 |
| រដ្ឋមន្ត្រីក្រសួងមហាផ្ទៃ លោក ស ខេង (កណ្ដាល) បើកកិច្ចប្រជុំបូកសរុបលទ្ធផលយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី១ នៅថ្ងៃទី២ ខែកុម្ភៈ ឆ្នាំ២០១៧។ RFA/Rach Vingur |
ក្រសួង មហាផ្ទៃ កំពុង ពិនិត្យ សុពលភាព គណបក្ស សង្គ្រោះជាតិ
RFA / វិទ្យុ អាស៊ី សេរី | ១៤ មិនា ២០១៧
រដ្ឋមន្ត្រី ក្រសួង មហាផ្ទៃ លើកឡើង ថា, ទំនង មានការ លំបាក ក្នុងការផ្ដល់ សុពលភាព ដល់សមាសភាព ក្បាលម៉ាស៊ីន ថ្មី នៃគណបក្ស សង្គ្រោះជាតិ ដ្បិត គណបក្សនេះ បានធ្វើខុស ពីលក្ខន្តិកៈ គណបក្ស។ មន្ត្រីជាន់ខ្ពស់ គណបក្ស សង្គ្រោះជាតិ បញ្ជាក់តបវិញ ថា, គណបក្ស បានធ្វើ វិសោធនកម្ម លក្ខន្តិកៈ របស់ខ្លួន, ហើយ បានដាក់ជូន ក្រសួង មហាផ្ទៃ រួចហើយដែរ។
រដ្ឋមន្ត្រី ក្រសួង មហាផ្ទៃ លោក ស ខេង ថា, ក្រសួង មហាផ្ទៃ ដែលមាន ភារកិច្ច ផ្ដល់សុពលភាព គណបក្ស នយោបាយ នឹងសិក្សា ឲ្យបាន ច្បាស់លាស់ ថា, តើ គេ អាចផ្ដល់ សុពលភាព ដល់គណបក្ស ប្រឆាំង ឬយ៉ាងណា នៅពេល ដែលលោក ទទួលបាន ព័ត៌មាន បឋម ថា, គណបក្សនេះ បានជ្រើសរើស ក្បាលម៉ាស៊ីន ថ្មី របស់ បក្ស ខុសពីអ្វី ដែលមានចែង ក្នុងលក្ខន្តិកៈ។
លោក ស ខេង បានថ្លែង បែបនេះ នៅក្នុង ពិធីសម្ពោធ ផ្លូវជាតិ លេខ៥១ ក្នុងភូមិសាស្ត្រ ខេត្តកំពង់ស្ពឺ។ បើ តាមសម្រង់សម្ ដីដែលលើក យកមក ផ្សព្វផ្សាយ ដោយវិទ្យុបាយ័ន, លោក ស ខេង ថាកំពុង ពិចារណា ចំពោះ ការផ្ដល់ សុពលភាព ក្បាលម៉ាស៊ីន ដឹកនាំ ថ្មី របស់ គណបក្ស ប្រឆាំង, តែ បើ ទោះជាយ៉ាងណា លោក ថា នឹងពនិត្យ ផ្លូវច្បាប់ តទៅទៀត៖ «បើសិនជា ព្រោះ តាមដឹង លក្ខន្តិកៈ របស់គាត់ មុនថា កាលណា អវត្ត មានប្រធាន មិនដល់ ១៨ខែ គឺ កន្លែងហ្នឹង គេ ទុកទំនេរ។ ប៉ុន្តែ ឥឡូវនេះ គឺ សល់តែ ២ខែជាង មកទល់ នឹងសមាជ របស់ គាត់ហ្នឹង។ វា មានទៅដល់ ១៨ខែ ឯណា! ដូច្នេះ ម៉េច ក៏គាត់ ជ្រើសរើស ប្រធាន? ហ្នឹង ក្រែងគាត់ មិនបាន គោរព លក្ខន្តិកៈ របស់គាត់? តែ ខ្ញុំ ស្មានទេ គ្រាន់តែ ឮព្រាវៗ។ ខ្ញុំ មិនទាន់ ច្បាស់ទេ, ទាល់តែ យកឯកសារ មកអាន។ តែ បើអ៊ីចឹង មែនហ្នឹង គឺ ពិបាក នឹងទទួលស្គាល់។ បើ មិនអ៊ីចឹង បក្សដទៃ ក៏យក ហេតុផលដែរ ឬក៏គាត់ យោងច្បាប់ វិសោធនកម្ម ថ្មី ច្បាប់គណបក្ស នយោបាយ ក៏មិនដឹងដែរ។ ខ្ញុំ និយាយនេះ មិនមែន ថា ខុសទេ, តែ ក៏មិនទាន់ ថា ត្រូវដែរ ព្រោះ ទាល់តែ មានការ សម្រេចមួយ ច្បាស់លាស់។»
គណបក្សសង្គ្រោះជាតិ បានធ្វើសមាជវិសាមញ្ញកាលពីថ្ងៃទី២ ខែមីនា ដោយកែប្រែប្រការចំនួនពីរនៅក្នុងលក្ខន្តិកៈគណបក្ស និងជ្រើសរើសក្បាលម៉ាស៊ីនថ្មីដឹកនាំបក្ស។ សមាជវិសាមញ្ញធ្វើឡើងនៅក្រោយពេលលោក សម រង្ស៊ី លាលែងពីប្រធានបក្សកាលពីថ្ងៃទី១១ ខែកុម្ភៈ នោះ បានផ្ដល់សេចក្ដីទុកចិត្តឲ្យលោក កឹម សុខា ធ្វើជាប្រធាន ហើយអ្នកស្រី មូរ សុខហួរ លោក ប៉ុល ហំម និងលោក អេង ឆៃអ៊ាង ជាអនុប្រធាន។
