 |
| សកម្មជនបឹងកក់ អ្នកស្រី បូវ សោភា ដែលរងរបួសពេលប៉ះទង្គិចជាមួយសន្តិសុខខណ្ឌ៧មករា ខាងមុខតុលាការរាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០១៧។ RFA/Rann Samnang |
ស្ត្រី បឹងកក់ ប៉ះទង្គិចគ្នា មួយប្រាវ ជាមួយ សន្តិសុខ ខណ្ឌ ៧ មករា នៅតុលាការ
RFA / វិទ្យុ អាស៊ី សេរី | ២២ កុម្ភៈ ២០១៧
សហគមន៍ បឹងកក់ ប៉ះទង្គិចគ្នា មួយប្រាវ ជាមួយ សន្តិសុខ ខណ្ឌ៧ មករា បណ្ដាល ឲ្យមនុស្ស ៤នាក់ របួស នៅខាងមុខ សាលាដំបូង រាជធានី ភ្នំពេញ នៅព្រឹក ថ្ងៃទី២៣ ខែកុម្ភៈ ខណៈ ដែលតុលាការ កំពុង បើកសវនាការ ជំនុំជម្រះ សំណុំរឿង ចោទអ្នកស្រី ទេព វន្នី តំណាង សហគមន៍ បឹងកក់។ ការប៉ះទង្គិច គ្នានេះ បណ្ដាល ឲ្យសកម្មជន បឹងកក់ លោកស្រី បូវ សោភា រងរបួស ធ្ងន់ ត្រង់ក្បាល និងជើង, កញ្ញា សុង ស្រីលាភ ត្រូវ បានកង សន្តិសុខ ចាប់សែង ដោយវាយ ទាត់ធាក់ ក្នុងបំណង បញ្ចៀស កុំឲ្យ ក្រុមស្ត្រី បឹងកក់ ឈរតវ៉ា ខាងមុខ តុលាការ តទៅទៀត។
ក្រុមសហគមន៍បឹងកក់ ប្រមាណ ៣០នាក់ នាំគ្នាតវ៉ាដោយមានពាក់ម៉ាស់មុខពណ៌ខ្មៅ លើកបដាទាមទារឲ្យដោះលែងអ្នកស្រី ទេព វន្នី។ ពួកគាត់អះអាងថា ការពាក់ម៉ាស់ពណ៌ខ្មៅនេះ ចង់បង្ហាញថា អ្នកដែលនិយាយច្រើនពាក់ព័ន្ធនឹងបញ្ហាអយុត្តិធម៌សង្គមអាចប្រឈមនឹងការជាប់ពន្ធនាគារ។
តំណាងសហគមន៍បឹងកក់ អ្នកស្រី ទេព វន្នី ត្រូវបានចោទថា ប្រើហិង្សាលើសន្តិសុខសណ្ដាប់ធ្នាប់សាលាខណ្ឌដូនពេញ នៅក្បែរផ្ទះលោកនាយករដ្ឋមន្ត្រី ហ៊ុន សែន កាលពីខែមីនា ឆ្នាំ២០១៣។ អ្នកស្រី ទេព វន្នី ត្រូវបាននាំមកដល់បន្ទប់សវនាការនៅម៉ោងជាង ៨ព្រឹក។
ការបើកសវនាការជំនុំជម្រះជាថ្មីនេះ បន្ទាប់ពីចៅក្រមសាលាដំបូងរាជធានីភ្នំពេញ លោក ឡុង សេកភិរម្យ បានប្រកាសបិទអង្គជំនុំជម្រះភ្លាមៗ កាលពីរសៀលថ្ងៃទី៣ ខែកុម្ភៈ ដោយអះអាងថា លោកមានបញ្ហាសុខភាព ក្នុងពេលកំពុងដំណើរការជំនុំជម្រះ។
No comments:
Post a Comment