 |
| ប្រធានគណបក្សសង្គ្រោះជាតិ លោក កឹម សុខា ថ្លែងក្នុងពិធីបង្សុកូលរំលឹកវិញ្ញាណក្ខន្ធអ្នកស្លាប់ដោយសារគ្រាប់បែកមុខរដ្ឋសភាចាស់ នៅថ្ងៃទី៣០ ខែមីនា ឆ្នាំ២០១៧។ RFA/Morm Moniroth |
លោក កឹម សុខា អះអាង ថា, ទោះ លក្ខន្តិកៈ ថ្មី ឬចាស់ ក៏លោក នៅតែ ជាប្រធាន គណបក្ស
RFA / វិទ្យុ អាស៊ី សេរី | ៣០ មិនា ២០១៧
ប្រធាន គណបក្ស សង្គ្រោះជាតិ លោក កឹម សុខា អះអាង ក្រោយពិធី បង្សុកូល រំលឹក វិញ្ញាណក្ខន្ធ អ្នកស្លាប់ ដោយសារ គ្រាប់បែក មុខរដ្ឋសភា ចាស់ នៅថ្ងៃ ទី៣០ មីនា ថា, ទោះបី ជាមានលក្ខន្តិកៈ ថ្មី ឬចាស់ ក៏លោក នៅតែ ជាប្រធាន គណបក្ស ប្រឆាំង នេះដែរ។
ការថ្លែង ដូចនេះ របស់លោក កឹម សុខា ធ្វើឡើង ក្រោយ ពីក្រសួង មហាផ្ទៃ ចោទសមាជ វិសាមញ្ញ ដើម្បី រើសក្បាលម៉ាស៊ីន ដឹកនាំ របស់ គណបក្សប្រឆាំង កាលពីថ្ងៃ ទី២ ខែមីនា ខុសលក្ខន្តិកៈ គណបក្ស។
កាលពីថ្ងៃទី២៩ មីនា តំណាងក្រសួងមហាផ្ទៃ និងគណបក្សប្រឆាំងបានជួបជជែកគ្នាពីបញ្ហានេះ ដោយភាគីក្រសួងបញ្ជាក់ជំហរថា ខ្លួននឹងបន្តតាមដានទៀតពីជំហររបស់គណបក្សប្រឆាំង ថាតើនឹងប្ដូរឥរិយាបថរឿងសមាជវិសាមញ្ញដែលធ្វើខុសលក្ខន្តិកៈនេះដែរទេ ហើយចុងក្រោយអាចនឹងត្រូវប្រើប្រាស់នីតិវិធីដែលក្រសួងមហាផ្ទៃ មានអំពីច្បាប់ស្ដីពីលក្ខន្តិកៈគណបក្សនយោបាយ។ ប្រសិនបើគណបក្សសង្គ្រោះជាតិ នៅតែមិនព្រមកែទៅតាមលក្ខន្តិកៈដូចដែលបានចុះរួចហើយនៅក្រសួងមហាផ្ទៃ ជាពិសេសរឿងការរុះរើក្បាលម៉ាស៊ីនទេនោះ គណបក្ស អាចប្រឈមនឹងបញ្ហាតាមផ្លូវច្បាប់។
សម្រាប់គណបក្សប្រឆាំងវិញបញ្ជាក់ជំហរថា នឹងនៅតែបន្តអនុវត្តដូចសេចក្ដីសម្រេចដែលមានស្រាប់ដដែល។ ម្យ៉ាងទៀត ទោះបីជាលក្ខន្តិកៈចាស់ និងថ្មី លោក កឹម សុខា នៅតែជាប្រធានគណបក្សមិនមានការប្រែប្រួលនោះទេ។
No comments:
Post a Comment