អនុប្រធានគណបក្សសង្គ្រោះជាតិ លោក អេង ឆៃអ៊ាង ទទួលស្គាល់ថា គណបក្សលោកពិតជាបានបង្ខំចិត្តធ្វើសមាជវិសាមញ្ញ ដើម្បីវិសោធនកម្មលក្ខន្តិកៈ និងផ្លាស់ប្ដូរសមាសភាពថ្នាក់ដឹកនាំមែន ប៉ុន្តែទង្វើរបស់គណបក្សសង្គ្រោះជាតិ គឺធ្វើឡើងតាមការតម្រូវរបស់មាត្រាមួយចំនួននៃច្បាប់ស្ដីពីគណបក្សនយោបាយដែលទើបធ្វើវិសោធនកម្មថ្មី៖ «គណបក្សណាដែលអត់មានប្រធានគណបក្ស ឬប្រធានមានទោសទណ្ឌអីហ្នឹង គឺគេឲ្យគណបក្សរៀបចំឡើងវិញ ហើយការរៀបចំឡើងវិញហ្នឹង គេទុកពេលឲ្យយើងតែ ៩០ថ្ងៃទេ។ អ៊ីចឹងបើយើងមិនកែលក្ខន្តិកៈគណបក្សសង្គ្រោះជាតិ ទេ គឺយើងអត់មានច្រកបើកឲ្យយើងរៀបចំក្នុងរយៈពេល ៣ខែទេ ព្រោះក្នុងលក្ខន្តិកៈរបស់គណបក្សសង្គ្រោះជាតិ តែកាលណាអវត្តមានប្រធានចឹង ត្រូវអនុប្រធានទៅជាប្រធានស្ដីទីក្នុងរយៈពេលមិនតិចជាង ១៨ខែ ប៉ុន្តែច្បាប់គណបក្សនយោបាយដែលវិសោធនកម្មថ្មី គេតម្រូវឲ្យមានប្រធាន។»
ទាក់ទិននឹងការលើកឡើងរបស់លោក ស ខេង នេះ នាយកប្រតិបត្តិនៃគណៈកម្មាធិការអព្យាក្រឹត និងយុត្តិធម៌ ដើម្បីការបោះឆ្នោតដោយសេរី និងត្រឹមត្រូវនៅកម្ពុជា ឬហៅថាអង្គការនិកហ្វិច (Nicfec) លោក សំ គន្ធាមី មានប្រសាសន៍ថា ករណីនេះគណបក្សសង្គ្រោះជាតិ អាចប្រឈមនឹងបាត់បង់សុពលភាពដែរ ប្រសិនបើរកឃើញថា បានប្រព្រឹត្តខុសពីលក្ខន្តិកៈ ប៉ុន្តែលោកស្នើថា គួរមានការសម្របសម្រួល ដ្បិតការបោះឆ្នោតខិតជិតមកដល់៖ «នេះជាករណីពិសេស ព្រោះនេះជារឿងនយោបាយ ហើយប្រធានគណបក្សគាត់លាឈប់ទៅ វាត្រូវការចាំបាច់ឲ្យមានប្រធានថ្មី ដើម្បីចាត់ចែងចូលរួមប្រកួតប្រជែងក្នុងការបោះឆ្នោត។ វាជាករណីពិសេសមួយ។ ខ្ញុំគិតថាក្រសួងមហាផ្ទៃ គួរតែពិចារណាលើស្ថានភាពជាក់ស្ដែង។»
ការសម្រេចចិត្តរុះរើក្បាលម៉ាស៊ីនដឹកនាំគណបក្សសង្គ្រោះជាតិ ធ្វើឡើងមិនយូរប៉ុន្មានក្រោយពេលរដ្ឋសភា បានអនុម័តវិសោធនកម្មច្បាប់ស្ដីពីគណបក្សនយោបាយ ចាប់បង្ខំឲ្យមេដឹកនាំបក្សដែលមានទោសត្រូវរំលាយបក្សចោល និងហាមមិនឲ្យប្រធាន រហូតដល់គណៈកម្មការនាយកឈប់ធ្វើនយោបាយក្នុងរយៈពេល ៥ឆ្នាំ។ វិសោធនកម្មច្បាប់ដែលអនុម័តដោយឯកបក្សពីខាងបក្សកាន់អំណាច និងអនុវត្តយ៉ាងឆាប់រហ័ស រងការរិះគន់ថា គឺជាចេតនាចង់រំលាយ និងបញ្ចប់ជីវិតនយោបាយបក្សប្រឆាំងឲ្យបានមុនការបោះឆ្នោតឆ្នាំ២០១៨។
ផ្ទុយទៅវិញ លោកនាយករដ្ឋមន្ត្រី ហ៊ុន សែន បញ្ជាក់ជំហរកាលពីខែកុម្ភៈ ថា ច្បាប់ស្ដីពីគណបក្សនយោបាយនេះ តាក់តែងឡើងមិនមែនសម្រាប់តែបក្សប្រឆាំងឡើយ ក៏ប៉ុន្តែច្បាប់នេះក៏តម្រូវដល់គ្រប់គណបក្សនយោបាយដែលបានប្រព្រឹត្តកំហុស រួមទាំងបក្សកាន់អំណាចផង៕
No comments:
Post a Comment