Make that clear.